( وتتحسّن أحوالي في وقتٍ قياسي )

تعال ياحجّام وأحجِم في راسي
وفكتوفي أحجِمني ثلاثة محاجِم
عساني القى راحتي في نعاسي
وتزيدني قوّة واكسّر جماجِم
ويكون هذا اليوم تليين قاسي
يمكن يصادف طلعة لنجم ناجِم
وتتحسّن أحوالي في وقتٍ قياسي
وتصير لي فرحة بشوف المناجِم
يرجع نشاطي يذكُرُه كل ناسي
وللي يعاندني اباكون لاجِم
وامارس رياضة ولعبي حماسي
أصُد للهجمه ومن ثُم اهاجِم
في كامل الشّوطين لاعب اساسي
فالأوّلي محور وتالي مُهاجِم
أخذت لي تقريب موسم دراسي
مريض يوم النّاس تقرأ التّراجِم
واليوم يبغى يزول سُقمي وياسي
وماعاد يرجع وآنا للبليس راجِم
لنّ الحِجامة طِب ينهي مأسي
مذكور عنها فالسّيَر والمعاجِم

الشّاعر/ خالد بن عبيد بن معتوق الأحمدي

صح السانك
مببدع ومتميز

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة