إضحك بقولي وراعي القول سبه ×× وإغتاب زولي وإبهته في غيابه

23-08-13, 03:25 AM

السلام عليكم ورحمة الله وبركاته

عسى أن تروق لكم

إضحك بقولي وراعي القول سبه=وإغتاب زولي وإبهته في غيابه
لكن تأكد يوم أشيل المسبة=ولا أرد لك لو زدت سبيت جابه
أنه سكوتي لك ما هو محبة=أو لك يوم أغض عندي مهابة
أسكت بلاية من يحبك أحبه=ولا أودي أجرح خاطره وأنت بابه
الحب ماهو عسجديٍّ مشبه=لا شافه الجاهل يسيِّل لعابه
الحب للمجروح يازين طبه=وقلبٍ جفاه الحب يغدي خرابة
والحب لو هو فالاوادم مسبة=مادام من وقت النبي والصحابة
لكن عجاج الوقت لو زان كبه=تراه يمضي مثل مر السحابة
قبلك طحن من حايته مستتبه=طحن الرحى مابين ضرسه ونابه
ودنياك ماهي جوهرة تحت قبة=من لا يحسب حسابها واعذابه
إغنم صفاها لا أقبلت مشرئبة=واترك كدرها لا تغثرب شرابه
ولبسٍ نظيفٍ لا تقع في مطبه=فالناس فارق والثياب اتشابه
ولا تخيل لك ضوٍّ بعيدٍ مشبه=منه تبع ضوٍّ مقفي سرابه
وإن جيت لك وادي عسيرٍ مهبه=وغديت مابين الضواري نهابه
صوت قبل تشكي زمانك مغبة=اللي ضعيف الصوت ما أحدٍ درابه
وأنصحك لا حسيت قلبك لعبه=داعي هوى نفسك وعفت القرابة
رحيل من حبيت خله منبه=يدق باب العمر حزت ذهابه

23-08-13, 04:33 AM

صح السانك وبيض الله وجهك

24-08-13, 01:07 AM

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

24-08-13, 04:29 AM

لاكن عجاج الوقت لو زان كبه =تراه يمضي مثل مر السحابه

اغنم صفاها لاقبلت مشرئبه = واترك كدرها لاتغثرب شرابه

قصيد جميله صح لسانك اعجبتني البيتين اعلاه فاقتبستهم