مشعل غريب وافي الخلق والدين

بسم الله الرحمن الرحيم
السلام عليكم ورحمة الله وبركاته

انتقل الى رحمة الله الشيخ مشعل غريب الجميلي وهو من الرجال الافاضل نسال الله ان يغفر له ويرحمه ويسكنه فسيح جناته
ويلهم اهله وذويه الصبر والسلوان


بالالف واربع والثمان وثلاثين
تاريخ تسعه يوم جمعه بشعبان

راح الذي قفا وصرنا حزينين
ياكثر ماهلت محاجير الاعيان

مشعل غريب وافي الخلق والدين
من خلقته لليوم ماضيق انسان

راعي هلا بالضيف يوم الزمن شين
يكرم ضيوفه والجماعه وجيران

محبوب عند الناس قاصي والادنين
ماكنه وسط القلب يبديه بلسان

لامن حضر يمنع غياب المقفين
مايقبل الغيبه وينصح بالاحسان

بالدين مامثله لقينا حريصين
على النقا دينه ولافيه نقصان

وقت النداء يسبق جموع المصلين
يبغى الجزاء من خالق الخلق رحمان

يالله عسى الجنه منازيله امين
مع النبي والال وراعين الايمان

والختم ليت الناس مثله كثيرين
عودن رحل لطيب منهج وعنوان

ونلقى العوض بعيال ماهم رديين
عل المصاب يخف وتروح الاحزان

الله يرحمه وبجعل قبره روض من رياض الجنه والهم ذويه الصبر والسلوان
صح لسانك يابو هليل
والله يجبر عزانا وعزاكم وعزا كل من فقد عزيز

اللهم امين

الله يجزاك خير يابوتركي ويحفظ لكم غاليكم ولايريكم مكروه

الله يرحمه وبجعل قبره روض من رياض الجنه
وصح لسانك مليون على القصيده
والله يـعـطـيـك الـعـافيـــــــــــة
بيض الله وجهك

رحمه الله رحمةٍ واسعه وأسكنه فسيح جناته
وألهم أهله وذويه الصبر والسلوان والعزاء
موصول لك عزيزي أبو هليل
وصح لسانك
تحياتي وتقديري

[color="purple"]الحب الباقي

صح بدنك لاهنت وجزاك الله خير[ /color]

ولد راشد

صح بدنك لاهنت وجزاك الله خير

اللهم ااامين لاهنتم جميع

صح الله لسانك
ولاهنت
وسلم فكرك وبنانك
دمت برعاية الله وحفظة