الشاعر علي هليل الحربي والشاعر مسعد الوسيدي

سلام رديه على الحضار من راع الحفر=رديةً مثل النجوم اللي علينا ضاهره
ابن هليل مشرف المجلس وريس مْتمر=علية يستقبل زميلة في مقر الدايره
وابك البقى يالي تسلم عد ما شيف القمر=واعداد من عينه تساهر للنجوم الساهره
ما تلحق الشكات يامسعد بعيدين النظـر=والصحبه الي مالها سيسان دايم بايـره
الشك زايل بيننا وانته حزامي بالظهر=يابن هليل هاتها كابتن تقود الطايره
انته وانا ياصاحبي بين السلامه والخطر=ماظنتي بغداد تسقط لو تقوم القاهره
من سيَد الأخلاق يامسعد تعلمنا الصبـر=والي يقود الطايره يعرف مسار الباخره
بين السلامه والخطر تهليله وموتٍ حمر=الله يعز اهل الحميَـه والنواياالطاهـره
انا لقيت المشكله مابين ابو زيد وعمر=كلً على الاخر يبى ميل الحمول الجايره
تراي لي قصد قريب لاتعديها قطر=المشكله بين الثلاثه والثلاثه ثايره
اليا لقيت الي يدوَر للمشاكـل والقشـر=خله يروَح في سبيله لا تثـور الثايـره
ما كل هرجه يالبناخي تستحق امر النشر=بعض السوالف نعتبرها يالبناخي عابره
هذي حقيقه مثبته بالمبتدا قبل الخبر=راعى الخطا لابد حنا في خطاه نجاهره
كلً يقول انه زعيم قريش في سر وجهر=لكن بعد الحر ماشفنا حرارً شاهره
الناس يابن الناس ما يخفي ثوابتها بشر=لو يزعل الي يلعب الكنكان ولاَ الباصـره
راع الزعامه يوم سيق شعيل متبوع الاثر=مالك ومال الي عيونه فـالاوادم طايـره
اشعيل مات ولابقي بقريش شخص معتبر=لو يزعلون اهل الزعامه فالحقيقه صايره
احداً طلع فوق الجبل واحداً بقى ينزل حدر=ياليت فيهم من يجيب العمله اللي زاهره
الشوك للي يقطف الازهار في ساق الزهـر=ودورة كريات الدمى بالحيل صـارت فايـره
كل الدعاوي يالوسيدي تنجزى حسب الضرر=والعمله الي سعرها مجهول عملـه نـادره
اعقولنامتنورة وقلوبنامثل الحجر=ماجيت يمك محتدي ونا عزومي خايرة
قلت الحقيقة والحقية مابها خمس وعشر=وابن هليل مجتهد يبا يرد النايرة
ما قول فيك قصور والرجل الذكي علة نحر=في حال ولاَ حال يامسعد مانيـب مسايـره
الجندي الي ياخذ التعميد من ضابط خفـر=يحسب حساب الاوله والثانيـه والعاشـره
ترى ا شجيع اليا اعتزى داس الخطرتحت الكفر=مار الشرود اللي تروع من صفيرالصا فره
اسل سيفي ورفعة وقول ياالله النصر=تنصر عبادن مومنه على عبادن كافره
من سالفة عنتر خذينـا ياولـد كـل العبـر=وجرح المهند ما يطيب ليا وقع فالخاصـره
السيف ردَه في جفيره والكلام ادهى وامـر=ومن يدحم جبال السراه يشيل ضلع الخاصره
عنتر عليكم لضهريبى يشهدله منحضر=تشهدله الشعارمن غير الرجال الزايره
يااسايق المتهور احذرلاتوقع فالحفر=ماكل من ساق الدداسن سايقن اللقاطره
العلم بحلان بزكام الطير وجنون البقر=وعلاجها يحتاج مع علم الطبيب مثابره
الجرح والتعديل ياراو الحديث المعتبر=تنقى مضامين الحديث الي جياده عاثره
اقول بنك اسويسرى يشكي خساره مع فقر=وانته تقول ان اتجاره وصرافه عامره
الجرح يبرى والوسيدي مايضيق ابه الصدر=لوتنكسررجل المطيه بذن ربي جابره
الهرج واجد والفوايد بالمفيد المختصـر=حاول تحب الكوع وتعوَض قصور الذاكره
الي كسر رجل المطيه جعل رجله للكسر=لكن وين الي يشوف الوارده والصـادره
مايسبح السباح لين يذوق قرطوع البحر=حاول تراجع بدفاتر والسنين القابره
كم كاتبن يكتب ويقرى والبدايه من صفر=وصبح مثل ضو القمرمع النجوم السايره
اشرك مع القرطوع يامسعد قراطيع النهر=حتى تصير علوم قلبـك كلبوهـا خاثـره
اكبر مصيبه كان صار المبصر يقوده عور=في ذمتي ماعاد يلقى له وظيفـه شاغـره
حنا رياجيلن رجولتنا على عز وفخر=وليا سبحنا بالبحر نسبح سباحه ماهره
كان العور ميل اعقالة جاك بالجمس الشفر=ولايقبل الا في مناصب في مكانه فاخره
لاصرت ماهر بالسباحه ليه ما جبت الدرر=وانا عطيتك من كنوز البحر دره ساحـره
من طيب قلبك ما تعزف الاَ على ذاك الوتر=عساك تلقى ما يناسب موهبتك الزاخـره
اللي تبى ماجود عندي وانت مالك من مفر=اسمرمعي اسمرمعي مع الرجال السامره
ابن هليل كنت احسبه محترم قلبه خضر=واثره يلفلف لفلفه فيه المشاعرحايره

صحت السنتهم وبيض الله وجهك على النقل

ألف شكر على المحاوره
بارك الله فيك
يعطيك العافيه ...
تحياتي .

الله يـعـطـيـك الـعـافيـــــــــــة

بيض الله وجهك

صحت السنتكم

وبيض الله وجيهكم

الله يـعـطـيـك الـعـافيـــــــــــة

بيض الله وجهك

الله يـعـطـيـك الـعـافيـــــــــــة

ألف شكر على المحاوره

مشكور على النقل يعطيك العافيه

وصح الله السنة الشعار وبيض الله وجيههم

تقبل تحياتي

ودمتم بخير

صحت السنتكم

وبيض الله وجيهكم