عيّرتني بالبـــدو بنــت الحضــــــــاره !!!

السلام عليكم ورحمة الله وبركاته

رواد هذا الصرح الجميل أتشرف بمشاركتي إياكم في هذا المنبر

وأشكر الشاعره / النرجسيه على دعوتها

واطرح هذه القصيده لعلها تنال على جزء من ذوقكم الرفيع

عام الأول ولّعت بالقلـب غيـره =من سبايب ناقصه عـز وطهـاره
عيّرتنـي لا وتحسبهـا معيـره =عيّرتني بالبـدو بنـت الحضـاره
ما بغيت أسل سيفي من جفيـره =لين جتنـي ثـم قالـت هالعبـاره
قالت إن أبوك بالصحراء مصيره =راعي ٍ للضين في عـز الحـراره
والله إن الصمت عن قولك كبيره =لكن إن الذم فـي مثلـك خسـاره
من يعيب الناس وعيوبه كثيـره =غير شخص ٍ ما خذ الغيبه تجـاره
برفع البيضا لبوي ابكـل ديـره =وألطم أوجيـه الخيابـا والقـذاره
اجودي ٍ سنّـة الهـادي مسيـره =قايم ٍ بالليل صايـم فـي نهـاره
ما ثناه القيض عن واجب قصيره =ما يمدّ إلا الجزيلـه مـن خيـاره
مستشار وصادق ٍ من يستشيـره =واثق الخطوه وواثق مـن قـراره
الزيازيم الخضارم لـه عشيـره =كاسبين المدح في فعـل الشطـاره
ذايعين الصيت في شبه الجزيـره =بالكرم والطيب ما هو بالطـراره
الاخيـره دايـم ٍ تبقـى أخيـره =بالحضيض أنتي وحنا بالصـداره
من بلاد الترك جيتي يا صغيره =واللبيـب الحـر تكفيـه الإشـاره
والمعيره كان قصدك بالمعيـره =من عيونه ما غفت عن عار جاره
والمعيره كان قصدك بالمعيـره =من بلغ خمسين ويجـرّ الزقـاره