قلطة مع ابو عبد الرحمن ماجد

محاوره مع ابو عبد الرحمن ماجد بمعرف الليث في 28/6/1433هــ

الليث=
ياذيب ياللي من على الرجم عاوي=بسالكم ياذيب عن كثرة عواك
ان كان لاويكم من الجوع لاوي=حنا ترى محنا على قد مرماك
الهيثم=
وشفيك تنشد يابعيد الهقاوي=أضن ماجانا من الجوع ماجاك
اللي سرح من صبح فالعصر ضاوي=واللي تجيني افسهمي قول تفداك
الليث=
من عام الاول لي عدة دعاوي= مضمونها ياذيب مااظن يخفاك
شفت الحيا ياذيب برقه سناوي=والارض ارضك والسما كنها سماك
الهيثم=
من عام لول تشتكيلك شكاوي=وأليوم مدري وش مجدد في شكواك
انته وحنا لابسين الحساوي=حظي في منصايه وحظك في منصاك
الليث=
اللي لفى فالدار ياذيب شاوي=تعرف معانيه وانا عرفت معناك
حتى الزعيم اللي عن العلم زاوي=لا ميّز الجرة ولا ميّز خطاك
الهيثم=
لفاك شاعر حيل لاالشعر هاوي=يميز ألأمثال ويعرف لمغزاك
والصاحب اللي مثل عدن رهاوي=لاغر شروايه ولاغر شرواك
الليث=
مديت لك بالشعر كفِ نداوي=ومديت لي ياذيب بالشعر يمناك
ومدام عشقك للغدوف المهاوي=ياذيب اقنب كل ماجيت مرقاك
الهيثم=
ماذمكم يلي لدائي مداوي=يالقرم يلي ضيفكم مايتعداك
والرجل دون الطيب وشهو يساوي=واللي عشقته طيب والطيب يزهاك

	__________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم وبيض الله وجيهكم ورفع قدركم

محاوره في قمة الروعه والجمال الله يعطيكم العافيه

دمتم على العز والتقدير