مجاراه للشاعر القدير فايز البشري

مجاراه للشاعر القدير فايز البشري

من خلال تصفحي لملتقى القوافي
اعجبتني قصيدة اخونا فايز البشري


ياصـيـدلـي كـثــر حــبــوب الـبـنــدول
مــن تـالـي الايــام بـالــراس صـالــب
اسمع واشوف وكثرة الهرج معسول
وكــم حــق راح ولاذكـرلــه مـطـالـب
يمـدح بهـا فاسـد ويثنـا علـى اخبـول
وعـلـى الخـيـال يفـصـلـون الـقـوالـب
لـنـاس غـايـات ومـزاجـات وعـقــول
ولالــي بمـغتـلـوب ٍ ولالـــي بـغـالـب
كـم راس فالضيقـات يصيـر مشـلـول
عـن السنـع يضـرب طريـق المثـالـب
مانـي مـن الــي لابـلـش قــال يـحـول
لـسـبـع نـــاب ولـلـجــوارح مـخـالــب
ولاجـبـت لـي بيـت ٍ بمعـنـاه مـفـتـول
مـاورد المـوجـب عـلـى خــط سـالـب
مـانـي مقاطـرهـا كــم دقــت اطـبــول
يالي تشوف الديـس شـوف المحالـب
فايزموسى البشري

صح السانك مليون يافايز

وهذه مجاراتي المتواضعه ارجو ان تنال
اعجابكم

هـذا الصحـيـح وكـل ماقـلـت معـقـول
والماء ركـوده من نصـيب الطحـالب
والـوقـت غـيّـب له صـناديد وزحـول
مجهـودهــم يـفـتـح قـــوي الـلّـوالـب
دنـيا كـفـا الله شــرّها هــولـها هــول
يـامـا بغـيـب احـثـولـها مـن مـقـالـب
باسواقها نمشي مع العرض والطول
ناسٍ تـكــسّـب واكـثر الـناس جـالـب
والذيـب جايع مالـقى عـظـم هـرمـول
فـريسـته تـسـبـق عـليـهـا الثـعــالـب
والكـل لاهـي باالمعـيـشـه ومشـغـول
والــعــلـم يــبـغـالـه معــلّـم وطـالــب
ون قلت ومن ماقلت ون جيت اباقول
مع صـك معـسر ماتـجـيب المطـالـب
والصبر مـر وغـيـب الايّام مجـهــول
وامـر الله الوالي عـلى الناس غـالـب
التوقيع مساعد الجليدي

وش اقول الله الله
على البداع الرائه من الثنين
ترجمه ذهبيه يعطيكم العافيه
لكم مني الشكر والحترام

صحت السنتكم
وبيض الله وجيهم
قصايد رايعة

الشاعر
مساعد الجليدي
صح لسانك وعتلا شانك على المجاراه
لشاعر فايز البشري
الله يبيض وجيهكم

بسم الله الرحمن الرحيم
الشاعر القدير مساعد الجليدي صح الله لسانك الله يبيض وجهك
ومجاراتك تشرفني فانت شاعر جزل ومجاراتك جزله
لك مني احجمل تحيه

	المشاركة الأصلية كتبت بواسطة ابوراشد

	وش اقول الله الله على البداع الرائه من الثنين ترجمه ذهبيه يعطيكم العافيه لكم مني الشكر والحترام

كل الشكر والتقدير لك على مرورك المشرّف
وكل عام ونت بخير وسعاده

صحت السنتكم
والله يـعـطـيـكم الـعـافيـــــــــــة
بيض الله وجيهكم

قرأت قصيدتين قل وجودهما في هذا الوقت

صحت مشاعركم ودام بوحكم

دمتم لنا،،،

صحت الالسن
وبيض الله وجيهكم
قمة الروعه والجمال
تقبلوا خالص الود

مساعد الجليدي فايز البشري

زانت الاولى بالثانيه وزانت الثانيه بالاولى

قصيدتين رجحن كفة الميزان من شعراء كبار...

لكما اعجابي وتقديري...