الشعب ضد بعضه للحرب تضطره=تلعب بالشيعه وبأهل السنه الكور

متى العرب تصنع الصاروخ والذره= ويرجع للإسلام من عز العرب دوره
وترجع فلسطين لعيون العرب قـره= والشر نمحاه ونهـزم امبراطـوره
ونأخذ بثأر الشهيد محمـد الـدره= القصة اللي بتاريخ العـرب عـورة
ويبرد بكبدي لهيب ما بـرد حـره= يشتب مع نشـرة الأخبـار دافوره
يوم نعيشـه كفى الله العرب شـره=به كل ساعه تمر-توضح الصـوره
ضر- العرب وأمة الإسلام من جره؟= تبقى الإجابه ورى الأهداف مبتوره
ناس تبي عزة الإسـلام وتضـره= جهادها عنـه يوقعهـا بمحـذوره
تكفر المجتمع واهل الذكر مره= العالم المتعدل ماتستمع شوره
تفتـي بقتـل البـري والله ماقـره= لا بالحديث الشريف او آيه بسـوره
وناس بها تقتدي عن جهل مغتـره= تنفذ مخطـط الأرهـاب مغـروره
وناس على كرسي السلطان محتره=عبرالفضاء تحرض الأمه على الثوره
مفتيهم مسيلمه واخوه ابو مره= ثرثار بقبن يثرر زور من جوره
ينشر حديث بلا اسانيد ماسره= في ساحة الصدق وين اعلام جمهوره
الشعب ماهو- اجهزه بأزره يفره= على دستوره حمى مقفوله صدوره
وناس تصب العسل والسم بالجره= خليط لوبي من الإسلام موتوره
تجر حبل الزمن للخلف مغبره= اليا مات حقدالطوايف تحيي جذوره
الشعب ضد بعضه للحرب تضطره= تلعب بالشيعه وبأهل السنه الكوره
وتورط الحاكم لين يزل وتغره= البعض ودع والباقي ينتظر دوره
والحمد لله بلدنا بحره- وبره= حاميه رب العباد وحكم اخو- نوره
ما للمستعر-على ارض بلادنا جره= سماه عن العدى عبدالله_ و سوره
جنب بلدنا فتن وحرو ب مجتره= العدل سيفه وكتاب الله دستوره
يحيا ملكنا وتبقى المملكه حره= والحاقد نرد كيده خنجر بزوره
الشاعر : سعود بن عبدالله المبيريك الحربي=

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشّاعر/ سعود بن عبدالله المبيريك الحربي
صح لسانك قصيده وافيه وتتكلم عن المهم
والله ينصر امّة محمد وسنّته
ويعيد كل ارض محتلّه من اعداء الاسلام

الحب الباقي
اشكرك على تواصلك المستمر
تقبل خالص التحية

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

الشاعر المبدع / سعود المبيريك

صح لسانك يابو عبدالله واعتلا شانك

قصيدة ولا اروع هادفة

شاعرها صاحب رسالة

شخصت الواقع وما فيه من المغالطة والتشعيب والتشظيه

لخير الاديان

المبعوث فيه محمد صل الله عليه وسلم رحمة للعالمين وليس نقمة

بيض الله وجهك يابو عبدالله

تقبل

مروري وازكى تحياتي وتقديري

ضر- العرب وأمة الإسلام من جره؟= تبقى الإجابه ورى الأهداف مبتوره
ناس تبي عزة الإسـلام وتضـره= جهادها عنـه يوقعهـا بمحـذوره
تكفر المجتمع واهل الذكر مره= العالم المتعدل ماتستمع شوره
تفتـي بقتـل البـري والله ماقـره= لا بالحديث الشريف او آيه بسـوره
وناس بها تقتدي عن جهل مغتـره= تنفذ مخطـط الأرهـاب مغـروره

نعم مغتره ومنغره استغلو نخوة العرب وحمية الاسلام لهدافهم غررو بالشباب
وفرقو بين الابن وابيه والاخ واخيه

اللهم اهدهم سبل الرشاد وجنب البلاد والعباد شرهم
نص راائع وابداع اروع

صح السانك لاهنت

صح لسان شاعرنا المبدع بارك الله فيك

صح الله لسانك
ولاهنت
وسلم فكرك وبنانك
دمت برعاية الله وحفظة

صقر المراقيب

اشكرك على تواصلك
وعلى زيارة متصفحي
تقبل وافر التحية