مقادير الولي

في كل شي للادمي فيه تدبير = الا مقادير الولي ماتدبر
الحزن في قلبي مسوي طوابير = والجو عقب انه صفالي تغبر
والدمع يملى محجر العين ويحير= وعن مايكن القلب بالخد عبر
كتمتها بالصدر من قو تاثير = وحاولت اصبرها وعيت تصبر
ياعزوتي ياامجد ترى منت بصغير = شوف المصايب كيف جات وتعبر
موتت مشاري من كبار المخاسير = عسى عزاء نفسي يابوك يتجبر
ماهو بودي بس هاذي مقادير= ليت المنايا خلته لين يكبر
لولاي صابر محتسب مرتجي خير= ومومن وعارف كل شي مقدر
ولولا الجماعه والقرابه مذاخير = روحت ماعني من الطير خبر
جعله شفيعاً لي من النار يامجير = ويمحى الذنوب اللي عليه تزبر
في جنة الفردوس ينعم مع الطير = بجاه الكريم اللي له العبد كبر

الشاعر الجزل
فهد الشاماني
صح لسانك وعظم الله اجرك
وجعلك لك شفيع يوم القيامه
والعوض باذان الله في اخوته
الله يصلحهم ويحميهم من كل مكروه

الاخ الغالي الشاعرالقدير..فهد
يشهدالله انا خوك اني تأثرت ممااصابك
واللي يصيبك يصيبنا الله يجبرعزاك ويعضم اجرك
انت ووالدته وذويه ويلهمكم الصبروالسلوان
وهذا اللي اراده رب العالمين ربك هوالمعطي وهوالاخاذ
والحمدلله اللذي لايحمد على مكروه سواه
وكلنا لك مشاري اناخوك
ولوادري بمكانك جيتك وحبيت خشمك وعزيتك وهذا اقل واجب
وبالنسبه للقصيده ..عساك ماتكتب مثلها بغاليك يافهد

اذكرالله واحمده واتكل عليه هوالقادرعلى اجلا مافي صدرك

تقبل عزائي لك بغالينا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

سعد المحمدي
صح الله بدنك ولاهنت وجزاك الله خير
والله لايريك مكروه انت وجميع المسلمين
واسعدني مرورك

وفيت ولاهفيت وصح لسانك وبيض الله وجهك
قصيدة تعبر عن نفسها

صح لسانك وسلم بنانك



قصيدة رائعه بروعة حضورك



لك تقديري

شاعرنا القدير فهد الشاماني

صح لسانك مدد بلا عدد

جعله لك شفيع
والعوض ان شاء الله في اخوته
صح لسانك اخوي فهد