ديوان الشاعر القدير // ربيع بن عريمان العوفي

السلام عليكم ورحمة الله وبركاته

/

قصيده من القصايدي القديمه في عام 1386 هــ

واقول فيها
/

راكب اللي معه تسريح الاماره = لو وطى كل المراكز ماوقفنه
منوة اللي منتوي يمة دياره = مركني والمركني يازين فنه
من حفيزه مانزل سوق التجاره = هاف سته منتقينه من مغنه
عقربه زايد قليل عن غماره = صورة التاجين في زيكه زهنه
ماحلا مع سلتً سمكة غباره = وان عطا له رملتً يازين حنه
سايقه جبار ماهر بالشطاره = لامشى يقصاه ماعنده محنه
لاعطاله دبلتينه مع غياره = صاح سيره والمحاقن جاوبنه
والكفر كوهام وازنا عياره = مع خطات الخط ماحسن جلدهنه
والأديتر قص ماتقوم الحراره = والريش ست بهواهن ثلجنه
من خريص مسافرً باول نهاره = والعصّير قصور بحره شرق منه
عند حمدي وقفه بجنب داره = عند ريف اهل الركايب لالفنه
يحكر الفنجال ويزود بهاره = لاخذيت اثنين راسك يقعدنه
كامل الطولات مايحسب الخساره = كم جميل يدين حمدي قدمنه
سلمّه مكتوبنا واحكو بثاره = واشرح الموضوع لاتخفيه عنه
قالها اللي شاربً كاس المراره = والطواري والهواجيس اخلفنه
دوك قلبي محرقه كنّه سجاره = لين رحت اقرع تقول اقراع شنه
من غزالً حطني ياالقرم شاره = قايد الغزلان دايم يتبعنه
عينها عين اشقرً في راس قاره = لو نظرها مفتي الدين اخلفنه
لي ثمان اسنين صابر بنتضاره = لاذكرته بالمنام اجر ونه
حدني عن جيّته ياالقرم جاره = بالبريد اخطوطنا ماياصلنه
لوبغيت انساه واصبر من عواره= ثارت الأعصاب غصب يقومنه
وعذاب القلب منهن وادماره = وعذاب اللي سطابه حبهنه

[quote=ربيع بن عريمان;1061617]

اشارككم اليوم بهذه القصيدةالتي قلتها في الشيخ حمدان والد الشيخ حضاض
وذلك انه في إحدى الأمسيات الشعرية ورد في كلمتي الشيخ حضاض شيخ بني يزيد
فرد علي حضاض بقولة أن الشيخ هو والدي حمدان وهذا ما قصدته في البيت الثاني من القصيدة
وقد تشرفت بزيارة الشيخ حمدان في منزلة وأعددت هذه القصيدة حتى تكون هي العذر والجواب

..

ســــلام يا شــيخً مــن الــروح لـــلروح =تسلـيم مــن قلبي وسـلمت روحي
زلـت لـسان وعـفــوها قــول مسمـــوح =الشيخ أبو حـضاض دايم سـموحي
كـلمـــة وفــيـها رد حـضاض بـوضـوح =الشيخ هو حمدان لاجل الوضوحي
وقـــلنا الـــكرم والـطيب من بيته يفوح =نـرفعلة الـبيضاء وطـيبة يـفــوحي
وانــتم شــيوخ ومــدحـنا فــعل مجروح= لاـكـن فـعايـلكم تــداوي الــجروحي
يــوم الــيدين طلاق ذابـح ومـذبـوح =عــدوكــم عــلى صديــقة يــنوحي
اسـقــوه فـي الـميــدان مـن سم ذرنوح =لـيلة تـشب الـنار فـوق السطوحي
والــشعر لــه باب عــلى الـناس مفتوح =مـثل الـخــيال الي بـروقة تـلـوحي
رجــــل بـليا عــقـــل عـــده بــــلا روح =لــو ترسلة يرجع مثل مــا يروحي
وحـــنا الــحروب وجـدنا هود من نوح =يحكيلنا التاريخ من عصر نوحـــي
جــنـوبنا فـــيـه الـيـزيـدي ومـســروح= وشـــمالنا لسالــمي لا تـــروحــي
ولاصبحت بين اثنين مطروح مطروح =هــجاد والا حـــولـــوها سروحــي
هذى عــبارة مــا بـهـا هــرج ومـزوح =مـــصدر خـطر لا تحسبها مزوحي
إن كـان مـالك ســد الابـــواب مصلوح =لا تــطرق الابــواب فــيها تروحي

