امس العصر لجل أشرح البال سجيت

أمس العصر لجل أشرح البال سجيت=نفسي من هموم الليالي حزينه
طفشت من برا ومن داخل البيت=ومن لجة الاصوات وسط المدينه
وقصدت لي بر به ليا تخلويت= ارتاح به من زود مابه سكينه
وسرحت مع حالي وسندت ونحيت=والمبتلى رب الخلايق يعينه
وقبلت لي شعب به العام مريت=وليا العرب متمشيه نازلينه
ومن غفلتي ارتاع بالي وفزيت=شفت الغزال اللي يباهي بزينه
ادعج غنج ماشفت مثله ولاريت=وليا مشى يمشي بوقار وسكينه
ياويل حالي كل مافيه حبيت =سبحان من ابدع بخلق وزينه
ومريت من عنده وبالشوف غضيت= متخطره كلي ثقل من يمينه
أخاف لامني به شوي لديت=يجفل ونا كلي رهن رمش عينه
وبعد بعدت شوي وقفت ثم جيت=باكلمه بامان عن والدينه
لكن بعد ماشرفت بالرجم وابديت=نادوه باسمه قالو فلان وينه
وجاهم وركبو كلهم بالشفرليت=وطلعو من الديره وراحو غبينه
واحن قلبي حن موتر بلا زيت=ليا أشتغل توحي قريع المكينه
ودي أولع في ثيابي بكبريت=أقلع به السواق ويني ووينه
ياليتني امس العصر ماتمشيت= ولادارت الاقدار بيني وبينه

.
.
.
.
الشاعر / سامي البلادي


صح لسانك ..... وبيض الله وجهك

و بانتظار جديدك
.
.

واحن قلبي حن موتـر بـلا زيـت**ليا أشتغل توحـي قريـع المكينـه
ودي أولـع فـي ثيابـي بكبريـت**أقلع بـه السـواق وينـي ووينـه
ياليتني امـس العصـر ماتمشيـت**ولادارت الاقـدار بينـي وبيـنـه



الغالي سامي بيض الله وجهك على الراااااااائعه

وصح الساااانك

احترامي وتقديري لك........

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

صــــــــــــح لســــــــــــآنك .. يا ولد العم .. !!





والله لا يحرمنا هالابداع يارب .. !!





قصيدهـ وجدانيه .. وجدت لنفسي مكان بين سطورها .. !!





الف شكر لهذا الإبداع .. وتحياتي لكـ ... وبإنتظار إبداعك القادم .. !!


//



البدراني .. !!

صح لسانك وعلا شانك ..

كلمات رووووووووعة ..

دمت ودام إبداعك

صح الله لسانك
ولاهنت
وسلم فكرك وبنانك
دمت برعاية الله وحفظة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

لا تعليق مررت للمتعة التي أجدها دائماً في بروح



صح لسانك



تحياتي لك