(شوف المحبّه كيف تغبن للرّجال=من غبنها يبكي بها الرّجل الشَّجيع)

/
/
/
/
/
/
/
/
/
/
/
/
/

شوف المحبّه كيف تغبن للرّجال=من غبنها يبكي بها الرّجل الشَّجيع
ان كان شاف الضَّيم محروم الوصال=من ودّ ودّه له ضروفه ماتطيع
يوم الضّروف القاسيه مثل الجبال=وصار العواذل واقفه سدٍ منيع
وماتنفع الحيلات فالماكر محال=امن الطّرق تبراك يالخطّ السّريع
فتل الحبال احتاج له نقض الحبال=وان ضاعة الدّبره ترى الغايه تضيع
وجرح المحبّه فالضّماير لايزال=ياشمعةٍ تضوي عساها ماتميع
لاتشرهي شرهتك ماتلقى مجال=مقبول عذر اللي عمل مايستطيع
ولاتخرجك عن طورك ونهج العدال=اضروف عاشق يشكي الرّب السّميع
ممّا يعاني من صراعات وجدال=مع واقعه سبّب له الهمّ الفضيع
لوهوشكى لعاقل يصيبه بالهبال=ولو يضهره للنَّاس شيّب بالرّضيع
من حربّ شنّة ضدّ من يبغى الحلال=له شيمةٍ تنهاه عن نهج اللكيع
بحر الغرام اصعيب والعوم استحال=وياصعب غبّه فرعها الموج الرّفيع
وهمّ الفراق بظلّم مثل الاحتلال=سوّى سوايا تبكي الرّجل الشّجيع

الشَّاعر / خالد بن عبيد بن معتوق ألأحمدي

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك وبيض الله وجهك
قصيدة في غاية الروعة والجمال والأبداع

صح الله لسانك
ولاهنت
وسلم فكرك وبنانك
دمت برعاية الله وحفظة

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري
/
\

لاهنت وصح السانك

تقبل التقدير والاحترام

وفقك الله

حرف مميــــــز .. حضور مميــــــز .. واسم مميــــــز

صح السانك