ياباسم اركب فوق جمسً مصدر=جديد ماسجل عليه القسيمه
مصممه شايبك قدام تكبـر=خبرة دبل عشرين ماهي عقيمه
سراه من دارً عسى اقصاه يمطر=وادناه يمطر من مروح غميمه
سراه يوم موذن اليل كبر=واليوم قفى مابقى الا رميمه
كم ليلةٍ على طريق الخطر مر=وكم ليلةٍ مرت وراحت سليمه
وكم ليلةٍ حدوه باالماس الأشقر=جنود أبو فيصل عسى الله يديمه
وكم ليلةٍ عد القزاز يتكسر=لولا وقود الدوج جات الهزيمه
وانا اعترف باالذنب لاكن اتغفر=يعفو ولو حكمه عليه ايقيمه
حكامنا حمالت السيف الأبتر=يعطون حق ويرفعون الظليمه
ترى الجهل غرار والرجل لاظطر=عرض حياته للخطر والهظيمه
يقول تله لامن اليل حمر=باين سهيل وغاب كوكب نعيمه
وان كان ماويله على القاع غبر=جنب يمين السكه المستقيمه
وان شفتو انبيره على الصفر دقر=زيده وتلقى الي هنا عاملينه
مرفوع ابنصه عشر دقات واكثر=وعن نقزت الخطاف مدبول سيمه
واليوم للي فات ماعاد ننظر=الجهل راح وسار للعقل قيمه
عطنا ملابسنا ومايلزم البر=ومن وارد البلجيك هات القديمه
ليه ذواهب يم وادي تذّكر=بارقابها الاوصاف ماهي وسيمه
يازين شب النارفي وزن الابتر=والا مرد معيرضه مع رحيمه
في واديٍ توه من العشب خضر=عمره شهر والسيل قافيه ديمه
تلقى الجوازي في مثانيه خمّر=والا عطن العرق يم الحميمه
وانا على المسبار والصبح مااسفر=واختار مابين القرن الزعيمه
بمسلبٍ عاداتها قص الابهر=ان ماضامها رمايها ماتظيمه
ثارت ولن القايده دمها اشقر=منها الترايب والمناحر تهيمه
ورديتها للي بعد حسها فر=ناحر المرقاب وانا في رجيمه
وثارت والنه من يديه يتعثر=وسمعت صوت اثغاه مدري هميمه
هذا وذاك بماضي العمر نفخر=العمر فاني والليالي مقيمه

[quote=ربيع بن عريمان;1043661]

قصيده باسم (نبع جيزان )
وجهتها لشاعر الخليج :صياف بن عواد السحيمي (رحمه الله)
عــــــــــــــــام (1388 هـ)
اهدا للملتقى

لو الله ألا حـــرق الــــحب فيه=والبال من كثر الهواجيس منحاس
والقلب كأنه وسط نــــارٍ وريه =وألا كما بنٍ يقلب فـــــي محماس
لا وعـــذابك يالـــــعيون الشقية=لا وعذاب العين من قل الاوناس
أزريت فــــي خفارات ٍ وانقرية=وأزريت بالفاروع وأزريت بالفأس
ما عاد لي مجلاس وسط السرية=بسلم البندق ومــــــجموع الالباس
نــــبي نتمشى يـــــم دار عذيه =ونشوف نبتن بالوطن قبل الايباس
ممشى مـــع الغالي لونه شويه=أخير مــــن جيزان وديار الإفلاس
تكفى يابن عــــواد تلحق عليه=الحق عليه قـــــبل غوال الأنفاس
نبي نـــدور طــــــفلة ٍعسوجية=ريحه نسمها ريــح مسك ونوراس
أبو ثماني يـــوم تضحك شفيه=كأنه برد مــــزن ٍ ظواهر وغطاس
والــنهد يشدا بيضه الراعبية=مــن ماكر القرناس يأتيك قرناس
وجدايلة فـــوق الردايف ضفيه=تكسي ردوفه عن ضفيات الالباس
عطهم وأنا خابرك جزل العطيه=وان وافقوا فزنا وفزت أنت بالكأس
لــــو أعرفك بالحال تبخل عليه=ما اشرح لك إحساسي وأنا أعرفك حساس

