لحن جديد مع الشاعر القدير حسن بن مصلح ابن وكيل الشيخ

خليفة المز روعي

لاياحسن ياعريب الجد
ياللي لكم فالشعر جزله
سلام كنه رحيق الورد
وتحوله للعسل نحله

حسن بن مصلح وكيل

ياللي لكم في المراجل عد
وافي ولا تعرف الهزله
ترحيب غالي ولا له حد
أعذب من الماء في دجله

خليفة المزروعي

في مامضى فالوداد انود
واعطاني الله من فضله
واليوم كنه مجدد عهد
كيف اردع القلب وأعذله

حسن بن مصلح بن وكيل


لايكون ناوي تعود جد
والبنك خاوي ولا عمله
اجعل ما بينك وبينه سد
بعض الهقاوي ترى قتله

خليفة المز روعي

بعض الهقاوي ماهي باليد
عن منطق العقل منشتله
القلب حاكم عليها بحد
له حبل ماينقض فتله

حسن بن مصلح

القلب بالدين رده رد
لا تتبع القلب في جهله
واللي مضى ينكشف لك غد
ويبين لك تالي الرحله

خليفة المزروعي

الدين صادق حجاب اسد
واخوك رويان من نجله
في دبرة اللي خلقه العبد
اللي سجود البشر لجله

محاوه ممتازه.
صحت الالسن وطابت القلوب.

صحت السنتكم
والله يـعـطـيـكم الـعـافيـــــــــــة
بيض الله وجيهكم