ياليت من قال انا يسبق كلامه فعل شفناه

يقوله اللي ليا ما قاد قافِ زان معناه = يبني بيونه وهو في خالقه دايم رجاوي
اليا طرى ماطرى نظم القوافي راح ينحاه= وان شاف ماعاف بين محتوى القلب العناوي
في هاجسي خاطرة وانا اشتكي منها معاناة= واظن مثلي جميع الناس لجوا بالشكاوي
رفيقي اللي مقاطعني وانا شفي بلاماه =ادارجه لليام وهو يبي قطع العراوي
عميلي اللي وعدني وانتحى وانا اتحراه= حان الوعد للسداد وهو على النكران ناوي
صحيبي اللي بدت له حاجتي ماشفت مسعاه= يعلم بحالي وهو ماهو على الفزعة شفاوي
ياجيلنا اليوم عينت الرجال اللي لهم جاه= اللي يفوزون في دفع النوايب والبلاوي
اللي لياما عطوك العلم وانك قبل تقراه= تلقى البراهين للافعال ماهو قول غاوي
ياجيلنااليوم جيل الامس كان الصدق مبداه= كان الصفا والوفا عنوان للجيل الصفاوي
لوكا ن قليلهم يعرف كتاب الله وفحواه=لكنهم يفرقون الناس مدلل وغاوي
مهما يجي بينهم من علم قالتهم مسواة= المدعي يدعي والشيخ يفصل في الدعاوي
وان حان وقت اللزوم الصقر يبدي لك في مسراه= تلقى العلم فالسما مرفوع والمشرب عذاوي
وحنا قرينا الكتاب وكل مفضمونه عرفناه= لكن سير العمل ماجا على قدر الفتاوي
اليوم اشوف الرجل لاعطاك علم شوي ينساه= من بعد قل الحيا والسمت من وجه الحياوي
ياكثر منه تكلم والحصيل اعلم به الله = قول بليا فعل مثل البعير اللي رغاوي
ياليت من قال انا يسبق كلامه فعل شفناه= الياسمعنا الكلام الفعل جا قبل الهقاوي
حتى يعم الوفا والود بين الناس تلقاه= والناس تمشي على وضخ النقا سارح وضاوي
وختامها ذكر ربِ كلنا نرجي عطاياه= صلوا على من بعثه الله بالوحي السماوي

صح لسانك يابوماجد

قصيده جزله بيض الله وجهك

صح السانك وبيض الله وجهك

الله الله

لله درك ابدعت صح السانك وبيض الله وجهك

لاهنت الله يعطيك العافيه

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة ابوهليل

	صح لسانك يابوماجد قصيده جزله بيض الله وجهك

هلا وغلا حياك الله
صح بدنك وطال عمرك ووجهك ابيض
تحياتي

	المشاركة الأصلية كتبت بواسطة نديم المجرة

	صح السانك وبيض الله وجهك

حياك الله
صح بدنك وطال عمرك ووجهك ابيض
تحياتي

	المشاركة الأصلية كتبت بواسطة جريح الفرقا

	الله الله لله درك ابدعت صح السانك وبيض الله وجهك لاهنت الله يعطيك العافيه

حياك الله اخوي
صح بدنك وطال عمرك ووجهك ابيض
شرفني مرورك
تقبل تحياتي

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

حياك الله اخوي
صح بدنك وطال عمرك ووجهك ابيض
لك شكري وتحياتي