سلامي سلامٍ يبتدي في علوم الطيب

سلامي سلامٍ يبتدي في علوم الطيب=ولا ينتهي ياغير فالطيب ودروبه
يعم اهل الوقفات فالدور والترتيب=وكلٍ من الوافين يعطيه ماجوبه

الله الله

لله درك يابن جمران

بدايه موفقه من شاعر جزل

ويعلم الله اني مرتبط الليله والا اتشرف باللعب معك

تقبل تحياتي

	المشاركة الأصلية كتبت بواسطة تركي الشيخ

	الله الله لله درك يابن جمران بدايه موفقه من شاعر جزل ويعلم الله اني مرتبط الليله والا اتشرف باللعب معك تقبل تحياتي

لاهنت ياشاعرنا الجزل ابو عبدالعزيز
ولاعليك زود والشك زايل طال عمرك
معذور ياعزيزي ومقدر وانا شاء الله لنا لقاء
سلمت ودمت لاعدمنا وجودك انت وكل جزل

	المشاركة الأصلية كتبت بواسطة مضحي بن جمران

	سلامي سلامٍ يبتدي في علوم الطيب=ولا ينتهي ياغير فالطيب ودروبه

طيب و تحري بالطيب يا مضحي بن جمران

صح لسانك

يوم شفت اسم تركي الشيخ قلت الإبداع اكتمل بها الاثنين

لكن ما شاء الله المبدعين ما فيهم نقص في الملتقى

بصفك لين يجي واحد منهم

تقبل تحيتي و مروري

	المشاركة الأصلية كتبت بواسطة الصييفي

	طيب و تحري بالطيب يا مضحي بن جمران صح لسانك يوم شفت اسم تركي الشيخ قلت الإبداع اكتمل بها الاثنين لكن ما شاء الله المبدعين ما فيهم نقص في الملتقى بصفك لين يجي واحد منهم تقبل تحيتي و مروري

الله لايهينك ياشاعرنا الجزل الصييفي
ماعليك زود ياكتورنا الكريم ولي الشرف
وصفي يعتز بوجودك لاعدمناك ومليون هلا

	المشاركة الأصلية كتبت بواسطة مضحي بن جمران

	سلامي سلامٍ يبتدي في علوم الطيب=ولا ينتهي ياغير فالطيب ودروبه يعم اهل الوقفات فالدور والترتيب=وكلٍ من الوافين يعطيه ماجوبه

اسمحلي اجاريك يامضحي

هلا مرحبا ترحيبةٍ تقتفى ترحيب=على العز والنوماس والطيب منصوبه
لامنك قنبت يجاوبك في قنيبك ذيب=تفضل وجزل العلم صاحبك مطلوبه

صح لسانك ياشاعرنا الجزل فهد بن عواضه لاهنت ولي الشرف بهذه المجاراه وحياك الله يالذرب

يدوم البقاء بك لنشدتك لعل تجيب=من اللي بميقاف الشرف نومس حروبه
لاجيت اصفه واضح وكلٍ يعرف هديب=دهشنا ونظرات العجب كلها صوبه

وسيع البنايد ماعليه الوفا بصعيب=على الازمه يقبل وهي تقبل بصوبه
لاكن انت يامضحي عسا ء فالك لك يطيب=ولاظن فيك قصور سداد فالنوبه

عن القصد والمقصود مانطري التجنيب=مدام الخبر طازج ودوب الخبر دوبه
ابااشيد بابن العم يبقى الرهيب رهيب=ولاتنطفي نارٍ على العز مشبوبه

ياسلاااااااااااااام

الأخوان

مضحي الجمران وفهد عواضه

بيض الله وجيهكم وصح الله السنتكم

واصلوا يعطيكم العافيه

وبعون الله اجيب الصفوووووف معي اذا مافيه محاوره ثانيه الليله هههههههههه

تقبلوا اجمل التحايا

ودمتم ودام ابداعكم