محاورات عبدالله المسعودي

اليكم هذه القصيد وهذه المحاورات لشاعر عبدالله بن مستور بن قنيع المسعودي من هذيل... ولد في ديار بني مسعود في منطقة الفوارة سنة 1364هـ
توفي في مكة المكرمة
من عمالقة الشعراء ودهاتهم يستحيل على مهما كتبت عن المسعودي ان اوفيه حقة
فهو مدرسة شعريه نادرة الوجود ينضب امامها حبر القلم ويجف
رحم الله المسعودي وأسكنه فسيح جنانه

له فالنظم

يالسانـي عــن فـمـي لاتـعـدا=قدام لااعضك على الضرس والنـاب
احـذر تـودي هرجـة(ن) مـاتـودا=اذا بـدت قالـوا لـك النـاس كـذاب
اللـي تعـشـا بالـكـذب ماتـغـدا=واللي تعالجبـه مـن السقـم ماطـاب
واحذر ثـم احـذر بالـردي لاتجـدا=حاجتك ماتقضا وسـرك مـع البـاب
مـن يـوم مايفهـم حقيقتـك صـدا=واصبح يسولف بك مع الناس الاجناب
عـز الله انــي تـبـت وابتـعـدا=توبة نصوح(ن) عند دروب الخطا تاب
واحدي عن اصحاب الـردى واتحـدا=خله يقولون العـرب مالـه اصحـاب
ياصاحبـي صاحبـك مايمـرح=وانتـه يصلـون العشـا وتنـام
انتـه مخلّيهـا ألــم نـشـرح=وأنا على مـن الحـزون خيـام
الليـل قضـى والنهـار أصبـح=وأنـا مساهـر والهـوى ظـلام
والله يالـغـشـاش مـاتـربـح=لكـن روح تجيـبـك الأيــام
صدقتنـي وأنامغـار أمــزح=هذي مزوحي من زمـان العـام
اهوى الغضب من وجهك الأصبح=واهواه من بعد الغضـب بسّـام
لو جتك زله من صديـق اسمـح=مـا فالبلـد لحـمٍ بغيـر عظـام
يابـو عيونـن شوفهـا يـذبـح=صدّر علي أمـرك وانـا خـدّام
يافرحة الخاطـر متـى تفـرح=خلاص يكفينا زعـل واخصـام
معـاد لا تضـوي ولا تسـرح=الا بهمـك والـسـلام خـتـام
سرى الليل وآباكلّف القاف تكليف=ترى القاف ما كل ٍ بفكره يحوفـه
ورحلة شتانا عوّدتْ رحلة الصيف=وانا آشوف ابو سفيان حرّش كفوفه
ليا جو هل الطيّب رجـال المعاريـف=دروب الرجال اهل الجميـل امعروفـه
ليا صرت ميت ما احسن الموت بالسيف=تيسّـر ومـا يكتـب لـك الله تشوفـه
يقولون راعي مصر عنده تصانيف=ليا ما حضر في اللعب قوّم صفوفـه
ومن هو يصلي في صلاته غطاريف=صلاة المنافق مـا عليهـا حسوفـه
تشوفون نصّ الدرب يا أهل الكشاشيف=وفالنص الآخـر شوكتيـن امعكوفـه
وحنا ليا جا عندنا الطرقـي الضيـف=نعشيه واحنـا مـا فتشنـا ظروفـه
تحومون فوق الزاد مثل الخطاطيف=وكل ٍ عيونه نابتـة فـي كتوفـه
عسى الله يكفيكم سهوم الصواديف=يا هل موتر ٍ ماني مصنفر بلوفـه
تنادي تنادي وانت مشتاق للكيـف=وابو صوف عيّا ينشف الما بصوفه
ليا كان ودّك فانت رجّال حرّيـف=كما الناعم اللي ما يخلّـي حفوفـه
مرحبا ترحيبة وسع المحيط وبحـر جـده=تجمع اقصاكم مع ادناكم * وعمري مانسيته
ماتلد عيونـي الا للصديـق اللـي تـوده=وان لمحناكم عرفناكم * وعمري مانسيتـه
البقا والعين عن ماجوبها ماهي مصده=والله ابقاكم وقواكم * وعمري مانسيته
يالهذيلي تقطع عروق النخل والا تجده=لابلانا الله ببلواكم * وعمري مانسيته
عندنا للضيف ثوب ومن تحت راسه مخـده=ياهل الافعال نجزاكم * وعمـري مانسيتـه
