حي الضمير ويجلد الذات كرباج

بعض العتب .. واللوم معاد يحتاج=والوضع ابلغ من علوم ومشاريه
على كثر ماقال ..ماشفت مخراج=او كلف الاحساس بالعذر من "ليه"؟!
او زيف شعوره .. لسلطان الاحراج=اهون .. ولا اللي قام ينضح بما فيه
لاراح راح .. ولا رجع ساق الافواج=باعذار تكشف .. والفعايل تعريه
جيته وهو هو .. والقصايد بالادراج=ماني في باله لا .. وللبعد مشقيه
ثم زاد بل الطين باسلوب منعاج=طالع بعينه واستدار بخطاويه
اقفا قوي العين مع ثايرٍ هاج=وانا الوحيد اللي يهده ويبنيه
اقفا وانا في داخلي كون وازعاج=ثارت براكينه وثارت معانيه
مايدري انه شخص عادي ولاداج=فيني ولاله بالهوى مايزكيه
من اول المشهد وانا اشوف الاخراج=ماحرك احساسي .. وانا أدرى بتاليه
اردى البشر .. له عرق من ساس الانتاج=يامبتلى .. ! او السبايب بلاويه
ماهمني والحرف لامثاله علاج=مانقصر بفعلٍ على الخير داعيه
اقولها والبحر ثاير بالامواج=متلاطم بمده وجزره يباريه
مهما وصل حده بتأمين وسياج=احرص من الزلات وابليس مخزيه
عن الخطا والاثم حراس وابراج=باحساس مؤمن خايف الله ويرجيه
والظاهر بخافي .. له النور وهاج=مامثّل بظاهر .. وخافي مغطيه
والحق ابلج .. ماتخفا ولا لاج=والعيب تعرف بالخوافي مواريه
هذا وفيني .. فايض الحرف هداج =باحساس تم .. وكمل شعور راعيه
حي الضمير .. ويجلد الذات كرباج=كنه على نار الثواني تصاليه

صح لسانك الله يعطيك العافيه

سبك وحبك على أعلى مستوى
قصيدة من قلب وفكر
فيها إستدراج للمعنى بشكل مميز
وحبكه شاعر لايجيدها إلا متمكن من هذا الغرض
أعجبتني وراقت لي كثيرا
صح لسانك أخوي على هذا النظم الشعري
تستحق الإشاده

إحترامي لك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر سلطان الحربي
صح لسانك الله يعطيك العافيه

صح لسانك الله يعطيك العافيه

حي الضمير .. ويجلد الذات كرباج=كنه على نار الثواني تصاليه
ابدعت في اخراج ومونتاج هذا المشهد
لاحياة في من مات ضميرة
نص رااقي كما تعودنا
شاعرنا القدير

سلطان الحربي
صح السانك لاهنت.

	المشاركة الأصلية كتبت بواسطة ابوهليل

	صح لسانك الله يعطيك العافيه

صح بدنك ولاهنت ابد

	المشاركة الأصلية كتبت بواسطة بن مريع

	سبك وحبك على أعلى مستوى قصيدة من قلب وفكر فيها إستدراج للمعنى بشكل مميز وحبكه شاعر لايجيدها إلا متمكن من هذا الغرض أعجبتني وراقت لي كثيرا صح لسانك أخوي على هذا النظم الشعري تستحق الإشاده إحترامي لك

بن مريع

شهادة مثلك وشرواك وسام وتاج ع الراس استاذي

صح بدنك ولاهنت ابد

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي


صح بدنك ولاهنت ابد