والشاعر صياف قليل قصائد النظم إلا معي حيث قال عدة قصائد
من جملتها هذه القصيدة رد على (نبع جيزان ) عــ 88 ـــام
ويقول (رحمة اللة) :

يقــــول ابن عـــــواد جاته هديه =هديةٍ مـثل الذهـب زين الأجناس
مـــــهداه مـــــن دار ٍعلينا شويه=مـــــــن دونها الطيار تحداه الأقواس
صعبه على الرجلي وراع المطيه=كــــم واحـــــدٍ من دونها صابه نعاس
يلي بـــــطرق الحب تشكي عليه=أنا مـــنه قلبي دخــــل فــيه وســــواس
إن جيت بصبر باحت المعقليه=وان جيت بافعال سرت عرضه للأدناس
اشكه على الي يحتمون الرعيه=ربع ٍعـــــلى درب النقى تشرب الكأس
أهل الوفا وأهل الوجيه الرضيه=أهل الدلال ألي عــــلى الــــنار جلاس
يـــا ربيع أبوصيك مني وصيه=وصية ٍتقطع كــــما يـــقطع الــــــماس
أوصيك عن مشي العلوم الرديه =ترى الـــــعلوم الـــــخايبة تهدم الساس
رجل ٍبغير قياس يكثر غــــويه=وان ضاعت أفكاره عليه الــــقدم داس
وأوصيك بالطيب وخلك خويه=ترى الــردي فـي بعض الأحوال ينحاس

القصائد مسجلةعلى كاسيت بأسم: شيلات رحلة عمر اداء المنشدمفلح القحطاني

[

[quote=ربيع بن عريمان;1044739]

(طرات الروح)

لاقدحت النار والبن يحمّس=وقروم ربعي كلهم بانتظاره
مع دلتينٍ فيهن البن ماهس=القطفه الاولى نقاوة بهاره
وكبشٍ هل الناموس فوقه تنومس=كلٍ يبي مثله لياجا نهاره
وسوالفٍ لين السويبع تنكس=ومن له شوير بكلمته ماستشاره
ودارت سوالفهم على طيب الانفس=كلٍ سرى مبسوط واخذ قراره
هذي طرات الروح قدام تيبس=قبل الحصاد وقبل وقت انكساره
يوم الردي عن واجب الظيف يندس=وان خلفو يسرع للحس السواره
وان شاهد الخطار من مجلسه نس=وراح يتمشى في نحر بيت جاره
حتى يحول نظرهم ويتلسلس=حصني ودمه وصفته دم فاره
وجداه ليت الطيب ملبوس يلبس=حتى نعرف النذل من دون اشاره
مثل الفهد والنمر والذيب والبس=ويصير للأنسان نفس العباره
مااقول انا لطيب رجلٍ مهندس=قسمي مع اهل الطيب مثل الشراره
اعوم في بحر المثل ماتطفس=أرشد بها نفسي ومن له انظاره
ياخالد ابوصيك وابغاك تحتس=ترى النذاله عيب ماهي شطاره
لاتجالس الانذال باالهرج تفرس=ترى ضعاف الهرج منه المراره
ناظر شرار النار وشلون يقبس=اكبر حريقه من ضعيف شراره
لو ثوبك ابيض مجلس النذل يدنس=ون ردت الاخبار قالو خساره
جالس ثلاثه رجال ماقول لك بس=يمكن وراهم مثلهم فالاداره
الاول الي لو هبا الدهر ماهس=معشي الخطار لو بالاعاره
صينيته دايم من الحيل تدمس=وكم مرةٍ تغصب بشط الحواره
مع دلتينٍ نارهم دوم تقبّس=ومن تاه تال اليل شاهد شعاره
والثاني الي لشجاعه مدرّس=لجا نهار مولع ابليس ناره
كفه يدوس الي له ابليس وسوس=يرخص بروحه دون ربعه وداره
اسبابها الهزلا الوجيه المنحس=وعود شقاها للفهد والنماره
والثالث الي للخطا مايترمس=عقله كبير وهرجته باختصاره
له كلمةٍ تطلق جميع المحبس= وان عمست الاريا عود لشاره
ولاتابع الدنيا تشيب وتعمس=حاول تسير كل وقت بمساره
دنياك هذي من تبع رايها افلس=بالفكر ولا في مجال التجاره