الاصيل من الجمال الوسم يلمع فـوق خـده=واصلكم ياحرب يصلاكم * وعمري مانسيته
سلام الله عليكم عد وبل الغيـث والرعّـاد=عدد مبدا القمر دويرة مـن فـوق دويـرة
أنا ما جيت ساري غير احب الكيف والبراد=وفي راسي خبر دويرة من فـوق دويـرة
هلا يا مرحبا واهلين فالمرواح والمعواد=عدد وبل المطر دويرة من فوق دويرة
مكيّف والبطن مليان لوّ انّك قليّـل زاد=يا بو بطن خضر دويرة من فوق دويرة
أنا رجل(ن) وسيع البال واقدح مثل قدح زناد=ماافك الك الصرر دويرة من فـوق دويـرة
شريكك فالبضاعة ما يغشك وانشد الاجـواد=تخليها زهـر دويـرة مـن فـوق دويـرة
سملاّق الذي يقلون ما ينساق مـا ينقـاد=لا جلد ولا شعر دويرة من فوق دويـرة
أنا لو جاتني علطا شريت لها رسن وشداد=والقمها تمر دويرة مـن فـوق دويـرة
ولا ياسيف يللي عام الاوّل حدّك الحدّاد=رمى بك بحر دويرة من فوق دويـرة
نبا نضرب مثل لابدّ صيّاد الفهود يصاد=درانا من عصر دويرة من فوق دويرة
ليا كثر السبب ما يسلم الا زاميَ الأنهاد=محفظ في قصر دويرة من فوق دويرة
تخبر الطاقة اللي يوم راح يسدّها السدّاد=أبو عود عجر دويرة من فوق دويـرة
ولا يا عمدة الحارة يبا يجمد عليك جماد=ونأخذ لك صور دويرة من فوق دويرة
علامك يوم توعدنا وتخلف حزّة الميعاد=ما تبدي فالخطر دويرة من فوق دويرة
ألا يا مدوّر المحدار ما لك شفّ فالمسناد=شمر ثوبك شمر دويرة من فوق دويرة
تحسب إنك كما عبلة وأنا عنتر ولد شداد=أجيب لها المهردويرة من فوق دويـرة
عسى ربعك هذيل يصيبها الرقاب والجلاد=وليلتها عوردويـرة مـن فـوق دويـرة
أنا عمّك وأنا همّك وأنا لك جيت فالمرصاد=لا تنقز في حفردويرة من فـوق دويـرة
هذيل أهل البلد والا أنت مالك فالبلاد بـلاد=يا حوت من البحردويرة من فـوق دويـرة
يطول الليل والا ينقصر برض السواط سواد=لا سمع ولا بصر دويرة من فوق دويـرة
أنا ما صك باب البيت لابس لي ثياب اجداد=يابو بشت وكمردويرة من فـوق دويـرة
عزمتونا وجبتونـا ولا تبـدون فالميـراد=شيوخك والجبردويرة مـن فـوق دويـرة
ياهل قدر(ن)عليه النار يوقدها الحطب وقاد=تخمّر وانخمردويرة مـن فـوق دويـرة
مسحت اديوسها وليّن ناقة ما تجيب اهـداد=لها شدق(ن)هدردويرة من فـوق دويـرة
ليا منا نصبنا قدرنا قدر الضيـوف وزاد=على طول الدهردويرة من فـوق دويـرة
ترى من يشكي الضيفان ما له عندن مقعاد=على دربه حجر دويرة من فوق دويـرة

رحم الله الشاعر عبدالله المسعودي وسكنه فسيح جناته

ألف شكر على المحاوره ..
ورحم الله الشاعر العلم والمعروف عبدالله المسعودي
يعطيك العافيه ...
تحياتي .

يعطيك العافية و بـــــــارك الله فيك

الله يـعـطـيـك الـعـافيـــــــــــة

بيض الله وجهك

بيض الله وجيهكم على المرور

الله يـعـطـيـك الـعـافيـــــــــــة

بيض الله وجهك

مشكووووووووور الله يعطيك العافيه

مشكور اخي على الأختيار والمعلومات المفيده

ومحاوره راااائعه

بيض الله وجهك

تقبل تحياتي

ودمت بخير