محاوره بين ثنيان الرشيدي و الشاعر الكبير صياف الحربي

11-09-06, 05:05 PM

ثنيان الرشيدي و صياف الحربي في المدينه المنوره..

ثنيان الرشيدي =
يامرحبا بسم المدينه واهلهـا مـن كـل صـوب=عند الرجال اهل المكان اللـي عزيـزن شانهـا
ياطيب ليلن جاب لي صياف من بـد الحـروب=اللـي وزنهـا فـي يديـه ولاشـرا ميزانـهـا
صياف الحربي=
الك البقا والطيب يوجـد فالشمـال وفالجنـوب=والطيب من فعل الرجال اللـي طـوال ايمانهـا
حنا سرينا الليـل كلـه كـان ماهبـت هبـوب=وان كان هبت قوم سـج الخيـل فـي ميدانهـا
ثنيان الرشيدي =
الناس تجهل في بعضها ماملكت سـر الغيـوب=لكن طلوع الشمس من فـوق العـرب برهانهـا
ترا الوعد لك يالسحيمي فالوسيع مـن الـدروب=لا لاح بـراق المـزون اللـي عـزل ربانـهـا
صياف الحربي=
ياكثر ناسن مايعرفون الطلـوع مـن الغـروب=مثـل السفينـه فالبحـر يـوم انقلـب ربانهـا
ترا الدروب البيض بين النـاس مافيهـا عيـوب=واهـل العوايـد لاتغمـض والكحـل فاعيانهـا
ثنيان الرشيدي =
مادام عينك صاحيه منته عن النـور محجـوب=اقرب من الصـوره وتعـرف شكلهـا والوانهـا
انته تصعبهـا وهـي ياعـود مافيهـا صعـوب=كـل الطيـور مسطـره بالمسطـره جنحانهـا
صياف الحربي=
خيل العرب ماعـاد فيهـا لانـزول ولاركـوب=عشرين منهـا فـاول الهجمـه تجـر ارسانهـا
الله يعينك قـوم سـو السالفـه باحسـن سلـوب=واليا هـداك الله تحـط النـون مثـل اخوانهـا
ثنيان الرشيدي =
خيل العرب راحت بعد جوها كبيريـن القلـوب=اللـي تـدور دربهـا واللـي تجـر اعنانـهـا
اللي مضى فالباخـره مافيـه للراكـب ركـوب=واليـوم لريـاح الهبايـب فتّـحـت بيبانـهـا
صياف الحربي=
مايبلش العربان غيـر الشيـخ نفـاخ الـذروب=اللـي ليـا قـرب مـن الحيـه تمـد السانهـا
الظاهر انك تطلع من الحفـل مغفـور الذنـوب=هذا هدف مـن يرمـي الحبـه علـى طحانهـا
ثنيان الرشيدي =
حنا ترانـا مانبيهـا يبيـض الشـارب سحـوب=الخزنـه اللـي دونهـا سلطـان مـن سلطانهـا
حنا ذخرنا السيـف ياصيـاف لاشبـت شبـوب=وام الكبايـر مالهـا الا لسـان مثـل السانـهـا
صياف الحربي=
حنا نبيها في ردون الثـوب ماتصـل الجنـوب=ياشين رمـي البنـدق اللـي منعفـت نيشانهـا
انا تراني يابيـض الشـارب مافتـش بالجيـوب=اخـذ ماشـاح ولاح والدنيـا ياكثـر الحانـهـا
ثنيان الرشيدي =
تبا تبين الشمس فوق الثلـج ليـن انـه يـذوب=تـارد عليـه النـاس وتعبـي منـه صملانهـا
انا ادري انك يالسحيمـي لامهبـول ولاكـذوب=احرفتها براس العصا واضفت عليـك اغصانهـا
صياف الحربي=
تبا تبين الشمس مير الثلـج الابيـض دوب دوب=تـارد عليـه ام العيـال وقرقـعـة قدحانـهـا
حنا حسبنا المكسب المعروف والاصل محسـوب=لوكان بعض النـاس تـدري كـان زاد جنانهـا
ثنيان الرشيدي =
انـت متجهـز للقشـر والا متجـهـز للهروب=نـارن لهـا دخـان بيـن ايديـك وش دخانهـا
ماراح شي من الجمـال الا البعريـن النصـوب=اللي تطـب اوطـان يابوزيـد غيـر اوطانهـا
صياف الحربي=
ماعندنا وحده مـن الثنتيـن يالشيـخ النصـوب=اليـا دهنّـا الـروس والله مايـروح دهانـهـا
ابليس حـوّل فـي جهنـم ميـر عيـا لايتـوب=ذلولـه القشـرا لـك الله مايـمـس بطانـهـا
ثنيان الرشيدي =
ان كان صرت بنص درب الناس يالقاضي نشوب=نصبر على اجحـا ليـن ياخـذ حاجتـه ديانهـا
الهرج واجد والعرب مابيـن غالـب ومغلـوب=مير المدينـه ياسحيمـي كـم عـدد سحمانهـا.
صياف الحربي=
ياكثر قدحان العرب فالبيـت والديـس محلـوب=الجـوع ذبّحهـم وخبـز الهنـد فـي عمدانهـا
اهل الحجاز من الكرم مايذبحـون الا العصـوب=واللي قعد ياكـل ثـلاث ايـام مـن عصبانهـا