[/

يامرحبا ترحيب بالي لنا جو=بشيوخ يام الي على حرب جوا
جونا على حسب النسب ماتخلو=مع خالهم غزاي ماقصروا
يامرحبا عداد ماهل من نو=ودلت هماليله وخيل ونوا
على الدلال الي تقدم على ضو=من كف شخمومَ على الكيف سوا
وانكرر الترحيب بالي تلافو=من بعد ولا من قريُب لفوا
ناظر على الأبطال وشلون سوو=شوف البطل راكان وشلون سوا
راكان كان يخاطب الطير فالجو=ياطير انا من يام ربعي هلوا
الروم والاتراك بالفعل شهدو=وقالو من ابطال العرب وشهدوا
من ماضي الايام ونعدها تو=نفخربها ونعدها اليوم توا
وشيوخهم فوق الكواكب تعلو=طيب وكرم مافيه مثله علُوا
وقطعاهنم يرعن نفدٍ ورى جو=ويردٍ نقعن فوقه الذيب عوا
عدو عينك خلفها لاتعزوو=وكثر الصياح وكثر صوت العزوا
طريحهم عليه ربعه تباكو=وعليه ترفات الصبايا بكوا
وايمانهم توجع وتشبع ليا اعطو=وليا عطو يعطون ماحسبوا
وحنا الحروب الي على المجد عدو=تاريخنا فيه الدول ماجهلوا
وحنا الحروب ان كان للحرب نادو=وثار الرصاص الي على القلب دوا
وحنا الحروب ان كان للحرب سمو=عز الصديق ولانصادق عدُوا
وحنا الحروب ان درهم الجيش ردو=ردن يظيع الي له ابليس غوا
وربعي سحيم ان كان للموت وردو=نارد حياض الموت ورد الضموا
وربعي سحيم ان قفل الباب فكو=طيب وكرم بابين مايقفلوا
كل الرجال بحقها ترفع الضو=ومن لايقدم ضو ماشاف ضوا
لافاتت الايام ماينفعك لو=ماينفع الرجال ليتن ولوا
راح الزمان الي بهاقول تكفو=واليوم عاش الي بحكمه كفوا

هذه قصيده قديمه والابيات تعبر عن محتواها

(على هوى الجليس)

طلال بالله قرب الهاف ليه=وعب التوانك شرط من شيشة ادريس
هاف جديد ولا عليه الحنيه=تلقاه بالرصه خلاف الاتابيس
شوف المهندس شرقي الناصريه=افحص عليه وعلمه باالحواسيس
من الكويت مروحينه عشيه=عليه من شكل القريفل ملاميس
مغلق التمرين فى القادسيه=امرنه مشعان ولا كديميس
دقة سوشته تقل حس برديه=مثل الرعد في عرض مزنن غواطيس
لا عطاله سهلتن جرهديه=حذف الحصى طلقات عقب النواديس
لعلم انبيره على رقم ميه= سكر قزاز الباب عن النسانيس
وخل القصيم يمين وانصى الحويه=وسيس محل البدو يالقرم تسييس
اهل الدلال مقدمين التحيه= من قبل تقلط بنهم فالمحاميس
ابنحر المجمول رادع شفيه=اضني ادله عن كثير الهواجيس
هذي ثمان اسنين بالعسكريه= اقدامنا طلقه وحنا محابيس

قصيده قديمه تعبر عن محتواها

لا راح وقت الصيف ماعاد به حر = كلن يبي يلبس على ما يورا
حتى عشا الخطار شرهبه الذر = على فطاح الحيل قام يتجرا
ياهيه ياللي كالدجاج المحمر = لاصق بحيد الباب كنك مغرا
والي بحيد الضلع صوته مطور= يقرب ولاشاف المسايير فرا
بالعون ما من صوتك الضلع تأثر= قصير عمر ولا أدبح اليل سرا
خلك تعشى من ايدين المكسر= تراكت الواجب وجيه المغرا
والله لولا فزعت سنيد وعمر =غير يتعشى الذيب داخل وبرا
السالفه ماهي على ما تصور= سار العميل من العميل يتبرا
احدٍ حسبها لبس دقلات وغتر = واحدٍ من أفعال النشامى معرا
فازوا بها قوم النفوس المسطر= قوم ٍ تعرف الحبل على المجرا
مثل الهوا يومٍ ويــــومٍ يسكر =وان هب مالك عن مهبه مفرا
والي حصله ريح مسكٍ وعنبر =لا يسأل الأموات وين المقرا

