لا لقيادة المرأة - ملتقى قبيلة حرب الرسمي

[/table1]

تـريحـي يابنـت كأنـك تمنين =حتى لونه حلم به تحلميني
يوم من الأيام إنك تسوقين =عز الله إنك فيه ماتفرحيني
بالمملكة بالذات والله تبطين =تدرين وليه أجاوبك أسئليني
الأولة حكامنا غير راضين =لسد الذرائع بأمرها حاسميني
وهذا الأمل يحفظهم الله آمين =اللي بشرع الله متمسكيني
والثانية يابنت أهل دين =ولسلومنا وعاداتنا حافظيني
الدين مايسمح لحالك تروحين =إلا بمحرم حافظٍ لك أميني
وشلون وأنتِ ناوية تستقلين =في موتر تروحين وين ماتبيني
في عالم مايسوق فيه النساوين =أنتِ الوحيدة كيف ماتستحيني
ولو أفترضنا تسوق وحدة وثنتين =بين الشباب بالله وش الظميني
مهما يكون الله خقلكم ضعيفين =وش تقدرين في وقتها تعمليني
هذا أنحلال وفتنةٍ للشياطين =اللي يبونا نكون مُستنسخيني
للغرب واللي في خطى الغرب ماشين =ماهم معنى الشرف فاسقيني
ولايقبله يابنت غير الخبيثين =راعي هواء مافيه غيرة وديني
وحنا أهل العادات أكبر غيورين =حنا ترنا قبلة المسلميني
حنا قبائل والقبائل خطيرين =دون المحارم وعرضنا مُجرميني
خطٍ حمر أعراضنا السعودين =من يقربه محسوب من الهالكيني
مافيه تفاهم عندنا للحقيرين =لعنة على اللي يتبعون اللعيني
تحمدي الله وأخزي الشياطين =أمدللـة ومريحة وش تبيني
محفولةٍ مكفولةٍ بين الأثنين =بين الأبو وعياله الحاضريني
وين ماتبين لو كان للهند والصين =بيات حزة وقت بس تأمريني
عندك خبر تصنيفنا كم تدرين =بنسبة حوادثنا مع العالميني
المركز الأول لها مستحلين =ولو النساء تسوق الله يعيني
مافيه شك وريب تلقوننا وين =بين القبور والطب ومصلحيني
حنا بليا زحمة تشيب العين =وأقل بيت تشوف سيارتيني
ومن قبل هالطاري ذقنا الأمرين =حوادثٍ في شرها واقعيني
ياكم فقدنا من شبابٍ صغيرين =وياكم شباب من بيننا مقعديني
راحوا ضحية عمرهم دون عشرين =كله من السرعات ومفحطيني
يابنت حنا رجال ونسوق مبطين =نروح ونجي ورؤسنا دايخيني
من سائقين آحيان مثل المجانين =برواحهم يابنت متهوريني
ماللمرور والإنظمة والقوانين =أي أحترام وحقوق للسالكيني
سائق يمرك موحفٍ له جناحين =دأيم وهم في مشيهم طايريني
سائق ماياقف للاشارة لو شوين =مستهترٍ باللي لها واقفيني
سائق تشوفه يأخذ يسار ويمين =عينه على الجوال وش كاتبيني
أصحي معي يابنت وحذرا تمادين =وصحي أبوك كانه من الغافليني
أنتٍ وأبوك والله غادين غادين =مدام يصفق وأنتِ له ترقصيني
لكن نصيحة مانبي منها شين =وإلا أنا واحد من المنكريني
لايجركم للعار ناسٍ ملاعين =أهدافهم شرفك كان تفقهيني
بكرة اليا سقتي مع السوق توحين =هلا هلا باللي لها محتريني
يامرحبا في شوف سيد المزايين =لله درك بس لو تسمحيني
بلا نقابٍ يشغلك ماتشوفين =بلا عباة أكمومها باليديني
ومضايقات ورأك وين ماتروحين =ويحدحدونك لينكم تصدميني
وليا نزلتي جوك بالحال عجلين =سلامتك حنا معك شاهديني
وخذلك من التصوير يالليل ياعين =وتجمع الجمهور مستانسيني
مالك جدى في وقتها بس تبكين =من الفشيلة وضحكة الشامتيني
هذا الذي يابنت أنتِ تمنين =وش الذي من عقبها تصلحيني

[table1="width:95%;"]

[/table1]

التوقيع :

التعديل الأخير تم بواسطة محمدمطرالفريدي ; 23-12-15 الساعة 06:12 AM. سبب آخر: خطاءمطبعي

22-12-15, 03:01 PM

شـــــاعر

محمدمطرالفريدي غير متواجد حالياً

محمدمطرالفريدي is on a distinguished road

لا لقيادة المرأة

[table1="width:95%;"]

( لا لقيـــادة المرأة )

بسم الله الرحمن الرحيم

الشاعر/ محمد بن مطر الفريدي

22-12-15, 03:24 PM

كحيلة حرب

الكحيلة غير متواجد حالياً

لا بالله انتم تريحو محد سايق
لكن اتركو العزف على وتر مبتوت
اهتمو بعيالكم واتركو التسدح في الاستراحات اهتمو في تربيتهم
اللي لعب فيهم الفكر الضال
واللي تفكر انها تسوق اسمح لي اقول انها غبية
احد يقبل على نفسه يكون خادم بدل مايكون مخدوم؟
وصح السانك

التوقيع :