مهموم انا يا عمِّ والهم قتّال==== خِنْجَرْه دمع وْطول صَفْن وْسكاير

لا تستبيح الجرح

لا تستبيح الجرح والجرح ولوال= إنسى وهات عْلوم ربع "المَغَايِر"
سُؤالك عْن الحال يا ذيب مدخال =لصْراع ما عانوا عليه النصاير
واحذر تزيد الحمْل ميله الا مال= مثلك فشق للمعتدي دوم ثاير
واهدا ترى ما هدني ظيم عَيَّال =عمك كسرْه فْراق حلو الظفاير
وافطن ترى ماني بْحاجه لِعِقّال=ابكي على عمرٍ له سْنين حاير
عمرٍ تعقل قبْل عِرْفي لَلَاْمْثال =واليوم شوفه يا عضيدي نثاير
يا ذيب واللي صوَّرك باحسن احوال =انك تساوي في عيوني عشاير
ويا ذيب كلماْ اْشُوفِكِ بْطيش تختال= اطرد بِشوفِك همِّ مِبطي وجاير
ويا ذيب ليت اْجر العباير فرج حال= والله لابل الدرب دونك عباير
ويا ذيب لو انَّ اْلْسراير بِتِنْقال= مَ تشوف عمِّك مَرْمَرَتْه اْلْسراير
خاويت انا يا عمِّ في عمري رْجال= ومن خوِّتي للبعض ذقت المراير
احدٍ لعب في رفقتي لعبَ اْلَاْطفال= واحدٍ تعدى بي حُدُود العزاير
واحدٍ تهقوى زلّتي...داج طبّال= متقفِّيِ دْقاق الحكي والصغاير
احدٍ عن دْروب النواميس ميّال= واحدٍ ورا ركبَ اْلْنِّقيصات ساير
احدٍ بنى من بوقَ اْخُوْيَاهِ تِمثال =وِمْنَ المعاصي والحيل والكباير
ذي رفقتي ما بين خاين ومحتال= الله وكيلك والحصيله خساير
لكنهم رغم المتاعب وَاْلَاْنْكَال= ما ورثَّوا درهم رمدْ لَلْبصاير
والدمع ذا يا عمِّ له عمْر همّال =الدمع باقي من ركام الدواير
الدمع ذا فرقى صويحيب ما زال= له في ضمير العمْر عمْر ومصاير
اللي مثيله يَ ابْنِ ابِن دمِّيِ اقْلال= ماله على وجه البسيطه نظاير
راح وْكسر من روحِتِه عزِّ رجّال= يا ليتِ تَنفع ما كِسَرْهَ الجباير
مهموم انا يا عمِّ والهم قتّال= خِنْجَرْه دمع وْطول صَفْن وْسكاير
الهم حرٍّ ماكره قهْر واذلال =له مخلب بلَّتْه دمّ الضماير
الهم مركب والعُمُر فيه رحَّال= يرسي بِشوفك يا بعد كلّ ساير
يا ذيب عندي شوفتك وانت تختال= تسوى بشر ما بين "جابر" وِ"باير"

للتحميل 3 ميجا
http://www.7looo.com/uploader//view.php?file=6ac05a61b8

صح لسانك نص جميل جدا وراق لي كثير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الهم مركب والعُمُـر فيـه رحَّـال يرسي بِشوفك يا بعد كـلّ سايـر
البيت هذا عن الف بيت
صح لسااانك ياجرير
وبيض الله وجهك على هذه الجزااااااله
ولاهنت
وننتظر جديد يالشاعر الرااااااائع

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

اخي القديرالشاعرجرير

صح لسانك واعتلاشانك وبيض الله وجهك

على هذه القصيده الرائعه قمة من شاعر قمة وتشكر عليها وليس غريب عليك

الابداع الله يعطيك الصحه والعافيه

وتقبل تقديري واحترامي لشخصك الكريم

صح لسانك حتى ترضى قصيده تتوقف عندها القلوب أسجل عجابي في هذا النص الجميل

لك صادق الود والاحترام

الف الف الف
شكـــــــــــــــــــــــــــــــــــــــــــر

لكم اخواني الاكارم على المرور

__________________

الاخ جرير صح لسانك وبيض الله وجهك يالغاليييييييييييييي

هلا وغلا فيك اخي القدير والشاعر الرااااائع

جــــــــــــريـــــــــــــــر

صح الله لساااااااااااانك ولاهااااااااان شانك انت شاعر مبدع بكل ماتحمله كلمة ابداع

قصيدة تحمل شاعريه رائعه الله يبعد الهم عنك والحياة دررروووس يالغالي

اخي الغالي دمت في وجودك الراقي

تقبل تقديري واحترامي لشخصك الكريم