هذه القصيدة بمناسبة حفل قبيلة السحمان في الصويدرة من ضواحي المدينة ( ناركم حيه )
على شرف صاحب السمو أمير منطقة المدينة الأمير / عبد العزيز بن ماجد حفظه الله

يا مــرحبا في حفل من شبو النار=يا أمير طيبة وأمطري يا مخيلة
ترحيبتن تبقى مع الوقت تذكـــار =بإسم الأهل ولسان شاعر قبيلة
ترحيب بالحضار من كل الأقطار = على شرف راع العطايا الجزيلة
على الدلال اللي بها بن وبـــهار = مــن واقع التاريخ ماهي وسيلة
وان قلت أنا يا أمير لدو بالأنظار= يـــوجد طلب يا أمير وأنت كفيلة
ارفـــع تهانينا عبر بث الأقــــمار= للـــقــــايد اللي كــلــنا ننـــتميله
على سلامة سيد الشعب سلطان= عــــضيده الأيمن وحام الــثقيلة
وأيضا نهنيكم مع طوال الأعمار=شكر وثـــناء لله راع الفــــضيله
ونهني الجيش السعودي بالأنصار=درع الوطن والله يرحـــــم قتيله
ويعيش ابــــــو متعب لقال ياجار= ترى مصير الـــغدر غــير الفشيله
ومن بعدها يا شعب ياجيشنا الدار=من دون شبر الدم يدرج مسيله
وحنا سعــــوديين والــــــدم فوار=نـــرجح المكــــــيال للي يكـــيله
وحنا لنا قايــد مــلك سيف بـــتار= مــــثل الجبال النايفات الــطويلة
غابة اسود ومنه يجرن الأنـــهار=كــــــل الخصال الـــوافيه تنتميله
ينصح هلا الأشرار في قصر الأشرار=ويسمح خطايا أهل الخطايا المهيله
وان زادت الكيله وثار الدخن ثار= مــــثل الجبل للــــمعتدي يرتكيله
والشعب له في منزل الوالد البار=وزود منه في حـــمايته وتحميله
هتاف خيره مثل هتاف الأمـــطار= اللي مـــنه تحـــيا الديار المحيله
معيار حــــــبه ما يســـاويه معيار=نــــفوس تهتفبه وقـــلب يـــشيله
وحنا عرب من حقنا وسع الأنظار=ومن حقنا نجري ورا المستحيلة
وان كــــــان ردينا يجي ردنا حار=يــزعل الجاني ويـــــزعل قبيلة
فالأرض دبابة وفالـــجو طــــــيار=والــبحر فــيه البارجه والزميلة
يعمل عليها من يدوسون الأخطار=ويسعون له سعي العميل لعميله
دون الوطن ماهو مجازف بالأعمار=إما يجـــيك الـــموت وألا تجيله
والنقرضة والـــحفر معروف للفار=دايم بــحيد الساس يــدفن نثيله
ونهايته مــــن يوم يطلع من الغار=فالمصيدة مـــعــــاد بيديه حيله
ولا نتابع الغلطة ولا نقبل الـــــعار=وراع الدليل نضيعه مــن دليلة
واللي حسبها في يده نص مشوار=جت بالحسام وبالسيوف الصقيلة
من وقتها وأحرار من ماكر أحرار=وماراح منها عاضنا الله بديله
يا سيدي ماهــــــو مبالغ بالأشعار=مــا قلت من تاريخنا إلا قليلة

قال لي الاخ / شداد سليمان الجهني مارايك في زيارة صديقنا إبراهيم
وتكاليف السفرة على حسابي وهنا فاضت قريحتي بالأبيات التاليه
اتمنى ان تنال اعجابكم ...

ياراكب اللي سايقه مثل شداد=لاراح تالي الليل والياه ساري
جميع ما تبغاه جاهز من الزاد=ضو القمر قدمك وخلفك غداري
من المدينه عابر الخط منقاد= يمين لا عقبت ستة كبــــاري
في هجرة الشلاح وأولاد عباد= تاريخهم ماهو من الطيب عاري
به شايب وده على القلب يزداد= قله وصل شداد وانا المباري
زيادة الطيب لها طيب وإبعاد =والطيب له بين النشامى مواري
واللاش من ذكره يقولون لاعاد=تسمع كثير السب لاحل طاري