ديوان\\ احمد المرعشي

في البدايه أود أن أشكر ملتقى حرب و القائمين عليه
و على رأسهم (أبوروان النويمي) صاحب فكرة إنشاء الدواوين
و أشكر المشرفين و الشعار و الرواد،
حيث بدونهم و بدون حضورهم لن يكون لأي مجهود أي معنى

بسم الله

يالله يامـولاي يــارب الاربــاب=سبحانـك المعبـود لاحــول لـيـه
امنت بـك ياباعـثٍ خيـر الاحبـاب=محمـد الهـادي شفـيـع البـريـه
عليه صلى الله عـدد نجـم ماغـاب=وإعـداد مابيـن ســلام وتحـيـه
من بعدهـا يـارب خايـف ومرتـاب=من شـر ماسويـت وسجـل عليـه
يارب انا مخطي من الذنب قـد تـاب=وارجـو العفـو والمغفـره للخطيـه
يـارب لـك رافـع يديـه وطـلاب=لاتردنـي يـارب صـفـرى يـديـه
مالي سواك الا انـت ياخيـر تـواب=ياعـالـم ٍ بالبـيـنـه والخـفـيـه
يامقـدر اجـال المخاليـق بكـتـاب=اطلبـك لامنهـا لفتـنـي المنـيـه
اكون ساجد لـك وبالجبهـه اتـراب=واكون قد صليـت صبـح وعشيـه
واتكون خاتمتي واغسـل بالاطيـاب=وإيكـون بالفـردوس منـزال لـيـه
ويارب في دنيـاي ماكـون مغتـاب=ولاكـون تبّـاع الـزرى والـرديـه
ولاكـون متكبـر ولاكـون كــذاب=ولاكـون خـوان ٍ ولاشيـن نـيـه
ولاكون انا اللي قاطع ٍ وصل الاقراب=ولاكـون عاصـي ناكـر الـوالديـه
ويارب انا طالبـك ولاظـن ماخـاب=مـن يطلبـك يـارب هـذي وذيـه
يارب تعلـم مـن بهـا خافقـي ذاب=وتعلـم مـن اللـي حبهـا زاد فيـه
حبيتها واالحـب متلـف للأعصـاب=حبيتهـا والحـب بـلـوى قـويـه
يشكونه الجهـال واصحـاب الالبـاب=من جيـل هـذا العصـر والجاهليـه
حبيتها والحـب ياتـي بـلا اسبـاب=وهذا ترى رايـي ومخصـوص بيـه
قالو قديم اهل الهوى الحب منصـاب=بـه داء بعيونـه وراحـن سـويـه
واصبح يسير بدون وجهه ولايهـاب=وياكـم رآآآح بسبتـه مـن ضحيـه
ياقلب صبرك. والرجا... برب الارباب=الواحـد اللـي عالـم ٍ كــل نـيـه
الحب اعمى وسطوته سطوة اعقـاب=والحـب داء وصـاب كـل البـريـه

[/center]

يالله يامنجي نبيك من الحوت=بديت بك يالله ياذا الجلالي
من هم في صدري له اسنين منحوت=هم ٍ يزحزح نايفات الجبالي
له مدة ٍ بالصدر مخفي ومكبوت=وهو شاغل ٍعقلي وسبّة هبالي
يالله همّي تفرجه قبل لاموت=وأنسى انا الاحزان واللي جرالي
وارتاح واغني لبو اشفاه كالتوت=للناعم اللي يحتويه الدلالي
اللي فهواه اليوم ماني بمشموت=خلق ٍ ودين وزينها شي خيالي
بنت السعوديه مهي بنت بيروت=بنت ٍ اصيله قدرها فوق عالي
متحشّمه متستّره خافضا الصوت=ولاتعرف ادروب الردى والهيالي
ويالله ياللي ليك قوّه وجبروت=تخزي هل النمات واهل الضلالي

والله احبك يااريـش العيـن بجنـون=وحبك سكن وسـط الخفـوق وتعـلا
واصبحت مغرم فيك بالحيـل مفتـون=وانتـه علـى مغليـك نـوب اتغـلا
ادري دلـع لاكنـه ايسبـب اطعـون=اطعون منهـا دمـع الاعيـان هـلا
اطعون باحت كـل ماكـان مكنـون=في وسط صدري وسلـة الحـال سـلا
بالله علـى حالـي ترفـق وبالهـون=لاتخلـي الـعـذال بــي اتـسـلا
ماعاد بـي صبـرٍ علـى مايقولـون=ولاتحـمـل منـهـم ادنـــاة زلا
منهـم تـرى لليـوم والله مغـبـون=وافعالهم منهـا تـرى القلـب كـلا
تدري وش اللي منه بالحيل يرضـون=لافرقـوا مابـيـن خــل ٍ وخــلا
يفرح حداهم لالقى الوضع مشحـون=بيـن الاحبـه و زاد هـرج ٍ مُضِـلا
من شان إيشتت شملهم ياعسى الكون=إيضيق بـه واتجيـه مليـون عـلا
قايدهم الشيطـان والفـوج ملعـون=وعلـى جميـع افكارهـم قـد تـولا
يامر وينهـى و للأوامـر يطيعـون=جٌنـد ٌ لـهُ صـاروا بليـات مــلا
يارب يامعبـود تبعـد هـذآ اللـون=واتريّح العشـاق مـن هـا المبـلا

