( مهم جداً بمناسبة شهر رمضان المبارك)

بسم الله الرحمن الرحيم
الأخوه الأعزاء
في ملتقى حرب
اهدي لكم هذه القصيده المتواضعه
بمناسبة شهر رمضان المبارك
وأسأل الله العلي القدير
ان يجعلنا من صيامه وقيامه
وأن يرزقنا العتق من النار

به ضيف ناصيكم قريبه حراويه = ضيف ٍ كريم وزاد بالخير جوده
ملزوم يابن ادم ترحب وتقريه = كبش الذنوب اللي متينه عضوده
سكين توبه في يدينك تذكيه = وبالحمد والتهليل تصلخ جلوده
ثم قسمه بقدور مذنب وغطيه = والنار من صدرك تكثر وقوده
وافرد سفر في ليلة القدر عشيه = تلقى عواقبها تجيك محموده
واليا سرا في ليلة العيد تبكيه = واطلب من الله كل عام ٍ يعوده
ضيف السعد والخير حذرك تخليه = شهر العتق والمغفره والمفوده
اللي به الشيطان مخزي واهاليه = مصفّده فيها الحبال معقوده
هذي نصيحة شخص صاين مباديه = والعاقل اللي مايربّح حسوده
والاجر مادوره من الناس وارجيه = القاه عند اللي تسبح رعوده

الشاعر/ خالد بن عبيد بن معتوق الأحمدي

ابيات من ذهب ماشاء الله تبارك الله ...

ماهي غريبه على صقر المراقيب ...

تحياتي ..

اخوي الشاعر الكبير / نايف الحبلاني
مشكور على مرورك
الذي اتشرف به

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صقر المراقيب الله الله يحيي الضيف ويبيض وجهك

حيا الله صقر المراقيب وصح لسانه وحياالله شهر العتق من النار
وكل عام وانت والجميع بصحه وعافيه
اعاده الله على المسلمين اعوام عديده وازمنه مديده
بيض الله وجهك على هذا النهج وهذا التذكير الذي تضمنته قصيدتك الرائعه
لك ودي وتقديري

اللهم بارك لنا في شعبان وبلغنا رمضان

صح اللسانك والقصائد القديمة تتجدد عندما تكون ذات مناسبات عزيزة على قلوبنا

كهذه المناسبة

لك كل الشكر والتقدير يابو عبيد

ودائما متألق في كل المناسبات

الحب الباقي
الف شكر لك

اخوي /
سعد المحمدي
صح بدنك ووجهك ابيض
يابن العم

ابو عادل
الف شكر لك