( واللي قفل بابه وقلبه عزلنّي=ألقا بداله كان تاقف عظامي) ..مساجله

/
/
/
/
/
/
/
/
/
/
/
/
/
/
هذه القصيده اوجّهها إلى القدير/ فوّاز بن محسن الزّويهري
بعد جرا بيني وبينه اتصال وسمّعني صوت الشّاعر القدير/ عبدالعزيز الزّويهري
وهو يغنّي الكسره بصوت اقل مايقال عنه انه جميل ورائع ماشاء الله عليه
وتحدث معي ابو بتال وقال لي انا معجب في شاعريتك
واقول كيف تجد الوقت اللي تنظم فيه القصايد
وبعد ساعه من المكالمه ارسلت لهم هذه القصيده اتمنى ان تنال إعجابكم.
اليكم البدع والرّد

بدع الشّاعر / خالد بن عبيد الاحمدي=
اسمع يابو محسن ورحّب وثنّي=جالك سلامي يرتفـع بالمقامـي
وآخصّ بن عمّك عسى مايونّي=عزيز واسمه من عزيز الاسامي
ماعشت لحظه شفت فيها تهنّـي=مثل الذي فيها مدح لي كلامـي
يوم ان ابو بتّال مدحه وصلنـّي=عبر الاثير اوحيه ماهو بامامـي
من بعد لنّه جـرّ قافـه يغنّـي=كسره تهيّض قلب راع الغرامي
صادق شعوره يبدي الرّاي عنّي=يمدح ويثني والصّدوق العصامي
ماهو مجامل دام ممشـاه قنّـي=وانا اتشرّف بالرّجال الكرامـي
وبشعور صادق ماهو منّي تمنّي=كلّي سعد وسرور ماني بكامـي
واستغرب المطنوخ بالوضع لنّي=انظم قصيد بسرع سبق السّهامي
وآجاوبه باللي ضميـري يكنّـي=واقول صاحبكم بعيـد المرامـي
مامعـه جنّيـه ولافيـه جنّـي=مرّ بتجارب مرّهـا مـرّ حامـي
له عين يالاجـواد ماترجهنّـي=تجبر هواجيسه تخوض بهيامي
الوقت عنّاني وانـا بـه معنّـي=عشت الحياه بدور فلم ٍ درامـي
دنياك واعرفهـا دنيّـه تدنّـي=اللي عشقها قل عليه السّلامـي
والوقت مايل مختلف فيه ضنّـي=لنّه حرمني من حسين القوامـي
ذاك الكحيل اللي لدينـه محنّـي=عليه عيـن المبتلـي ماتنامـي
ردّ الشّاعر/ فوّاز بن محسن الزّويهري=
عاداتنا الترحيب والحرف فنّي=من هاجس مثل البحر جاك طامي
هذاك اخويه وانت في قرب سنّي=وقت الله الله في يديّه حسامي
فك الرّكاب وصوت نجري يدنّي=وبدال ماتسمع تشوف الحشامي
وتكرم بفنجالٍ مسوّى ابّنّي =عليه هيل الهند قبل السنامي
وعود ٍ من الكنبود عطره يخنّي=لرجال من مثلك تبيح الظلامي
والشّعر يا خالد ظروفه تبنّي=بين الفرح والحزن معناه سامي
خياله اللي بالتّصاوير طنّي=أكيد له واقع في غيري يسامي
وضرب المثل لاكان جاك بتأنّي=يزدان تطريزه وحرفه وسامي
ومن بحر ولا صخر نظمك يسنّي=خالد عبيد اللي يجيب السّوامي
دايم على الابداع حرفه يشنّي=وفي غبّة المعنا بالافكار عامي
والوقت لرّجال درسه يضنّي=ويوسم له التّجريب وسم المسامي
والصّقر راسه رافعه ما يدنّي==مهما عليه الوقت بالغلب زامي
اسمه صقر ماهو بعير ٍ يحنّي=اليا الحمول اشتالها بارتغامي
وياصقرنا المشهور ونّك غبنّي =قبلك عسفنا الود وسط العسامي
كلما يطيب الجرح عاد وطعنّي=وأعود واداويه باللي نوامي
واللي قفل بابه وقلبه عزلنّي=ألقا بداله كان تاقف عظامي

تسجيل تواجد في منبر الجزاله
صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله اسنتكم
على المساجله القيمه

كلام جميل
سلم ذوقك.

صحــت السنتكــم
دمتم برعاية الله وحفظة

صحت السنتكما


للـــه دركم ودر حضوركم المثمر



الله يرعاكم

الحب الباقي
سعدت وتشرفت بمرورك
وصح بدنك