ديوان الشاعر مصلح بن براك الحربي

كلماافتـح بـاب تغلـق ألـف بــاب=وكلماانسى الهـم يرجـع مـن جديـد
وكلمااتـبـع ماء!!ألقـاهـا ســراب=لين شـاب الـرأس واتعبـت الحديـد
قصتـي مـأسـأه اولـهـا عــذاب=وآخر القصـة معـي حظـك سعيـد
يابعـد عمـري تـرى آخرنـاتـراب=والآمـل بالله يــا لـحـب التلـيـد
والتـرد يابعـد عـمـري خــراب=والحدس مـن فضـل خـلاق العبيـد
والله إنــي ماتـخـلـق الـكــذاب=لجـل اليـن قلبـك الصعـب العنيـد
آآآآآآآآآآه ثمن آآآآآآآآآآآآآآآهيا مر الشراب=كـان ذا يرضيـك؟؟؟ أسقينـي مزيـد
الـقـدر نـافـذ وعـنـدالله كـتـاب=اوثقـي بالله!!! يـا لحـب الفـريـد
التفائـل ضـد صيحـات الـغـراب=والأمـل حبلـه مـع الخالـق شديـد
ايه!! أحبك حب من غير إضطـراب!!=واثقـن فـي رأيـك الجـزل السديـد
كل شـيء بغيبتـك عنـدي ضبـااب=والكـرى فـي غيبتـك دايـم طريـد
لـك بقلبـي منزلـة مثـل الهضـاب=ماتزعزعها العواصـف لـو تزيـد!!
اشتري بسمتـك بـأوزان السحـاب!!=وعد حب القمح!!!! في يوم الحصيـد
أبشري في شخص أنتـي لـه ثيـاب=وأبشري في قلب أنتي له وريييييييييـد
أعمل المعروف ما قصـدي ثـوااااب=ولك لو حدك أكتـب ابيـات القصيـد

آه يـا حسرت(ن)دفنتهـا بالضميـر=مثلما تدفن الرمـلاء ولدهـا البكـر
كانك انتي بخيـر انـا مانـي بخيـر=خيري انتي وقربك وابتعادك ضـرر
اشتكيت المخدة واشتكيـت السريـر=كيف ابرقد لا صا رفراش نومي جمر
قالت امي تعالج وانت رجل(ن بصير)=ارق نفسك!!! وانته كم تعالـج بشـر
كم مريض(ن)لفانا فيـه شر(ن)كثيـر=بعد رقيتك طاب . وللقرايـة شكـر
سـدري عايـشـن فــي سـديـر=ما يعالـج بلايـه زيـت والا سـدر
إن سكت قلت هذا شيخ قوم(ن)كبيـر=وإن تكلـم كلامـه تقـل ينظـم درر
هيبته وسط ربعه مثل هيبـة وزيـر=كل حوله كوابك غيـر هـو القمـر
لا هو اللي طويل ولاهو اللي قصير=وإن نظرني بعينه قلت فيهـا سحـر
ليتني طيرواكفخ في جنا حي واطيـر=بس آخر جداية غيـر اكتّـب شعـر
آه وا رجلي اللي ما تطيـق المسيـر=يا غلايه عشيريك غارق(ن)في بحـر
بحر عشقك وحبك يا عيوني غزيـر=كل طبي وعرفي عن علاجي قصـر
ارحمي من يحبك من سموم الهجيـر=لا يطوّل غيا بك لا يطـول الهجـر
لا اوصلتني رسالة منك جاني بشيـر=امسحي دمع عاشق فوق خده حـدر
قلت يا يم إبنك مـن عذابـه خطيـر=ماهي عيون حاسد؟؟فيه عين الخـدر
رمح حبه بقلبي حـد راسـه شطيـر=شق صدري وعلااااااا لين شق النحر
كل شربي بدونه همج لو هو غديـر=والثواني بدونه فـوق حسبـة شهـر
كيف ابا ارقد وليلي مثل ليل الكسيـر=اقضي الليل افكر لين حـار الفكـر
ترقدالناس حولي غير طرفي سهيـر=إنطفأ نور وجهي من عذاب السهـر
الآمل يا غلايـة بالعلـي القـد يـر=بين كاف(ن) ونون بحكمتـه لا آمـر
لا دعيته بيكشف كـل أمر(ن)عسيـر=وهو يجعل خيالك في منامـي يمـر
آه لو ترجع سنيني وعووود صغيـر=يوم نكتب سطر !!!!ثم نترك سطـر
غير احط القصايد والهوى وسط بيـر=ثم اعيش بحياتي حر وآموت حـر!!!
ماهو اقعـد سنينـي للمحبـة اسيـر=وانتظر منك نظرة يوم عيـد الفطـر

