ياذيب

ياذيب مافالخلا الا راسك وراسي =وانته تجر العوا في راس مشذوبه
انته حداك الزمان وقتك القاسي = وانا حداني هوا قلبي ومطلوبه
البر عشقي وريحه ينعش انفاسي = وان غبت انا عنه كن الروح منهوبه
يمه اسوق القدم لا دق هوجاسي = وعيت مطاليب نفسي تعلن التوبه
أتوق انا له ليامن هب نسناسي = كما يتوق الوليف لشوف محبوبه
ياذيب انا بعالي المرقاب مجلاسي = يصعب على غيري وغيرك يعدوبه
في شاهقه مابها الا وكر قرناسي = وموارد الصيد وكره تحت شخنوبه
وانا معي خوتي نجري ومحماسي = والبن الأشقر ونار السمر مشبوبه
اللحّق حطبها وجمر السمر متواسي = وبجالها دلة الرسلان منصوبه
لاذقت فنجالها يجلالي اعماسي = ومن الطواريق انا غنيت مسحوبه
في مهمهن مابها لجلاج ووناسي = ارضً خلا عن عيون الناس محجوبه
ماداجها الا بدويً جاك عساسي = يتلى حلاله يدورّله لمذوبه
عبرت عن مابنفسي بصادق احساسي = وكلن يماري على توصيف محبوبه

صح لسانك يابو محمد
قصيده رائعه
دمت اخوي ودااام ابداعك وتميزك
احترااامي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

اعجابي بلا حدود

صـــح لسانك

صح لسانك ابداااااااااع من مبدع

السلام عليكم ورحمة الله وبركاته
سلمت ودمت أخوي الشاعر حسن بن مساعد على القصيدة .
.
.
جزله ورائعه وصح لسانك
أخوك ابوساره

الله الله الله

ايش هذا الابداع

من جد نص فاخر وكامل الدسم وفي غاية الابداع

صح لسانك

ياشاعرنا القدير

حسن بن مساعد


وبيض الله وجهك ولاخلا ولاعدم منك ياغالي

ومنتضر جديدك

صح لسانك ودمت بهذا الشعر الأصيل


تحياتي

صح لسانك وسلم بنانك



قصيدة رائعه بروعة حضورك



لك تقديري