![]() |
![]() |
![]() |

|
|||||||
| مــلــتــقــى الــقــوافــي الإبحار في عالم الشعر |
![]() |
|
|
أدوات الموضوع | إبحث في الموضوع | انواع عرض الموضوع |
|
|
|
|
#1 | |
|
|
[poem=font=",6,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
انا وين حظي طشني فيك يبا الفيت=تبليت لك مخلوق واشغلت تفكيره لمحتك بنظره كنها القاز والكبريت=شبت على القلب الخضر زود تسعيره تراها ثواني صدفتي فيك لوعديت=رسوم الصداقه والعلاقات والجيره تحكمت بعنان النظر بعدها صديت=وذكرت الله الخالق على حسن تصويره وقلت الجمال اللي سمعناه وش خليت=طبيعه تعادل خام من بعد تكريره وقاومت نفسي والهوى والغيا وابليت=لاكن الغلا هيمن وثبت مساميره الظاهر اني عندهم طحت ماسميت=علقبي غلاه وخايف انه علق غيره وصرت التفت في بيتهم كل مامريت=وعرفت اصدقاه ومن يزور ومساييره وعرفت رقمه واتصاله بكيت وكيت=وعرفت بانه طيب الصيت والسيره وجلست انتظر عن وقت عامين مادقيت=اخاف ان لساني يبتلش في تعابيره وطال الصبر وانا على بعدهم مليت=وراح السحاب اللي تسلي تباشيره وكتبت الرساله طامعن في موارد هيت=وجاء ردها يترك حباله على بيره ورديت له يامالك الري وش سويت=كلامك رموز ويحكم الرمز تفسيره قال انت لا تارد علينا وكان اضميت=تفضل بما يكفيك واشر على زيره وحاول يبرر عن فعول الجفاء تسكيت=قلت احمد الله يا عسى بالامر خيره ياليت لو ما احدٍ لقا فايده من ليت=سوات الهويدي يوم يبكي على طيره حرامٍ عليه لو يعود الزمن ماجيت=مع الشارع اللي عندهم يدخل الديره والا يارسولي رتب القاف بيت وبيت=ماغير اتسلى واخذ الشعر تصبيره وقله ترى نايف رغم كل ماسويت=موصي لكم مكتوب شكره وتقديره نايف بن مياس الفريدي[/poem] نايف بن مياس الفريدي |
|
|
|
|
#2 |
|
|
|
#3 |
|
|
|
#4 |
|
|
|
#5 |
|
|
|
#6 |
|
|
|
#7 | |
|
عضو مميز
|
لاهنت وصح السانك
تقبل التقدير والاحترام وفقك الله |
|
|
|
|
#8 |
|
|
|
#9 | |
|
شـــــاعر
|
حرامٍ عليه لو يعـود الزمـن ماجيـت
مع الشارع اللي عندهم يدخل الديـره الششاعر القدير نايف الفريدي قلبك هواوي وقصيدك غناوي .. صح لسانك مدد بلا عدد يالقـرم.. دمت بخير |
|
|
![]() |
|
|
|
|
![]() |
![]() |