ديوان الشاعر محمد فالح السليمي

على المزاج اللي مخالف مزاجـي=كتبت ياغـازي ابرضـي مزاجـة
على صدى صوت(ن)ملاقي رواجي=هذاصدى صوتـي بحـزة رواجـة
قولي قبل تقراة عـارف خراجـي=ماني شبية اللي مضيـع خراجـة
خوذ الحقايق دام طـال اللجاجـي=وعندي شهود تكف عني لجاجـة
اروف ياغـازي بـوارد هماجـي=وردتـة زلال(ن)وعـاد لهماجـة
وش هي مصاليحي بعدلت عواجي=الا السنـع للـي تبيـن اعواجـة
ناديت مخلص لة وشيـد سياجـي=وخليتة لوقت(ن)يحطـم سياجـة
مشيد(ن)سـورة وبيتـة زجاجـي=ولاتثبت القـوة بكسـر الزجاجـة
خاطبتة بنصح(ن)وحكمة مناجـي=وعودلي بطيشن وسقم ورجاجـة
نبهتة لقول(ن)نطق بـة سماجـي=وخاطبني بقول(ن)جميعة سماجـة
مايوسع افكارة طريـق ازدواجـي=يضيق بة درب(ن)وسيع ازدواجـة
لو ان لي عنها فجوج(ن)فجاجـي=ماهمني قول(ن)مخالـط هماجـة
اخاف حكم غياب يصبح علاجـي=بحضروري المنجوم يدرك علاجـة
سكتت متفرج ومطلـق حجاجـي=سطر(ن)يكفي بة يعققـد حجاجـة
وشرحتها شرح(ن)مبعثرعفاجـي=مدامها جت لي بصيغـة أعفاجـة
والا انت ياغازي على الراس تاجي=تكرم عن اللي ضيع الطيش تاجـة

شفت ماشفته وغيري شاف ماشفتـه وزود=واستفدت من التجارب مثل ما غيري استفاد
طيب المعدن يبين والمواقـف لـه شهـود=والصباخي من بذرها ماحصدوقت الحصـاد
الردي لوهو تقنـع فـي قناعـه مايسـود=كلها ايـام وليالـي يصبـح قناعـه بـداد
الوجيه البيض بيض والوجيه السود سـود=وقبل لاعرف من عرفته عارف نفسي وكاد
وادري ان المعالـي دربهـا درب سـنـود=ومن بغى وصل المعالي يمشي الدرب السناد
درب وعره والردي ليانتصف فيهـا يعـود=كم ردي لوتحمـس دونهـا عـود وعـاد
درب سهله للذي نفسه على الطيبه تجـود=لياتبعت عقل حكيم بكـل طاعـه وانقيـاد

ياجواد(ن) ماسك خطامك غشيم يـا أصيـل=فيك ياطـى راس جـدة مادرابـة مـادرى
يحسب انة متعب البيداء وكاسب لة حصيـل=مادرى انة داس راسةوسط وحل(ن) بالثرى
عزتي لة هذا عرفة ياعـرب عرفـة قليـل=محنشل وصبًبح عدوة والعدو اثـرة سـرى
وعود لربعة وكنة مروي(ن) سيف(ن) صقيل=وسيفة بغمدة مصـدي خاسر(ن)فيماشـرى
فارس(ن)مغوار فارس فية فزعة للـد خيـل=لة دخيل(ن)دون شرع العرف هاني بالكرى
ياوسيع العرف عرفك واسع(ن) مافية ميـل=ولوعرفت الميل عدلت الـذي منـك جـرى
وانت يامقدام تقدم تمشـي الـدرب الطويـل=ناوين سكة طويلة وخطوتـك ترجـع ورى
من فهمني ادري انة يفهـم المعنـى الثقيـل=ومن جهلها اشهد انة للطلاسـم هـو قـرى

ياشرهتي حومي على ديار وافيـن=وحوفي سحاب وغيم غطى سماهـم
امـا يتبـدل ديـم يسقـي بساتيـن=ولا سحايبهـم تـدمـدم خطـاهـم
من عادتي ممشاي دايم على الزيـن=وعمي البصاير كيف نلقـى دواهـم
اعطيهم الفرصة بعد فـوت ثنتيـن=و الرابعـة والله تبـعـد مـداهـم
لاني بهم مكلوف ولاهم علي ديـن=ولاني لهـم والـي ولاهـم ولاهـم
عمي البصاير دوم تمشي على الشين=واللـي يماشيهـم يصيبـة بلاهـم
وانا رفيقي حـزة العسـر والليـن=يبقى مثـل ماهـو ولاهـو حلاهـم
واحب عرفت نـاس دايـم وفييـن=ناس تسابقنـي واسابـق عطاهـم
سباق صوب الطيب فخر الشريفيـن=بـدروب يجهلهـا جهـول جفاهـم

