ضيف عليكم : هل من مرحب

مررت من هنا واستوقفتني اسماء لشعراء لامعين جمعهم ملتقى
يحمل اسم قبيلة عربية اصيلة تشتهر بالجود والكرم والوفاء
( قبيلة حرب )
ياكل من في ملتقى حرب :
قررت الدخول عليكم وتحيتكم بتحية الاسلام"
السلام عليكم ورحمة الله وبركاته
ضيف قدم عليكم لمسامرة حروفكم الذهبية : هل تقبلون به بينكم؟
اتمنى ذلك

منا على الملتقى ضافي = يأهل الوفاء والمثل ياحروب
سلام من خاطر اللافي = خليفة الشاعر المحبوب

ترحيب من نبعنا وافي=واللي لفا مننا محسوب
ومن رام للنايفه نافي=اسمه بفعله غدا مكتوب

ترحيب من خاطرٍ صافي=على الهوا يسابق المكتوب
ميزانكم عندنا وافي=وتشريفكم غاية المطلوب

القريشي الثاني
عليكم السلام ورحمة الله وبركاته
هلابك وغلا احلى واغلا قرار الله يحييك من ممشاك الي ملفاك انما شالك المنتدى تشيلك عيون

ترحيب مثل العسل صافي=اعدادماينبتن ادعوب
من خاطرا ضاهر وخوافي=فرحه بضيفا له الماجوب

	المشاركة الأصلية كتبت بواسطة فواز الزويهري

	ترحيب من نبعنا وافي=واللي لفا مننا محسوب ومن رام للنايفه نافي=اسمه بفعله غدا مكتوب

المشرف الشاعر فواز الزويهري
اشكرك على كسرة الترحيب التي تدل على حسن كرمك
لك التحايا

	المشاركة الأصلية كتبت بواسطة بيان الصمت

	ترحيب من خاطرٍ صافي=على الهوا يسابق المكتوب ميزانكم عندنا وافي=وتشريفكم غاية المطلوب

شيشوب للضيف مضيافي = جاني عن الملتقى مندوب
ربان للحرف وسنافي = ماكان في حسبتي محسوب

الشاعر / القريشي الثاني


حياك الله وبياك بين إخوانك ومحبيك

في ملتقى قبيلة حرب تراحيب المطر

وصح لسانك على الكسرة الراقية

والرائعة بروعة مبدعها

دمت بكل محبة وود

القريشي الثاني
هلا وغلا بين اهلك وربعك
الدار تزهى بامثالك
يامرحبا مليون

	صح لسانك كسرة رائعه والله يـعـطـيـك الـعـافيـــــــــــة بيض الله وجهك وحياك الله بين ربعك

	المشاركة الأصلية كتبت بواسطة القريشي الثاني

	شيشوب للضيف مضيافي = جاني عن الملتقى مندوب ربان للحرف وسنافي = ماكان في حسبتي محسوب

تشريفكم ماله مكافي=الا الوفا تحتويه قلوب
بالبيِّنة تحسب الخافي=من طيِّب الدار والمنسوب