صباح العووود الازرق ودهن العوود..صباح الرضا والرحمه للجميع..ياعزوتي وحزاامي..الله يدي

اهداااااء..للاخ..صالح بن عتيق بن خليف الحنيني ‏الحربي..‏ اهداااء..من خفايا الروووح‏" ‏‏"‏‏"‏‏"‏‏" ‏‏"‏
[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياهجــــوس الشــــعر مادام أهتــــويت=هـــات جــــزل الشـــعر بحــــــدود الكــــــمال
هـــات من جــــــزل القصايد بيـــت بيـــت=مايـــزول الشعر لو راعـــيه زال
الشـــعر يبـــقى بجـــزله ماحيـــيت=ينـــذكر حلوه ليا جـــاء له مجـــال
في بحـــور الشعر لامـــني ســـريت=كن شعـــري طـــفل كاسيه الـــدلال
الشـــعر يجـــذبك لا منك قـــريت=تنـــبهر به غصب مافيها جـــدال
عـــاد انا من قلب هالمره نويـــت=نـــاوي أصفق بالشعر في كل جـــال
ياهجـــوسي لاتحـــيزمت وعنـــيت=أنحـــر اللي عادته كسب الجـــمال
أنحـــر اللي ليا منك نصـــيت=لا نصيته أرتـــكأ حملك وشـــال
شال عنك الحـــمل ما كنك شكـــيت=لو حمـــولك عاجـــزه عنها الجـــبال
ازهـــمه قله على نفـــسي جنـــيت=والخـــطأ وارد ولله الكـــمال
أنت لا منك نصـــيته وأعتـــزيت=شفت فـــعل(ن)جاوز حدود الخـــيال
لارفعت الصـــوت بأسمه وأنتـــخيت=جـــاك كله ما احتـــرى كلمة تعـــال
أنت لا نـــاديت صـــالح قلت ليـــت=ليـــت كل النـــاس صالح بالخـــصال
من عتـــيق خلـــيف علمك وربيـــت=تربـــيه تصعب على بعض الـــرجال
وأنت مثلـــته على العـــز وحـــويت=أحتـــويت العز من عـــم وخـــال
أعتلـــيت بقـــمة المـــجدورقـــيت=وأســـتويت بقمـــته ولا تـــزال
لابـــتن عن عـــزها شفت وقـــريت=وأستـــمعت امجادها في كل حـــال
يا أهـــل العليا مقـــصر لو بغـــيت=سامحـــوني طيـــبكم فووق المـــقال
طيـــبكم مهما تكـــلمت وحكـــيت=ماوفـــيت بحقكم لو قـــيل..قـــال
الســـموحه كان قصـــرت ونســـيت=طبـــعنا التقـــصير ولله الكـــمال
ياذراي اليـــوم لك مـــوجز عطـــيت=موجـــز(ن) وافـــي بوضـــعي كيف طـــال
ماعنـــيت الا لصـــالح وأنتـــخيت=يايميـــني..ياعضـــيدي..والظـــلال[/poem]

وسلااااااااااامتكم...

اخوكم لافي عبدالعزيز ابالعون المرواني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صباح الخير صح بدنك لاهنت مشكوور ماقصرت

صح بدنك..وبيض الله وجهك ع التنسيق والتوجيه والرابح انا بمعرفت شرواك

قصيده جزله وانت اجزل صح لسانك
مدد بلا عدد .والطيب يستاهل المدح
تحياتي لك

هلا عبدالله..صح بدنك لاهنت..اعتز بالاشاده من شرواك تسلم لاهنت

الشاعر
قديم السالفه
صح لسانك على القصيده الجزله
والاخ صالح يستاهل الطيب وربعه يستاهلون
الله يرحم زميلنا عبد الله عتيق الحنيني

صباح الجوري اخوي سعد وصح بدنك لاهنت يستاهلها ابومشاري وشروااك ‏
والله ‏
يرحم ابوخالد ويجعل قبره روضه من رياض الجنه..تحياتي

ياقديم الساااالفه


صح لساااانك مليوووووون


وقصيده شاعر متمكن وليس جديد على الشعر

صح لساااانك مره اخرى والشعر الجزل والمجمل ودك ان صاحبه

يكتبه باسمه الحقيقي
وليس باسم مستعااار


دام تواااجدك وابدااااعك

صباح الرضا والتقدير..شهاده اعتز فيها..وصح بدنك..شاعرها..لافي عبدالعزيز ابالعون المرواني..اتمنى من الاخواان اضافة الاسم باخر القصيده..وشكرا ع التوضيح..‏ تحياااتي ودمت بود