هذه القصيده في حفل قبيلة الحصنان من حرب في دخنه

أخواني ألاعزاء الكرام

أليكم هذه القصيده والتي ألقيتها في حفل قبيلة الحصنان من حرب

في مدينة دخنه بمناسبه فوز وتكريم مرشحهم الانتخابي

الاخ الشاعر / نواف بن عبدالله بن سند الحصني

إليا بدا الـلازم وجـات أوقاتـه=وقام الهجوس يصف جزل أبياته
صخرت قيفان المعانـي عجلـه=وسقت الجزايل سوق في مشهاته
فرايـدن مثـل الذهـب معناهـا=هي مطلب السامع وهـي مناتـه
وشغلت جيبي ثم زهمت الصاحب=اللي مع الطرقه عزيـزن ذاتـه
رفيقن ينومـس بكـل إعلومـه=وللخوه إمجرب بطيـب اصفاتـه
طيب وطيبه ورث وأيضا كاسب=فعـول يمنـن زودت طـولاتـه
ونصيت ربعن بالمواقف تعـرف=العزوه اللي كـل طيبـن جاتـه
في محفلن وسط الدياجي نـوره=كنه مدينـه فـي كثـر لنباتـه
فيه الرجال اللي تسـد الواجـب=وترحيبها ينطحـك فـي حزاتـه
أهل الكـرم والمرجلـه والطالـه=واهل الفعايـل والفعـل بإثباتـه
قومٍ لهم في كـل عليـا موقـع=ورجالهـم مافيـه مجـدن فاتـه
( حصنان ) والمليون نعم تـردد=في ذكرهم والمدح لـه بصماتـه
كفو كفو ياذخـر قـوم مزينـه=أهل النقا والسيف مـن سلاتـه
من حرب ربعي والعزواي حيـه=ربعي سند راسي وهـم ملجاتـه
ربعي قبيلة حرب طيب وفزعـه=عـز الرفيـق وللعـدو نكباتـه
قلته وانا من عوف مصدر عزي=اهل الشجاعـه والنقـا ساداتـه
عوف اللي إليا قام منهم عوفـي=قام السعد للـي طلـب قوماتـه
من واجبي في كل حفـل أجيله=أفخر بهم والرجل مـن كلماتـه
والليل هذا ليـل ماهـو عـادي=ليلن جمعنا من حسـن صدفاتـه
حضرت فيـه لربعـن أقدرهـم=وأجيب دعوة من لفت دعواتـه
جيت أتشـرف يمهـم وابـارك=وأهني اللـي رشحـوه عزاتـه
مبروك يالحصنان فوز الشاعـر=اللي كسبها وإعتلـى بصواتـه
حـرٍ قطامـي والسعـد قدامـه=والحـر دايـم بينـه طلعـاتـه
نواف راع الطيب فعله واضـح=ومن وقفه ربوعه بدت وقفاتـه
مبروك له في كـل يـوم وليلـه=ومبروك للـي دايمـه فزعاتـه
ومبروك للـي رشحـه ماقصـر=نال الثقه والفوز مـن عاداتـه
من عادة الطيب ينومـس طيـب=وهذا التكاتف شاهـدو ميزاتـه
ماياصـل إلا واحـدن يستاهـل=ونواف يستاهل وشفهـا جاتـه

الله الله الله

على هذه الدرر الثمينة ... الغير مستغربة من شاعر بحجمك يا ابا ثامر

صح لسانك يا ابو ثامر على هذه القصيدة الجزلة و يستاهلون ربعنا الحصنان

و بانتظار جديدك يا ابا ثامر

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك شاعرنا القدير حمدي والله لايهينك على القصيدة الرائعة والمتوهجة

وانعم وأكرم بربعي

كل الشكر اخي الكريم

تحياتي

الشاعر
الكبير حمدي العوفي
صح لسانك وعتلا شانك
قصيده جزله من شاعر جزل
والطيب غير مستغرب من أهله
والنعم بربعك عوف والنعم بالحصنان
بيض الله وجهك
قصيده مميزه





*****

أبن العم العزيز

حميدان العوفي

ياهلا ويامرحبا فيك يابو ناصر

وصح بدنك يالغالي وتشرفت بمرورك الجزل

ووجودك محل تقديري واعتزازي

وبيض الله وجهك



تقديري واحترامي لك

الاخ العزيز

رابح الجحدلي


صح بدنك والف شكر على مرورك الدائم

ولاهنت يالغالي


تقديري لك

هلا هلا بخوي القدير والشاعر الكبير حمدي العوفي
صح لسانك والله يبيض وجهك على ها الجزله
قصيده جزله من شاعر لانستغرب منه الجزاله وقوة المعنى
حضورك له دوركبير انا خوك هنا وفي كل مكان يستدعي حضورك
والاخ نواف يستاهل كل علم طيب ابوعبدالله رجل من رجال وانت كذالك
كفيت ووفيت ياحمدي عسى عمرك طويل

الله على هالهلاليه يابو ثامر


شاعرنا الكبير الاخ العزيز الغالي حمدي العوفي سلمه الله


مليون مليون صح السانك

واعتلا شانك


وشهاده لله

انك قلت واجزلت


قصيده تنومس وتطرب


ومن اروع القصائد المنبريه التي قرأتها بالاونه الاخيره


طرق راااائع ومناسب للمناسبه وقافية رائعه ومعاني جزله

واكتمال لكل عناصر الجزاله والابداع


ومليون نعم بالحصنان وبعوف وبالعزوه كلها لاعدمناك


وعزالله انك شرفت ربعك

قصيده ماعليها مداخيل ( كما يقال في العاميه )



تحيتي وتقديري لشخصك الكريم

الاخ العزيز

والكاتب القدير

متعب البدراني

ياهلا ويامرحبا فيك والاروع هو مروركم الراااائع

وصح بدنك يامتعب مليون وتشرفت في وجودك المميز

بيض الله وجهك

ولاهنت يالغالي


تقديري واحترامي لك