ياحمامة من الأغصان طـــيري

ياحمامة من الأغصان طـــيري

ياحمامة من الأغصان طـــيري = قبل أنادي بصوتي ياحمامــه
رفرفي بالحرير ابن الحـريري = ناعم الريش مجهول العلامه
اقطفي كل زملوقٍ خضـــــيري = قبل ليل الدجى يضفي ضلامه
الشجر دوح والمارد غـديـري = والمطر وسم والدار أليمامه
ون صفا لك زمان الخير سـيري = في ربى نجد والا في تهامه
كل ماهب نسناس العصـــير ي = مر فيها الهوى يسحب خطامه
هزها العصر وأطراف الهجيري = واخضرٍ يشرب ألماء من غمامـــه
ياحياةٍ بها صاح النذيري = ياحياة المغرّة والندامه
ماتحن الضعيف المستجيري = ولا تحشم الكريم من الملامه
كم عشيرٍ فقد فيها العشيري = عقب عهد الفرح والأبتسامه

نافع الحربي

صح لسانك ملايين يا ابو بدر

قصيده رائعه وفي غاية الجمال

بيض الله وجهكـ

صح لسانك وبيض الله وجهك على هذه القصيدة الجميلة

لك خالص التقدير

رفيع المقام \ فواز الزويهري \ مرحبا فيكم
يسعدني ويشرفني مروركم وتعليقكم لاهنتم :

صح لسانك
ابيات رائعة من شاعر رائع
لك خالص حبي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

عبدالله الفريدي \ وعقيد الخيل \مرحبا فيكم
يسعدني ويشرفني مروركم وتعليقكم لاهنتم :

صح لسانك وبيض الله وجهك
قصيده جزله ووافيه من وافي
لك كل التقدير

هلابك يابو عادل وجهك ابيض شكرالك
أسعدني مرورك وتعليقك لاهنت :

يانافع صح لسانك وعلا شانك انت رائع