( ضاقت عليه كنها درب بلعوم ) ........ مساجله

/
/
/
/
/
/
/
/

اخواني

هذه القصيده ارسلتها
إلى اخي
الشاعر/ حسين بن شامان المعمري
وانقلها لكم مع رد الشاعر

مادمت من ربع ٍ مشاكيل وقـروم=دخيلهـم يبشـر بامـان وحميـه
نشكي عليك الحال ياجيـد القـوم=رجال منصف ماتجيـب الخطيـه
ياحسين دنيانا بها طبـع مشـؤم=لو سرتك يوميـن تبكيـك ميـه
من عاش فيها ثم ماقال محـروم=اكذبـه لوهـو عزيـز ٍ علـيـه
سبعين بالميه من الناس مضيـوم=ذولا ضحايـا ودّ بيـن البـريـه
كم غربلتني من عداوات وهمـوم=وكم بيحت لي من سـدود ٍ قويـه
ضاقت عليه كنهـا درب بالعـوم=ثـم كشـرت بالنيابهـا والثنيـه
في درب مسبوره ومزروعه لغوّم=من ناس ردة فعل الاحسان سيـه
والوقت مايبقى من الطيب معـدوم=لو كان فيه اجناس قشـران نيـه
واللي يساوي صقر شيهان بالبوّم=هذي غشامة قلـب واكبـر بليـه
والله يجيرك من شقا ضل يحمـوم=في يوم جمع الناس مافيـه زيـه
والخط ما جالك على ضرف مختوم=في منتدى واضح بشاشـه نقيـه

الشاعر/ خالد بن عبيد بن معتوق ألأحمدي


واليكم
رد
الشاعر
/ حسين شامان المعمري

جاني وأنا أرحب بكم دايم الـدوم=وايضا على قافـك نـدق التحيـه
أهلا هلا بإعداد ماشالـت غيـوم=فيك أنت يا خالد زبـون الونيـه
تشكي علي الحال والحال مقسوم=وأنا لقيت الناس تمشـي سويـه
دنياك يا خالد مقاسيـم وسهـوم=دربين والخيـره وراهـن خفيـه
كم لبّست عشاقها ظافـي هـدوم=ياسرع ماتسلـب ثيـاب العريـه
ماظن تخدع مثل شرواك شغمـوم=والعز كنز أهل النفـوس الابيـه
والسوق ماهو يافتى الجود محكوم=فيه الفروق اللي مـن أول خفيـه
وانته وأنا فالطيبه نفرق السـوم=وزن الذهـب بغـرام وإلا وقيـه
والله مالوم اللي من الوجد ماسوم=جتنـي طواريقـه جـداد ونديـه
قلت اتركوا خالد ولانطري اللـوم=اللوم قسم اللـي يخلـي خويـه
ولفك نجيبه لو تتقى مـع الـروم=خذني وانا معكم على كـل هيـه
معنا سيوفٍ مابهـا حـد مثلـوم=وان عودت فتنـه لنـا المقدريـه
وحنا سندك إن بانت القوم للقـوم=من بيننا الفزعات طبع وسجيـه
والله يبيحك عد ماينبـت الـدوم=وإعداد ماخطت حـروف ابجديـه

ياجماعه انا اتسائل عن غياب
الشاعر / حسين بن شامان المعمري

صحت السنتكم
والله يـعـطـيـكم الـعـافيـــــــــــة
بيض الله وجيهكم

الحب الباقي
صح بدنك

صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

صحت الالسن

بدع رائع ورد ولااروع منه

وشكرا اخوي صقر المراقيب على نقل الرائع للمساجله

خالد اللهيبي
سعدت بمرورك
والله يوفقك

خالد اللهيبي
سعدت بمرورك
والله يوفقك

رابح الجحدلي
صح بدنك