مشاركه بحفل فيصل معيض العتيبي

بسم الله الرحمن الرحيم

مشاركه بحفل الاخ العزيز فيصل بمناسبة زواج ابنه عبدالله

بسم الذي لامره سجدنا مطيعين= المعتلي بامره يسير الزماني
نبداء كلامٍ للمعازيب ناقين= قولٍ نزيه الحرف زين المعاني
فالمنبر المرفوع عند المسمين= مكرمين الضيف ستر العواني
عقبان نجد مرجحين الموازين = عتيبه الهيلا طوال اليماني
سلام مالبو بالاحرام ساعين = بين المقام وحد ركن اليماني
سلام يشداء العود زين الرياحين=ويشداء درير المترفات السماني
عفر النياق النادرات المزايين = نوق الطهيمي والا البيضاني
نسوقه سوق البن وسط الفناجين =مخلوط طعم الهيل والزعفراني
بعد السلام القصد جينا ملبين =دعوة صديقٍ لاحتفاله دعاني
فيصل رفيق العمر وحنا صغيرين= جيران لاكن فالحقايق اخواني
قبل التطور لايجي بيتنا الطين = صافين قلوب وحافضين الساني
ماعندنا تلفاز ولابه مغنين= نقر كلام الله سر وعلاني
ايام راحت واستباحت كثيرين = ياكثر ملجلج خفوق المحاني
رجال دين وفالمراجل حريصين = يالله عساهم في رياض الجناني
ياكيف ابا اهداء لاتذكرت غالين =لامن ذكرت معيض راع الحساني
الوافي الي قل مثله وفيين = لاصحابه الغالين ساق العناني
يزورهم لوهم تنحو بعيدين = لامدورٍ مديح ولاكبش ضاني
عساه في جنة عدن قولو امين = وقيصل حليه سد ثغر المكاني
والنعم فيكم يالجيران القديمين= غزاي ومطلق مانساهم بياني
اشهد شهادة حق بالحيل غالين = لو الزمن والضرف عنهم حداني
مهما مدحت وقلت ماحن موفين = منا لكم بيضاء بروس البياني
والختم يافيصل قدمنا مهنيين = للابن عبدالله نزف التهاني
مبروك ياعبدالله يابن الميامين= مبروك لك وايضا لبنت الحصاني
تمت وصل الله لختم النبيين = ماغرد القمري بروس المباني

صح لسانك وعتلا شانك
يابو هليل دايم مجمل

ياهلاااااا يابوتركي

صح بدنك
وجمل الله حالك لاهنت مشكور

سؤال يبو هليل لو تكرمت :)

وش حلل لعتيبه در نياق حرب ، من الناحية الشعرية طبعا
ولا حنا وياهم اخوان مابه شك.

ويااخوي انت يوم رحت تبارك لهم فمناسبة سعيدة

وراك ذكرتهم موتاهم .. الله يجزاك خير.

صح لسانك وبارك الله فيك

الله يعطيك العافية

مستشارنا الغالي
ارجوا تقبل مداخلتي بصدر رحب و تحياتي

صح بدنك ياطلق المحيا لاهنت
وانشا الله نستفيد من ملاحضاتكم

تسجيل تواجد في منبر الجزاله
صح لساانكـ
بيض الله وجهك

صح لسانك
مشاء الله تبارك الله

صح الله لسانك
ولاهنت
وسلم فكرك وبنانك
دمت برعاية الله وحفظة

لاهنت وصح السانك

تقبل التقدير والاحترام

وفقك الله

ياهلااااااا يالحب الباقي

صح بدنك لاهنت مشكوور