الـجـــو كـــايـــــف

السلام عليكم ورحمة الله وبركاته
هذه خربشات قديمه لمن كان في وقتها طالب
علها هذه الخربشات تحوز على جزء بسيط من
اعجابكم

-
-
-

الجو كايف والدوام اشغل الناس = وانا الدراسه ياعرب قيدتني
مابين writing و grammar صرت محتاس = واذا طرا الـoral هموم كبتتني
بسباب was و were حصلت وسواس = وكل مااضفت (D)(E)ماطاوعتني
غير الـ paragraph الذي عقد الراس = من كثر ماكتب كل الاحرف شكتني
سرداد مردادي من class في class = معي الدفاتر والكتب رافقتني
لاماتعلمت انجليزي على اساس = اعرف او اسمع وش تغني برتني
ماودي اعرف هرجت انذال وانجاس = لكن ضروفي والضروف غلبتني
ودي بطعس ماوطى فيه بلاس = ولامن اللي معرفتهم كوتني
واشب نار ضوها يجلي اعماس = واضبط معاميل بريحه شدتني
ومقابلتني فاتنه مالها اجناس = اعيونها لاقصى الخيال اجذبتني
ابحر بها واسحب من البوك قرطاس = واكتب جميل الشعر لو ماطلبتني
واقضي معاها وقت فاقد للاحساس = ادخل بجو غير لاهرجتني
ماتظهر الكلمه بلا اي مقياس = ولاجات منهاكلمة ضيقتني
واذا ضحكة همي قفلته بترباس = اقفل على همومي ولو عاندتني
ماتتبع الموضه ولاسعر الالماس = ولاحطة المكياج لحظة لفتني
عهدتها بالصدق لي كتم الانفاس = وايضا بعد باخلاصها عاهدتني
على النقا مانتبع درب الادناس = لابالردى ناوي ولاقد نوتني
هذا مناي وغاية القلب ياناس = مابا الدراسه ليتها ماعرفتني

-
-
-

وسلامتكم
وتقبلوا احترامي
اخوكم

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر المبدع / عبدالرحمن السعير

صح لسانك وبيض الله وجهك

قصيده جميله جداً تسوى قصائد ومن شاعر مبدع

أسجل إعجابي ومتابعتي

تحيتي وتقديري لك

صح لسانك ..
..
أسجل اعجابي بالقصيدة
..
ويعطيك العافيه ..

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

اعجابي بلا حدود

صـــح لسانك

صح لسانك ملاييييييييييييييين



شاعره جزله اطرب لقصائدك



لك تقديري

مِــدادكَـ .. غـشـاهـا .. الـ صـدق ..


وأحـاطـهـا .. الـ نـقــاء !!


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


أخي .. الـ كـريــم ..