ألا ياوجد حالي وجد مـن كثـر السفـر اعيـاه=على من غاب عن عيني وأنا مدري وش أحواله
أبي وصله وابي قربه وأنا مازلت فـي رجـواه=لكن البعـد حادينـي وحالـي منـه يرثـا لـه
شقاويه عيـون اللـي حبيبـه غايـبٍ ماجـاه=مغيـر اتهـل دمعـاتٍ مـن الأحـداق همالـه
بعيد وغابـت اخبـاره وأنـا مشتـاق ٍ القيـاه=كثر شوق السجين اللـي قريبـه فكّـة احبالـه
بعد عن عيني لاكنه فـي بالـي باقيـه ذكـراه=ولو مرت على اغيابـه سنيـن ٍ مانـي إبدالـه
قضى وياي خمس أعوام ألا ياكيف أنـا بنسـاه=وأنا وشلون ابنسى من يغيب الحـزن بوصالـه
خفيف الدم رزين العقل وكن البدر هـو محيـاه=تفـرد بالحـلا خلـي تفـرد بـه لـه الحالـه
أنا أهـواه وأحبـه وأنـا أحبـه وأنـا أهـواه=وهواه اصبح معا دمي ومجـرى الـدم مجرالـه
أحبـه حـب لايوصـف حـبٍ صـادقٍ معنـاه=وأنا وشلون ماحبـه وربـي مكمّـل اخصالـه
لكن اليـوم فغيابـه حياتـي أصبحـت مأسـاه=رحل منها الفرح والحزن فيهـا صـار منزالـه
تربع فوق عرش القلب وصارت طايلـه يمنـاه=وكل ليله يجهز لـي مـن اللـي يخطـر ابالـه
أسى وهموم وأوجاعٍ توالت من عقـب فرقـاه=ألا يالله تلطـف بـي ولا لـي غيـرك الجالـه

بسم الله الرحمن الرحيم

سلام ياربعي هل العز والطيب =ذخر الرجال مكملين المواجيب
أهل الوفا والجود وأهل الحميه =أهل المواقف مابهم شكه وريب
كسّابة النوماس فأول وتالي = بالطيب والا بالقنى والمشاعيب
ميزانهم في كل الاحوال راهي = خيّل منازلهم بروس المراقيب
عز الرفيق وعز منهو نخاهم =قصرٍ يذري عن سموم الملاهيب
أهل العقول الراجحات الرزينه= مايسلكون ملولبات الاساليب
على النقى من يوم ربي خلقهم =منهاجهم مابه عواج وعذاريب
نهج الرسول المصطفى والصحابه= أهل التقى والدين راس المكاسيب
ربعي عيال المرعشي تاج راسي=أفخر وأماري بفعلهم مابها عيب
سوا سوا في كل ماقف وقاله =صغير والا كاسيٍ راسه الشيب
ولافيه قاله لاحظرنا تعقد =نحلها بتوفيق من عالم الغيب
ومن دون قاصر فالرجال المطاليق= كلٍ وله منزال في قمّة الطيب
ولايبخص حقوق الرجال الوفيه =إلا الردي وفال الردي دايم يخيب

السلام عليكم ورحمة الله وبركاته
احبتي الكرام اسئل الله العظيم رب العرش العظيم ان يرحم الشيخ جبر ثلاب الزبالي الحربي وان يغفرله و يسكنه فسيح جناته . وأتمنى ممن يمر هُنا أن يدعو له بالرحمه.

