مساجلة .. ( اعتقال السّنوسي ) .مع الشّاعر القدير / فوّاز الزّويهري (الاسد)

07-06-12, 04:39 PM

/
/
/
/
/
/
/
/
/
/
/
/
/
/
/
/
/

بدع الشّاعر/ خالد عبيد الاحمدي=
مفروض تكتب فعتقال السّنوسـي=اللـي بغـا يغتـال قايـد بلدنـا
من بعد غرّر به غريب الطّقوسي=لنّه على طيـب القيـاده حسدنـا
ولنّ المكر والخبث فيه امغروسي=يمكر لنا واحنـا عنـه مانشدنـا
ويزيد خبثه خبث خبث المجوسـي=واحنا له بطيـب الفعايـل جهدنـا
وبعد اعتمد بالغير شرّ النفوسـي=حنّا علـى ربّ السّمـا معتمدنـا
حتى بـلاه بوقعتـه بالطعوسـي=بنهايـةٍ بشعـه لهـا مـاوددنـا
يوم ٍ نهاره قمطريـر ٍ عبوسـي=في صدقها كلمـة ملكنـا شهدنـا
وماهي شماته في نصيب امعكوسي=عـن دربهـا ياربّنـا تبتعـدنـا
واللي يدسّ الحقّ رجل ٍ نحوسـي=والحقّ اقول انّه شجـاع وسعدنـا
لنّه ثبت وقت القتال الضروسـي=ماساب داره حسب فيـه اعتقدنـا
وياشاعر ٍ هاجسه طابق هجوسي=لـولا جزالـة قافكـم مانشـدنـا
مفروض تكتب فعتقال السنوسـي=وسجّل لنا فيـه انتصـار لبلدنـا
ردّ الشّاعر /فوّاز الزّويهري=
حي الجواب اللي سوات الفلوسـي=يابن عبيد الصّرف جـاك بسندنـا
ولاكمـا بـن الـدلال امحموسـي=كيـف النّشاما والبهـار فرددنـا
ماني بكاتب في كليبٍ ركوسـي=من بعد عمّه مات لـه مـا وجدنـا
من دار في ديرة فـدار ٍ دسوسـي=يشرب شراب الذّلّ لـه ماقصدنـا
ياكيف لـو لـجله جلسنـا نسوسـي=مايمسي ألا مكبـّل ٍ تحـت يدنـا
لكننا نرقـا عـن اللـي نجوسـي=شلّة هذاك الهيـس باغـي سندنـا
ذاق المرار وشاف طحن الضروسي=اعقاب ربّ البيت لـه مـا عمدنـا
ومن دون والدنـا لهبنـا قبوسـي=نفـداه بـالأرواح نحمـي مهدنـا
قول أكتب فذاك اللعيـن الخنوسـي=النّعجه اللـي فالبرايـا ضهدنـا
نعل الإيراني ذيل صيني وروسي=ناره على شعبـه نتيجـة رمدنـا
هـذي حقيقـة للليالـي دروسـي=والمشكلة من درسها مـا استفدنـا

07-06-12, 04:59 PM


	صح لسانك __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________