ضامي وقدّامي على هقوتي رَيّ .. و الـوقت لابِـدّه يهلل سَحَابِه

.
.
.
.
ياوَقت لَو تذخر من العَتمَه شّوَيْ
يكفي بصيص النور مثلي سعابِه
اللي كِسَبته منك ياوقت لاشيْ
تمضي حيا والقلب يكبر مصابِه
هجّيت من رمضاك ابآ ادور الفيْ
والّفيت هم ٍ قام يِضّرِس بـ نابِه
مفقود لو اني مع العالم الحيْ
يشكي ضنيني لين قفّى شِبابه
مسموحه الدنيا ومسموح ياضَيْ
محبوس قلبي من يحس بـ عذابه
أنا الجريح اللي بكى ماشِكى شي
وانا بــدر مايوم بان الضّـيابه
لو الخِـلِي قال آخر علاجك الكي
يموت مكنون الحشا مادرابِه
آمالي ادري مالها عندهم زَيْ
واوجاعي اكبر من هجوسن سَرابِه
العام كمّل والبقى ياهَل الحَيْ
طفلٍ بِري يضحك على اطراف بَابِه
لايجتمع مع غَبْنِـتي ضَنّي السَيْ
ماراح مِنّي ربّ الاقدار جابِه
ضامي وقدّامي على هقوتي رَيْ
والوقت لابِدّه يهلل سَحَابِه
لو ضيقتي تلّوِي رجا خافقي لَيْ
والياس دَاسْ القلب عَقْد ولِجابِه
جمرة قهر غطّيتها قَبْضة يِدَيْ
من ينبش اطلال العمر وش لِقابِه
تايه و ادور فآخر العمر لِي مَيْ
يروي خفوقي وابتهج من شَرَابِه
صِحَيت بَعد احّفَيت الاقدام يَا ضيْ
والعُمر ماسرّيت طَرْدِي سَرابِه
واضَيم حَالي كلّ ما الّفَيت بِضْحَيْ
لاشِفت بِعْيون الرِجا وشْ جَرابِه


بدرالهبيري