إن كان عندك نظر وتشوف ( لحن ) ما فيه طالب واستادي

أبن وازن =
الطيب من ساسه المعروف = نزقتها في صفا القادي
على محيط المعاني حروف = ببحر مع جوها الهادي
غريب الحرف =
الزير حمه وهات دفوف=وعزف نغم يطرب الحادي
وبحريتي واقفين صفوف=تستنظر اللحن يالشادي
أبن وازن =
يعزف جديده على المعسوف = جزل المعاني لمن جادي
حرفي بداخل ورق ملفوف = يسرح به الذيب فالوادي
غريب الحرف =
عذب المعاني ورد مقطوف= عطره شذا الفل والكادي
ولو كان حرفك وسط مظروف= اجهد على حله اجهادي
أبن وازن =
ياقايد الصف والموصوف = برق المعاني له أرعادي
حرف الخلف خالف المخلوف = متخلف الحرف فالنادي
غريب الحرف =
درست فن الصفا المحيوف=من ناس فالقيل روادي
ماخالف الشرع والمألوف=أبنيه من كامل إعدادي
أبن وازن =
ما أكلف الوصف للملقوف = وتشهد معي كل الاشهادي
شاهق ومثل الجبال النوف = (غريب حرفك ماهو عادي)
غريب الحرف =
أسعى عليه المثل وأطوف = غريب وحروفي جدادي
من عادتي أسعف الملهوف = ( اللي على حرفنا ينادي )
أبن وازن =
عيني رأيت حرفه المصروف = من جدد الأسم بالمادي
أبحر على بحره المكشوف = والا معه أزيد فبعادي
غريب الحرف =
إن كان عندك نظر وتشوف= ما فيه طالب واستادي
آنا وذاك الإسم معطوف = حرفين نرقى للأمجادي

ودمتم بود

صح لسانك يا ابومعاذ ولسان فريب الحرف

الله يعطيك العافية يا الغالي

سلمت يابو معاذ على هذا الطرح الراقي

لحن رائع

صحت السنتكم وبيض الله وجيهكم


تحياتي

	صحت السنكم جميعا اخوي القدير والراقي ( ابن وازن ) والاخ القدير ( غريب الحرف ) ابيات رائعة ربي يعطيكم العافية ,, لك شكري الجزيل على طرحك العطر والعذب والجميل مع بالغ الود والتقدير

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السينتكم
واسعد الله صباحكم بكل خير
بدع ورد في قمة الروااااااااااااعه
أسجل أعجابي بحرفكم الرااااااااع
تحياااااااااااااااااتي وتقديري

ابن وازن
غريب الحرف
صحت السنتكم الله يبيض وجيهكم
محاورة رائعة ومميزة
تقبــــــــــــلوا تحياتـــــــــــــــــــــي

صحــت السنتكــم
دمتم برعاية الله وحفظة

	المشاركة الأصلية كتبت بواسطة هزيم الرعد

	صح لسانك يا ابومعاذ ولسان فريب الحرف الله يعطيك العافية يا الغالي

شرفني مرورك العطر وأسعدني
لاهنت وصح بدنك
دمت بود