الله يـــاحـــزن ٍ غـــشـــى دار الاجــــــواد=بــفــراق شــيــخ الـمـرجـلـه جــبــر ثـــــلاب
حـزن ٍ سكـن فالـدار واستوجـب إحـداد=وأستوجـب إن ادمــوع الاعـيـان تنـسـاب
حــــزن ٍ ورب الـبـيــت فـوجــيــه الاولاد=بـــانــــت عــلامــاتـــه ولانـــــــي بــــكــــذاب
قــالــوا تــوفــى ووصّــــل الــحــزن لـلـمــاد=وأستوحشـة حجـر بغيـا بـه والاصـحـاب
بيـوم الخميـس اربــع عـشـر حزنـهـم زاد=من شهر واحد . والقمر. حزّ ن وغـاب
شف حال من جاه الخبر صابـه إجهـاد=ولاحدٍ يلومه .عاد وشلون الأقراب !!!!
غــا ب الـكـريـم الـلــي لـــه الـنــاس ورّاد=عـد الـروى اللـي مـا قـفـل يــوم الأبــواب
مـــن بـخــل والا خـــوف أو شـــح بـالــزاد=وإن كـان فزعـه. جـاك ضرغـام مايـهـاب
قـالــه مــشــى فـيـهــا بــــلا شــــك تـنـقــاد=بعرفـه . بـعـد توفـيـق مــن رب الاربــاب
الله يـبــيــحــه ظــــاهــــره مــــــــع تــنـــهـــاد=مـن حـسـرة فـراقـه ومــن حــزن الالـبـاب
الــحــمـــد لله لاأعــــتــــراض ٍ لــــمــــا راد=رب الــمــلا لــــو إنــنــا فـاكـبــر مــصـــاب
بنصـبـر عـسـى ربالسـمـا بـعــد الأعـــداد=يــرحــم فـقــيــد الـمـرجـلــه جــبـــر ثـــــلاب
ويــمـــد فـــــي قــبـــره ويـكـفــيــه الأنـــكـــاد=ويجـعـلـه جــنّــه تـحـتــوي كــــل مــاطــاب

يوم الوطن عيدٍ لفى قبل الاعياد=يامرحبا به ياهلا به ملايين
باللي يفرّح خاطرٍ بالولع زاد=في حب داره واصبحت كنها العين
ومع كل ساعه اصبح الحب يزداد=ولوبوصفه يبغالي اسنين واسنين
حب الوطن ساكن كياني وبه ساد=من يومني طفل ٍ إلى حد هالحين
حب الوطن موجود فالشرب والزاد=ويجري معى دمّي بوسط الشرايين
افخر واماري به على روس الاشهاد=ولاظن احد بيلومني يالميامين
وطن وطن ياكم حقق من امجاد=بفضل رب البيت ثم الكريمين
آل السعود اللي على المجد رواد=يالله تحفظهم من الشر والعين
واديم نعمة امننا فكل الابعاد=ويدوم شرع الله لنا منهج ودين
دعوة سعودي مخلص ٍ مابه احقاد=ويامن سمع والا قرا ردد امين

تحيتي لكم,,,

يـامـنــوة افــكـــاري وقـلــبــي والاعــيـــان
يــانــور عـيــنــي يـابــعــد كـــــل غــالـــي

ودي بـشـوفــك لــكــن الــوقــت مــــالان
مــــــالان وعـــيـــا لاايــتــرفـــق بــحــالـــي

وانـهـد حيـلـي والـسـبـب زود الاحـــزان
وانـته فـــ بـعـدك دالــه القـلـب سـالـي

صرت انشد الجيران ماشفتو افلان .!!
الـلــي شــغــل فــكــري وعـقـلــي وبــالــي

ولـهــان ودي يـاغـنـاتـي لــــي ازمــــان
اشــــوف زولــــك يــــا حـيـاتــي قـبــالــي

مـن شـان اريـح قـلـب مـغـرم وهيـمـان
هــيــمــان ولـــكـــن لـــلاســـف مـاتــبــالــي

هيـمـان فــي حـبـك ولاتـعـرف احـسـان
افـراقـنـا كـنــت احـسـبـه شـــي مـحـالــي

لـنـــي انـــا مـخـلـص وحـبـيـت بـجـنـان
واعـطـيــت حــــبٍ كــــان جــــداَ مـثــالــي

حـــبٍ تــعــلا فــــوق هــامــات الامــــزان
مـــــاقــــــدّره والله ســــــيــــــد الــــغــــوالــــي

الغالـي اللـي كـان وســط الحـشـا كــان
سـيـّـدعــلــى قـــلــــب الـمــعــنــا لــيـــالـــي

مـــــن ســبــتــه والـــحـــال والله مــــــازان
ومن كثر جوره ضاق صدرٍ شمالي

مبطي وانا ادور على ارضاه شفقان
وازريـت احصـل مطلبـي وشـف بـالـي

ذوقـنـي انـــواع الـعـنـا اشـكــال والـــوان
وزادهـــا الـوقــت الـــردي مـــا صـفـالـي

خـــلاص مـنــه الـيــوم لاشــــك قـنـعــان
بنسـاه وبنسـى اللـي مـعـه قــد جـرالـي


وسلامتكم........[/poem]

أحبتي الكرام مواجع ربما من الخيال ولكن منمقه.. علها تجد الرضى

ايه بلوى بس صابر

وشوف جرحــي وكـيـف

أكــابــر

وشوف دمعي منهمر

بــســبــة الــــج ـــرح

الــع ـــطـيـب

وأقول :من فررح وسرور.

