(القى قصائد هزيله وادعى انها بينه وبين شعراء من حرب)

قصيدة فخركنت في مجلس للشعر فظهر من بينهم شاعر ألقى قصائد هزيلة وأدعى
أنها كانت بينه وبين شعراء من حرب مع العلم انه تبين أن أعيان قبيلته خوالهم حرب
حسب كلامه فقمت بإعداد هذه القصيدة اخبره فيها عن عادات حرب وتقاليدها وهي
موجهه لكل من لايعرف شي عن هذه القبيله ويقول ملا يفعل.

(حنا الحروب)

اسمع نصيحة قالها ابن عريمان =للشاعر اللي كلمته مااختصرها
كلمة هزيلة من ظليمه لبهتان=من واحدٍ ليته بصدره ذخرها
لاتبحث الماضي ولاطق بيبان=تفتح عليك أبواب خافي سررها
الشجرة الزينه لها ظل وأغصان = في ظلها راحة وريح لثـــمرهـا
والشجرة المرة لـو العود ريان= كالحنظلة معروفةٍ من مررهـا
تميدحون بهرج لاجا ولاكان=يامروجت عند المكوي غترهــا
حنا الحروب وكل هرجه ببرهان= ومن لاهرج باالصدق نفسه عثرها
تاريخنا ماهو سواليف ورعان=ولاهي مثايل بالمسلسل صورها
تاريخنا معروف من ماضي الازمان=ماهي سوالف توها ونحضرها
يوم الزمان اللي به الذيب شبـعان=والثعلبة وأم الجحر في جحرها
خوينا له مرقدٍ فوق الامتان=في يوم فيه العين يقصر نظرهـا
ودخيلنا يرقد من الخوف بأمان=والضيق يقلط فوق واسع سفرها
وجيرانا في الدار يااعز جيـران=تكرم ويكرم جارها من كرمــها
وان جاء نهـارً فيه لابليس دخان=نقدم على الفتنه ونعرف ضررها
حنـا وراع الشر بالشر صدقان=رووسً تهاب ورووس نعرف سطرها
وديارنا فيها الخطر حيث ماكــان=مصدر خطر تخشى العدا من خطرها
من الساحل الشرقي ألى غرب ورقان=ظلعً مشاهير الدير في ديرهـا
ضلعً يعدونه طويلين الأيمان=ومن لف حوله ديرته ماغدرهـا
مرقاب للوكري ومدهل لسرحان=أن ماشفتها بالعين قصيــت أثرهـا
كم زارنا طامع وكم راح خسران=وكم عين هلت من أيدينا عبرها
جانا النذير وقالوا الصبح ميـــدان= وكم طاح في حفره لغيره حفرها
وجونا صلاة الفجر والصبح مابان=يبون خلفــاتٍ مقبع وبرهـــا
وقلنا عدايلنا وقالوا خبر كان=لو فــرت دنيا غلام وفرهـــــا
وملنـــالهم في واديٍ بين ظلعان=سحابةٍ ترعد ويمطر مطرهـــا
سار النهار اللي به إبليس عطشان = ماسبهم غزوه ولا الله نصرهـا
هذي ورثناها من أجداد شيبان =تحدثوا في سرها عن جهرهــا
لاعاد لك مع نايد الـنـاس عربان = دنياك ماترحم لاحطت وزرهـا

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صـــــــــــــــــح السانــــــــــك يابو نمر
الله يعافيك

صح لسااااانك بارك الله فيك

صح لسانك


قصيده رائعه

لاهنت وصح السانك

تقبل التقدير والاحترام

وفقك الله

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي

صح لسانك يابونمر والله يعطيك العافيه

ومن قال سالم و غانم

صح الله لسانك