يالله بنو(ن)يوم ينشي ضحاوي

السلام عليكم ورحمة الله وبركاته
اهدي لكم هذه الابيات عسى ان تحوز على اعجابكم

يا بدر يا بدر الحويفـي بـلاوي=بـلـوى بلتــنـي لا بلــتـك البـليـة
زرع الضماير راح نصفـه ذلاوي=والبــير غايـر والنوامـي ضــميـة
واصبحت ادوج بالشعيب السناوي=واحترت افـــكر بيـن هـذي وذيـة
والمســك والعنبر ثمين وغـلاوي=والمال هاجر للـــكفـوف الصخيـة
شــي(ن) يحيــر يالعديـم النـداوي=والوقــت هـذا مـا عـــرفنـا نويـة
وقت(ن) ميوله للبخيل الغنـاوي=ومن قـــل مالـه حملـوه الزريـة
يمكن يسمونه عن الدرب غـاوي=الله يثــبـّــت يالقـلـوب التــقـيـة
يا الله بدعوة من بربه رجـاوي=عود(ن) كبير ومقتدي في نبيـة
كسبه حــلال ولا دخل به رشـاوي=يســجد ويطــلب يـا الـه البــريـة
يا الله بنو(ن) يوم ينشي ضحاوي=من حــد الاردن للجنـوب العذيـة
وبله على راس النبا والمهـاوي=ما فـيه وادي مـا تــطبـه شــغيـة
والناس لجّة بالفرح والحـداوي=كــــل(ن) يبشـر بالكنـاود خويـة
حسبـت ثــلاث ايام نبــتـه زهـاوي=وحسبت ثمان وخمس يشبع طلية
وحسبت تقاريب الشهر بالحراوي=عــوج الرقــاب مبركـه بضحويـة
والكيف طـــاب وللتـمشـي حـلاوي=في خايع(ن) ممطور وارضه مرية
من فوق لندكـــروز لونه سمـاوي=تـــــوه جـديـد مــحــركاتـه قـــويـة
واثنيــن والثالث بعيـد الهــقـاوي=كد ما رسو بالوقــت روحه وجيـة
واخلاقهم وقت الرخا والقسـاوي=حجان تضحــك والقلـوب برحيـة
هـــــذا مـــنـاي وليتهـا بالمنـاوي=وحسن الخواتم يوم وقت المنيـة

التوقيع / مساعد الجليدي

ونعم يامساعد الجليدي ونعم في بدر الحويفي

وصح لسانك والله يغيث البلاد والعباد

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح السانك قصيده

جزله وتدل على شاعر جزل ومتمكن

مليون صح السانك

صح الله لسانك
ولاهنت
وسلم فكرك وبنانك
دمت برعاية الله وحفظة

احسنت وصح لسانك وبيض الله وجهك
والله يقبل منك لقد طلبت طلبة كل واحد يطلبها
لقد اجدت وابدعت
تقبل مروري وتحياتي

صح الســـــــــــــــــــــــــــــــــــــــانك
جزله من راس جزل
نعم فيك وبالحويفي
هذ الشعر ولا بلاش
شاعر متمكن لله درك

الف الف شكر لكم جميعاً على اعجابكم
وردودكم الجميله وهذا شرف لي ووسامً
على صدري دمتم بخير وعافيه

مساعد الجليدي
وقصيدة ممتلئة بالجزالة والمعاني الطيبة

ابداع وتميز من شاعر متمكن شعريا

بيض الله وجهك حتى ترضى

تحياتي وتقديري

حفظك الله

	المشاركة الأصلية كتبت بواسطة علي المحوري

	مساعد الجليدي وقصيدة ممتلئة بالجزالة والمعاني الطيبة ابداع وتميز من شاعر متمكن شعريا بيض الله وجهك حتى ترضى تحياتي وتقديري حفظك الله

الف شكر لك اخوي علي
على مرورك الرااائع
دمت بخير وعافيه