ياصحصحن خالي من الخلق خالي=جيتك ولي خافق حمولة ثقيـلاات
جيتك وانا كني عن الخلق جالـي=جيتك بعدضاقت فجوجن وسيعات
بعد الولي ماغيرك احدن طرالـي=فزعتك تكفي يوم تستـر معانـات
مابيك تعدل مايلـن يـوم مالـي=ابي بك السلوة وخلوة مع الـذات
مابي جوابك يوم تسمـع سؤالـي=ابتعـب ركابـي وادور مـلـذات
ابستلذ بذبـح همـن سـرى لـي=ماني خطات اللي سلاحة شماتات
مهما كبر همـي وشفتـه خيالـي=خابر عزومي ياصلن لطويـلات
انا احمد الله كـان همـي بدالـي=وليانقضى سجدت للرب سجـدات

تناديني العـذرى واللبـي منـادي=تقـول ذا وجهـي وهبتـة هديـة
ارسم على خـدي وادخـل فـؤادي=اللعب على كيفـك ترانـي مطيـة
معسوفـة بليل(ن)شكالـي عنـادي=أمشي على قولك ولا اصبح خليـة
قلت اقبلي بحروف وقول(ن)سدادي=وخـذي مكاسيبـك تراهـا عطيـة
قالت ابشكي لـك بوقتـي اعـادي=منهم جروح(ن)وسط قلبي عصيـة
احد(ن)حرمني ذوق مشـرب وزادي=بين الضمى والجوع حالـي شقيـة
واحد(ن)ملبسنـي ثياب(ن)جـدادي=لبستهن واصبحـت فيهـن عريـة
واحد(ن)حطب ضلوع صدري عدادي=وعجزت انا لا أمشي خطاية سوية
واليوم صار الهم وغايـة مـرادي=لقيـا ابويـة قبـل يلقـى المنيـة
قلت اصبري والصبر ماهـو دوادي=وحمس اللهب زانت بـة الشاذليـة
وصارت لنا كيف(ن)بكـل البـوادي=وانتـي قرينتهـا ولانتـي سبيـة
من شانك الخيال ركـب الجـوادي=ياسيـرت الفرسـان0 يالحاتميـة

ياليتنـي بينـك وبيـن المضـرة=من غزة الشوكة اليا سكرة الموت
لا اقف لها من دون وجـة يتكـرة=وقفة وفي مخلص ضدن لهـاروت
ماهو كثيرن فيك وانـت المسـرة=عمر الذي اعلن لك الحب بالصوت
كانة عطاني الحظ انـت المبـرة=انشهد انة جـاب مافاتـة الفـوت
اذكرك طول العمر حلـوة ومـرة=ولا انساك انا ليني ارحل بتابـوت

تقراهواجيسي كفـوف الهواجيـس=واقراءمن الهوجاس صفقة كفوفـي
يا ما سرى فكري بغبة دهـا ليـس=وعادت بي افكاري بفك مخطوفـي
مخطوف مـع عذرىاهلهامفاليـس=لو هي جميله صار فيهـا كسوفـي
لو زينها فتان مع راعـي العيـس=جواهر با لصدق والصـدق يوفـي
يوم انها بعفه ولا دانسـت هيـس=ولا دنست من دنس بعض الحروفي
اليوم بين السوق وبين الغطاليـس=من شاف زول حب وصف الوصوفي
ومن زل زله جاب فيهـا قواميـس=يبحث بها عن كل قـول معيوفـي
يبي بها متعـه لنـاس مجاليـس=بوصف النهد والجيد و يا الردوفـي
شعر على درب الرذيلـه فوانيـس=ينور طريق الدنس لدرب محروفـي
شارك محطـات علينـا كوابيـس=متى جنـود بليـس فينـا تروفـي
ماشاف ماشفته قريـب المراميـس=للناس شوفات ولي شوف شوفـي

اعايش احزاني واسامـر سهرهـا=اسهر ليال الحزن دام القمر غـاب
نار لجت بالجوف محد(ن)نضرهـا=وشلون ابطفيها واناهمومي اسراب
حتى الونيس اللي يصفي كدرهـا=دونة كفن واللحد من فوقة تـراب
انشهد ان الحزن حالـي اسرهـا=لوقال كل الناس مسكين منصـاب
عقد(ن)مضى والحزن حالي دمرها=ولوقلت انا بنساة اصبحت كـذاب
اعيش انا ايامي وراضي بقدرهـا=لاكن0(علي) منساة لو الشعر شاب

بين عصف(ن)وبرد وقاسيات الهبايب=وغربتي باليالـي دام هـن يقبلنـي
يابدر ويل قلب(ن)حاصرته اللهايـب=وجمرها من هموم(ن)يابدر حاصرني
لوتشوف اللي بقلبي تحولت شايـب=مابقى بة من اللي فات غير التمنـي
والسبب قلب ضاقت فية سبع العجايب=ولاصديق(ن)قريب(ن)يدري بما فتني
لي دليل(ن)تركني0 مع هذولاك غايب=وان بغيت الوداع عيون قشر فضحني
ياقريبة غريبة بيـن كـل القرايـب=غربتك ياقريبة تسلـب العقـل منـي
من غيابك بي حروح(ن)بقلبي عطايب=كل ماقلت طيـب عـودن يوجعنـي
يابدر لاتعثر فـي طريقـك صعايـب=ما فهمتة فهمتة وماصعـب للتأنـي