حمدا لله على السلامة (بمناسبة رجوع ولي العهد سالما الى ارض الوطن )

	سلطان الخير حمدا لله على السلامة شعر /سعد بن جبر الجحدلي الحربي امطرت في ثول بقدومك سحابه= وانبتت بسمه على الأرض الحزينه عدت عادت للبلد كل المهابه = اطمأن الشعب .. عمته السكينه هو ولي العهد غابت مع غيابه = فرحة العيدين , واختلفت سنينه يوم غاب ودِمْعت اعيون الـ -مصابه =جات شمس المجد تسال عنه وينه كل صوت(ن) ما لصوت العز يشابه = وكل عينٍ فدوةٍ لرموش عينه ذا ولي العهد يا حاسب حسابه = في قساة الوقت معروفِه ولينه شال شعبه في يدينه وارتقا به = مثل ما شال البحر حمل السفينه عاد عادت للبلد فرحة شبابه = يوم عايدهم بتأشيرة يدينه الرياض ابتهجت ابحضرة جنابه = وانتشت مكة ولحقتها المدينه يا ملون بالكرم صفحة كتابه = ما درت يسراه ما تنفق يمينه طيب شعبه بعض من فضلة طيابه = بالمعزة والفخر رافع جبينه كل راسٍ شال له تاجٍ زهى به = غير راسك كان للتيجان زينه من هو اللي صارت العليا ثيابه = غير من هو صارت الامجاد دينه الله اللي ما يخيب اللي لجابه = اسجدوا له شكر ياللي عابدينه حمد يومن رَجّعه سالم وجابه = سجدتين الشكر حق لشاكرينه