يبست على لساني جميع التعـا بيـر=كلـمـة وداعهايبستـلـي لسـانـي
آخر رسالة قال تصبح علـى خيـر=ماعـاد تلقانـي علـى الرقـم ثانـي
انااستخـرت المطّلـع بالأسـاريـر=وانا احمد الله يـو م ربـي هدانـي
وتحشرجت بالصدر مثل المسا ميـر=عبرة وحسرة تزدحـم فـي كيانـي
كنا نسولـف بـا هجيـن الأساريـر=سبحـان مـن غيـر علينـا بثوانـي
وصارت تذوب الكبد لا هفهف عصير=ريـح الصبـا مـن يـم داره لفانـي
وصار البلد عندي مثل قاعـة البيـر=والهم عـن بهجـة حياتـي خذانـي
يالله يـا كاتـب عليـنـا المقـاديـر=ياللي عليم بصا حبـي كيـف جانـي
يسر لنا مـن عنـدك الهـم تيسيـر=واكتب لنا مع صا حبي عمـر ثانـي

وجدي عليها وجد من طـاح مجـدور=واقفوا عنه ربعه وظلا علـى الـدار
شدواعنـه قـدام لا يطلـع الـنـور=وأصبح ولاعنـده مـن النـاس ديـار
وقام يّتذكر يـوم مـا كـان مسـرور=بين الربوع بمجلـس البيـت سمـار
وطقم الدلال برفّـة النـار مسطـور=بنّ اليمـن ممـزوج هيلـه بمسمـار
والناس من حولـه يصفـون طابـور=والكـل متشـوق علـى شبةالـنـار
يوم إن ربعـه مايـردون لـه شـور=لاقـال رأيـه مـا يلجّـون باشـوار
واقفواعنه واقعى على الـدار مثبـور=حتى رماد النـار مـن فوقـه غبـار
جسمـه هزيـل وممتلـي دم وبثـور=وهلّـت عيونـه دمعهـا دم قـطـار
وعدى عليه بظلمـة الليـل مسعـور=سبعاً ضروسـه كنهـا حـد منشـار
وعطـاه بالنيبـان مـع لبّـة الـزور=وتلّة بـلا رحمـة تقـل يطلبـه ثـار
وده بشيء! لكـن بـدأ حيلـه يخـور=وآخـر عهـد إنـه هفيّـة بـلا ثـأر
ووجدي عليها وجد من طاح مأسـور=مسلـم مجاهـد طـاح بيديـن كفّـار
حطوه فـي زنزانتـن كلهـا نسـور=وتنـا هشنّـه بيـن مخلـب ومنقـار
على التي فـي وصفهـا كنهاالحـور=وليامشت تزرى على ضبـي الأقفـار
ليل الجدايـل تحـت الأرداف منثـور=والعين فيها الموت قصّـاف الأعمـار
من شفتها ياحـرب والعقـل مبهـور=ماغيـر اوديّ بالهواجـس والأفكـار

الا يا قمر فوق البشر مرتفـع ومشـع=يتيه الفكر قبل البصـر لا نظـر يمـه
آموت بدلالـه كلمـا قـال كلمـة وع=ولو شاف وردة ذابلة قال يا يمـة!!!!
صبوح المحياء نا حل الوسط ومدلـع=يهيم الزهر فـي حبهـا ساعةتشمـه!!
إذا ناغت الطفل المكوفل نسي يرضع!!=يهيم بهواها ودددده لصدرهـا تضمـه
إذا سولف الكذاب ردت بوز وطـع!!=تقول اسكتي يـا كاذبة!محـدن يهمـه
تضيع القوافي في هواها ولا ترجـع!!=تمنى القصايد إنها نقـش فـي كمـه!!
إذا تطلب الحاجة تأشر بنـص إصبـع=يجيها طلبها خاضع يقـول ياعمـه!!!
كساها حلاها تاج بالجوهـر مرصـع!=جمال ودلا وحاكمـة عاليـة همـة!!
إذا سلهمت بالعين قلبي يروح قطـع!!=ولا من تبسم!!! تنجلي عنـي الغمـة!

كـان النساء!!نجـوم انتـي قمرهـن=لا طـل مـا لوجودهـن اي قيـمـة
وكان النسـاء مزون!!انتـي مطرهـن=وبلا مطر ما تسقـي القـاع غيمـة!!
وكان النساء عيون!!! انتـي نظرهـن=وعينـاً بليـا شـوف رمـدا سقيمـة
وكان ا لنساء اشجار!! انتـي ثمرهـن=وشجرة بليا أثمـار!! تبقـى عديمـة!!
وكان ا لنساء عقود!! انتي دُ ررهـن!=وعقدً بليّا در!!!! مـن غيـر قيمـة!!
وكان النساء ورود!! انتـي زهرهـن!=وغصنـاً بليـا وردمثـل الهشيمـة!!
وكان النساء زيجات!!انتي مهرهـن!!=وزيجة بليا مهـر!!! أكبـر هظيمـة!!
ولو النساء كسور!!!! زينك جبرهن!!=وخلـى العظـام المايلـة مستقيمـة!!
ولو النساء هامات!!!صرتي شعرهن!!=ولو النساء أمراض !!انتي العزيمـة!!
ولو النساء فرسان!زينـك قهرهـن!!=وقاد الجيـوش الكايـدات العظيمـة!!
مهما تكون البيـض انتـي قدرهـن!!=ومهما يطول الوقت!!! انتي الغريمه!!!
هذي بيوتي !!بس ابي مختصرهن!!!!=حبي وحبك!!!!ليه عندك جريمة؟؟؟؟؟؟؟