ايهــ صابر

ولو تشوف اش بالــم ــح ــانـي

كان تــع ــرف وشــكــثـر إنـي

أع ــــاني

بــس صـــا بــــــر

والامل بالله قريب والرجا به مايبور.

يـاقـلــب.. لاتــحــزن عــلــى فــــراق غـالــيــك!!=يــاقــلــب . يــكــفــي لـــــــه بــداخــلـــك ذكـــــــرى
يــاقــلـــب لاتـــجــــزع مــــــــدام أمــــــــر والــــيــــك=يــــاقـــــلـــــب لاتـــــــجــــــــزع وبالله صـــــــبــــــــرى
خــــــــــــل الأمــــــــــــل بالله . والله يــــجــــزيــــك=يــجــزيـــك فــالــلـــي تــكــرهـــه خـــيــــر أمــــــــرى
أدري بــــــــــأن فـــــراقـــــه الـــــيـــــوم مـــدمــــيــــك=وأدري بــكـــســـرك مــــالــــه الــــيـــــوم جــــبـــــرى
وأدري بـــأنــــك كـــثــــر مـاعــطــيــت مـعــطــيــك=وأدري بـــــــــــإن فـــراقــــكــــم تـــــــــــم قــــــســــــرى
حـكــم ٍ صـــدر مـــن نـــاس مــاهــم بـعـاديــك=حـــكـــم ٍ يــظــنــون الــســعــد فـــيـــه أحـــــــرى
مـايـعـرفــون شـكــثــر قــــــدر الــغــضــي فـــيـــك=والامـــيـــمــــدي حـــالـــنــــا الـــــيـــــوم قـــــشـــــرى
خــابـــرك يـــامـــا قـــلـــت لــــــه فــــــي تــحــريــك=عــــلـــــى لـــســـانـــي والأحـــاســـيـــس تــــتـــــرى
نــبــقـــى ولـــــــو فـالــبــعــد طــــالــــت لــيــالــيــك=بــنــحــارب أهـــمـــوم الـــزمــــن.. وأنـتــجــســرى
الــعـــام قـلــتــه :تـحــســب الامــــــر بــيــديــك!!=والــيـــوم فـــــي جـــــوك مـــــن الــريـــح غـــبـــرى
مـــانـــي بـــزيـــد الـــلــــوم. أو. إنـــــــي أشقيـــــــك=لـــكـــن حـــبـــك!! قـــدمـــه أجـــيـــوش كـــســـرى
صـحـيـح أنـــا أهـدّيــك وأيـضــاً أخـطـيــك=ومـــــن الـخــطــى يــاقــلــب. درس ٍ وعـــبـــرى
مجروح....؟ عارف. بس وشهو مخليك..!!=ســاكــت ولاقــلــت إنــــك اتـحــب.......عــذرى
خـــلاص يـاقـلــب الـعـنــا فــــي مـحـانـيـك=إكـــــتــــــاب حـــــبــــــك . لاتــخـــلـــيـــه يــــــقــــــرا
قــفـــل عــلــيــه وعــــــاد مــحــتــاج أوصـــيـــك!!=مــاهـــو بـضــاعــه داخـــــل الــســـوق تـــشـــرى
وأنــــتــــه أذا حــبـــيـــت وكــــثـــــرت طــــواريـــــك=فــــــلّ الــكــتــاب بــلــيــل بــــــه ضــــــو قـــمــــرى
وأقـــــرا بـصـفـحــات أجــمـــل أيــــــام مــاضــيــك=وعـــيـــش بـخـيــالــك لـــيـــل مــافــيــه مـــســـرى
عـــل وعـســى يـخـفــف شــــوي مــــن بــلاويــك=وعـل الجـرووووح اللـي مــن الـحـب .. تـبـرى
وعـــل الـكـريـم الـلــي لـــه الـمـلـك ...يـرضـيـك=ويــبـــدل أوضــاعـــك مــــــن الــعــســر يـــســـرى

ابـــــــــد

لاتظن البعد ينسيني


غ ــــــلاك

لاتــظــنــهـ ياعــسـى عـمـري

فــداكــــ


ولا تــظــن الــقــلــب يــج ـــــهــل

مـــح ـــتـــواك.


ايهـ اخ ـــبـــرك وافـــيــن طــول الــلــيــال


ولاتــظــن الــح ــــب فــي يــنــقــص م ــــح ــــال


انـت وح ـــدك مــعــتــلــي ع ـــــرش الــمــح ــــبــه

لاتــــــزال

ايه ياع ـــمـــري فـــديــتــك مـــا بــهــا والله

جــــــداااااااااااااااااااااااااااااااااااااااااا اااال

ولاتــظــن الــبــع ـــــد يــنــســيــنــي


غــــلااااااااااااااااااااااااااااااااااااك