الشاعر / سعود بن صالح الحصني

	الشاعر / سعود بن صالح الحصني البيت عقب الكار للضين منصوب=للضين عود يابو صالح اضلالي بيت الشعر من عقب ما هو بمرغوب=اصبح كما فيٍ عقب طال زالي اقفى زمانه وقفت الشمس بغروب=ولا عاد باقي له على الارض تالي شرايده تلقاه بالسوق مجلوب=من عقب كاره دوروبه ريالي وجو الحضاره صار للناس عذروب=نسيو مساكن طيبين الرجالي يا ربع انا قلبي مع البيت مشغوب=أنا أشهد إنه نال كل الجمالي أول جماله شوفت الضو مشبوب=والنجر قدمك خلف صفر الدلالي هذي لها عندي مقاييس وسلوب=وتزين كان الجو جابه اخيالي بيت الشعر عندي فلا هو بمغلوب=يا زين شوفه بالطويله يلالي بيت الشعر زينه كما زين رعبوب=ما خبلك ياللي ناصبه للحلالي وعشنا بيت الشعر وبيت مصبوب=في ذمتي ماذا لهذا يحالي ويلومني من طاح بالببس والروب=خبلٍ بليدٍ من نبا العرف خالي

سعود الحصني


صح لسانك و بيض الله وجهك

أولا أهلا وسهلا بالشاعر المعروف سعود بن صالح الحصني وشرفتنا وأنت بين أخوتك نتمنى الا تبخل علينا بما تمتلكه .

صح لسانك يابو صالح
وهذه القصيدة الجميله سمعتها منذ سنوات على ماأذكر ولازلت أحفظ بعض منها .
الإبداع لابد أن يبقى منه شيء في الذاكره

يسلام صح السان شاعرهاهههههههههههه

وعشنا بيت الشعر وبيت مصبـوب
فـي ذمتـي مـاذا لهـذا يحالـي
ويلومني من طاح بالببس والـروب
خبلٍ بليدٍ مـن نبـا العـرف خالـي

الله الله

عزالله انك صدقت

حياك الله ياسعود وصح لسانك مدد بلا عدد

قصيدة وافية وجزلة الله يبيض وجهك

دمت بخير

صح لسانك اخوي
و احنا في انتظار مثيلات لها
دمت في حفظ الرحمن

صح لسانك ..
..
أسجل اعجابي بالقصيدة
..
ويعطيك العافيه ..

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسااانك وقلبك

مبدع لله درك

دمت بوود