مرثيه با الشاعر الكبير سبيل بن سند وابنه سلمان رحمهم الله

السلام عليكم
قصيدة مرثيه با الشاعر الكبير سبيل بن سند وابنه سلمان وهي قديمه
ولكنها لم تنشر واجدها فرصه لتوثيقها
__________________________________

البارحه والنوم عن موق عيني= ابعد من النجمه عاى قاع هداج
عني غريب ومانعه لا يجيني= سم الخبر من ناب الاقدار بجاج
من جايبه لو مايجي كلمتيني= مرارته غطت على مر الاحداج
وقعه سهم مسموم با اقصى كنيني=على يباس الكبد با السم زجاج
خلاني اسهر والملا نايميني= والقلب كن امولع (ن)فيه وهاج
والعين هلت كل دمعن ثميني=على خدودي كنه السيل ياراج
غيم سحاب الهم والحزن شيني=ومن خاطر(ن)محزون دونت الانتاج
على اثنين(ن)مابعدهم اثنيني= مثل البيارق فوق هامات الابراج
راحو ولا حنالهم محتريني=راحوا مثل ماقبلهم راحت افواج
امسوا تحت طبق الثرى ساكنيني=ماكن من فوق الثرى واحد(ن)داج
لحقوا وحنا بعدهم لا حقيني= ومن عاش با الدنيا له الموت منهاج
حق ويقين وسنة العالميني= الله خلق هدام للخلق لهاج
يا وقفت الساعه بوقت(ن)يحيني=عن مايبي مايمنعه خوف واحراج
رمى علينا رمح ابو سنتيني= وغير الطويل الي هدم نزل احجاج
جب العزى في غفلت الغافليني=وقفى وخلا حيهم يرهج ارهاج
خلا المصيبه تحسب امصيبتيني=اخذ بريق السيف وانصابه العاج
لو ما القدر يومن به المومنيني= امن الفجيعه يمرج العاقل امراج
يا ليت لو يحسب لهم من سنيني= في مثلهم للعمر ماني بمحتاج
حيثنهم معنا سيوف اليميني= ولا غابت القمرى لنا نور وسراج
مثل نهار(ن) فيه لحق المتيني= يوم ان كل (ن) خاف صلفات الامواج
يوم السكوت ينجي الساكتيني= والحق بين مثل ابانات واسواج
خلاه ابو سلمان علم(ن)يقيني= با امهند(ن)لمصندق الجوف فجاج
رد الحقوق وعاقب المعتديني= ما خاف من حكم(ن) مثل حكم حجاج
مخبور فعله والملا خابريني= يا كم عدل مايل (ن)عقب منعاج
بقلوبنا حيين يا ميتيني= لو غاب عنا شوفكم ذكركم هاج
وحكم القدر مقبول شينن وزيني= ما الله جعل عن حكم القدار مدراج
والدايم الله والملا ذاهبيني= مات الضعيف ومات من يلبس التاج
ودنيا الفنا يكسب بها المتقيني= قبل الحساب وقبل تفتيش الادراج
كل(ن)يواجه ما جنته اليديني=ويلقى التقي في حسن الاعمال مفراج
ناس(ن)بجنات الهنا خالديني = وناس(ن) بنار(ن)سيج من فوقها اسياج
يا جعل موتانا من الفايزيني=عسالهم عن حامي النار مخراج
يا قابل التوبه من التايبيني= يا فارض(ن) وقفة عرافات للحاج
في رحمتك يا ارحم الراحميني= ياراحم الي في رجا رحمتك لاج

وسلامتكم

خالد الحصني صح لسانك وبيض الله وجهك

والله يرحم سبيل بن سند وابنه سليمان

اخونا الفاضل وشاعرنا المبدع
خالد الحصني
صح لسانك ياخوي
والله يرحم سبيل بن سند وابنه سليمان
ووالدينا اجمعين
,
,
,
شكرا لك

خالد الحصني صح لسانك وبيض الله وجهك

والله يرحم سبيل بن سند وابنه سليمان

خـلا المصيبـه تحسـب امصيبتينـي=اخذ بريـق السيـف وانصابـه العـاج

الشاعر خالد الحصني

صح لسانك وبيض الله وجهك

والله يرحم السيف ونصابه

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

عـلـى اثنين(ن)مابعـدهـم اثنيـنـي
مثل البيـارق فـوق هامـات الابـراج

الله يرحمهم ويسكنهم فسيح جناته ،،
وصح لسانك أخي خالد الحصني ،،

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح لسانك وسلم بنانك



قصيدة رائعه بروعة حضورك



لك تقديري

الشاعر حمود الجابري

صح بدنك اخي الكريم ولا هنت على المرور