إن رحلتي لا تقوليـن الـوداع=الوداع اصعب علي من الرحيل
اتركينـي للأمـل او للضيـاع=النتيجة واحدة!!؟؟ليلـي طويـل
السفينة ماتسيـر بـلا شـراع=والشراع انتي وانا ما في حيـل
السماء سوداء!ولا فيها شعـاع=يو م غبتي !!!عاد ما عندي بديل
حسرتي والله على ذيك الوساع=تكحل لغيري وانا دمعي يسيـل
ومن عطانا مد ردينـاه صـاع=والدهر لو زان لا بـده يميـل

بذكرك لا ما نار عمـري تطفـي=واشم ريحك مع هبـوب النسايـم
واذكرك دام القلب باسمك يرفـي=واذكرك لا صار السماء حيل غايم
واذكرك أنا لا شفت زولن مقفـي=لجل الهناْ اقفـى معـك والنعايـم
واذكرك مع نسمات عصرٍ تهفـي=واسح دمع العيـن مثـل الغمايـم
ما كتمتي للحب خـوف واتخفـي=إلا نبـي نبنـي لحبـك دعـايـم
في كل حاجة يا حبيبـي مكفـي=إلا لسانـك مـا يكـب الشتايـم
اوفيت لك وانته معي مـا توفـي=واركيت لو عودك أثرهـا هلايـم
من بعدكم ما بالنساء مـن توفـيي=يا جاهلن فيهن ؟؟ترى الموج عايم
مالي بعد فرقـاك غيـر التهفـي=بقضي سنين العمر مخلوق هايـم
إن عشت؟؟لابد الخضر ما يجفـي=وإن مت مات كليب والزير سالم

يرقعة من من شعاع البدر أنسجها=وقلم من عتيق العود العود هتانـا
أزفها من صميم القلب خالصـةً=كبسمة الطفل يوم العيـد جذلانـا
عيـدٌ سعيـدٌ وآمـال محقـقـةٌ=أعـاده الله بالخيـرات أزمـانـا
أخص فيها بلاد العـز مملكتـي=موصولة لإبي متعـب وسلطانـا
وكل مسلم بإرض الله قـا طبـةً=ودعوةً لحجيـج البيـت غفرانـا
وكل حربي وحربية تعـا نقهـم=بنفحة المسك مزوجـاً بريحانـا

انتـي خلقتـي غربيتـي فـي عيونـي=وصرت اجنبي والناس من حولي اجناب
لـو انهـم بيـن العـذارى اتركونـي=واستعرضن قـدام عينـي بـلا ثيـاب
لا قول عن بيـض الترايـب خذونـي=وردونـي لديـرة عريبيـن الانـسـاب
تفتنـي الـلـي لاتمـشّـت بهـونـي=لو اظهرت بحجـاب كامـل وجلبـاب
بنـت الحـروب اموسعيـن الطعونـي=كسابـة البيضـاء بعسـرات الانشـاب
يا ليتنـي شجـرة واقـول اغرسونـي=قـدام وجـه البيـت ومقابـل الـبـاب
اشــم ريحتـهـم اذا واجـهـونـي=واقف بوجه الباب لا جوه طـلاب!!!!
ياحرب عـن كثـر الكـلام اعذرونـي=ادرك غلاهـا بـس اجهـل بالاسبـاب
ولو هم بدار صـو يحبـي يسجنونـي=اعيش مستانس قريـب مـن الاحبـاب
سجنـي بقربـه زيـن لـو عذبـونـي=وعمري فدا لصويحبي عـذب الانيـاب
حلفـت لا رجـع لـو بغـو يطلقونـي=ولو فرشولي عنبـري جمـر لهـاااب
هذا الوفاء وإن كـان خابـت طنونـي=ساعة وفاتي كـان ظنـي بهـم خـاب
طالبك يـا نسـل الحـروب ارحونـي=ما يكتب الابيات لـك شخـص كـذاب
قولي وش اعمـل بـس وتصدقونـي؟؟=إن آخر ابياتي قبـل مااصبـح تـراب
ياحرب اذا فيكم رجـاء سـا عدونـي=والا تخلـو واتركونـي للاجنـاب!!!!
حاذوركـم عـن صاحبـي تعذلـونـي=ما ينعذل قلب(ن) من العشـق منصـاب
يفـدى حبيبـي خـادرات الجفـونـي=وجميع من تنقش على كفهـا خضـاب