غالي السعر وطيب العلم

20-01-14, 08:05 AM

أحمد عبود العمودي

( غالي ألسعر )

قال العمودي غالي السعر نشرية
مالي بسوق الرخص روحة وجية

للطيب وسم يبان في وجة راعية
صدق النوايا والوفاء والروية

وحياة ساعد شفتها كلها فية
صدرة وسيع ويكرة العنصرية

يشرق سوات الصبح في وجة لافية
ينصاة بالترحيب والشاذلية

كريم يوم الله من الخير يعطية
يعطي الخوي والجار جزل العطية

لوامدحة طول العمر مايكفية
مير اطلب الخلاق وارفع يدية

واقول يالله عنه ترضى وترضية
صديقي اللي له حقوقً علية

كل العرب لليوم بالخير تطرية
من اليمن للدوله الفارسية

وهيض عليه يوم غنى بناخية
يرثيه بأبيات القصيد الشجية

عبدالعزيز اللي نعزة ونغلية
يستاهل التقدير والمدروية

من صغر سنة مالك الملك مسقية
شربة قراح من العدود الرهية

أبوة ابن مغلي كما المسك طارية
ومعروف خالة والعزاوي قوية

قولة كما ذوب العسل في مجانية
سالم من التزوير والعنجهية

زعيم قوم الله يعزة ويحمية
من الحسد واهل النفوس الردية

وانا العمودي غالي السعر أبشرية
مالي بسوق الرخص روحة وجية

الرد من الشاعر /عبدالعزيز سعيدابن مغلي

(طيب العلم )

قال الحليلي طيب العلم نبدية
لهل الوفاء واهل السبال النقية

راع الوفاء والطيب بالطيب نوفية
اقولها بالصدق من طيب نية

وحياه ساعد كل مااوحيت طارية
دمعي سوات الغيث في العقربية

عسى الثياب السندس الخضر تكسية
في جنة الفردوس مع والدية

والموت حق ودرب للناس تمشية
والدايم الله رب كل البرية

وبعض العرب قبايل ان مات ترثية
وبعض العرب قبيلتة بالحمية

وبض العرب بيتة ومن فية يبكية
وفي الناس ناس ومالهم قابلية

كلن ولة معنى وله درب معطية
وحياتنا مابين حسنة وسية

وجانا كلام من العمودي مسوية
فية الثناء والمدح واطيب تحية

الصاحب اللي طيباتن مبادية
جانا كتابة مرسلة مع خوية

تحيتة مني ياربي تحيية
ومن ذوي ثلاب حياك مية

واحمد عبودالله مزين معانية
وصاة ابوة ولا يعاوز وصية

تلقاة فالحروة ليا كنت محرية
وابن العمودي في شداد المطية

قولة كما در البكار وحلاوية
مرباعها جوف الديار العذية

عزيز قوم وفرض ربه يصلية
يبدي بطيب وسالم من الرزية

وحنا سليم وطيب العلم نبدية
لها الوفاء واهل السبال النقية

وسلامتكم