محاورة بين الشاعر الكبير صياف عواد السحيمي والشاعر حبيب دغيم العازمي

11-09-06, 04:48 PM

يشارك ببرنامج البادية لأول مرة دارت بينهما هذه المحاورة:

* صياف

جانا ببرنامج حياة البادية شاعر جديد
++++++++++يامرحبا باللي على عز وشرف سار قدمه
يالعازمي ليلٍ رمابك في يدينا ليل عيد
++++++++++لكن اظن الذيب تال الليل يفتح لك فمه

* حبيب

ماجاكم الا خصمكم والله يدبر مايريد
+++++++++++دام البقاء والحق يقضي فيه قاض المحكمه
انا حسبت احساب وقتي من قريب ومن بعيد
+++++++++++وليا لقيت الذيب اسمي باسم ربي وارجمه

* صياف

حنا رجال ولا يخوفنا التهدد والوعيد
+++++++++++من لايعرف العلم.. بالعلم الحديث نعلمه
تراك لا ذلحين ماعلمت بالعلم الاكيد
+++++++++++اقلط على سبع الخلا يلزمك والا تلزمه

* حبيب

انتم رجال وكل رجال يفيد ويستفيد
++++++++++++محدٍ يعلم عالم يقرا ويكتب بقلمه
ماخاف من سبع الخلاء وانا معي سيف حديد
++++++++++++واللي يجي من تحت حد السيف الابيض يقسمه

* صياف

ياكثر ماتزرع وتحصد مار مادري وش تصيد
+++++++++++لاحضروا الكتاب طلع علمك اللي تزعمه
ياكبر حظك لو حضرت العيد واليوم السعيد
+++++++++++لكن حظك لو بنى لك بيت بكره يهدمه

* حبيب

انته تجاهلت الرسايل عقب جاتك فالبريد
+++++++++++وليا دخلنا المعركه من تقدره لاترحمه
ياكبر حظي وانت حظك قام ينقص مايزيد
+++++++++++وليا فتحت العين ابكحل نون عينك و الطمه