المصافحه الأولى

السيل سال وسيّل امشـــار بالصــــــيف= وازدادوا الحضارفي وادي امشـــــــار
لحا الشعيب أحجار وأشجار وارصيف =في جو عاصف والسماء تمطر أمطـــار
في ساعة وتاريخ وسط العواصـــــيف= اختلفت الأقــــدار وش صار وش صــار
يوم الثلوث العصر قدم الملأ شـــــيف= يم الشـعـيـب الجـيب حول من القــــــــار
سواقه من الهول ماحتال تصريــــــف= مع زوجته بالجيب تفـكـيـــره انــهـــــــــار
قام الشعيب يحرف الجيب تحــــــريف= أخلف مســـاراتـه من ايمـيـن ويســــــار
خافوا جموع الناس من مشهد امخــــيف= أرعب قلوب مشاهــد ينـه ياســــــتــــــار
يوم الله أنجاهم فزع يمــــهم (سيـــــــف) = يـارد حـيــاض الموت ماهــاب الأخطار
فزع ولد فدعــــــوس مــــاهي سواليف= جـوّد عـريب الخـال يد بنت الأحــــــرار
جاهم بلا سترة نجــــــاه ومجـــــــاديف= سحبهم التيار قـــــــــــــدام الأنضــــــار
ولا انسى (رشيد) القرم راع المعــاريف= ساهم وساند (سيف) بصـــرار وصـرار
وثـالثهــم اللي هـمـتـه بالمــــــــــشاريف= (عمر)يشـاركهــم علـى دربـهـم ســــــــار
(عمر)(رشيد)(وسيف) فازوا بتشــريف= من خــادم البـيـتـيـن ابو متعب البـــــــار
خذوا وســام العـود رجــــل المـواقـيف= عبدالعزيزموحّد الشـــــــعب والــــدار
وأمر ولي العهد بأربـــع مـظــــاريف= ترسل عليهم نقد حــــــــافز ومـقـــدار
وأعـلـن ولد نايف على الفور توظــيـف= مع ترقيه شفنا خبرهــــــا باالأخــبـار
هـاذي حكومتنا مــــــاتحـتـاج تـعـريف= تاقـف بصـف الشـعب وتحب الأخيار
يذكرهم التـاريـخ تحـفـظ بالأرشــيــف= أفـعــالهـم تشــهد لها كـل الأقطـــــار
ســلام يـابـلادي مــن الســيف للســـيف= دار الســــعود اللي عطوا سر وجهار
اللي ورى نجران واللي ورى طـــريف= جـــاهم خـبــر عاجل تناقله الأقمـــار
من حـــائل اللي تـنـحــر النـوق للضيف= وتقدم المـعـــروف واتـكــرّم الجـــــار
غـــيــر العلوم الغــانـمـة والشــحم كيف= البـن الأشـقــر بالبغـاديــد وابهـــــــار
ماحـســبـوا فـي صــادرات المـصاريف= أصـــدورهم تاســـع على الطيب زوّار
قـلتـه وأنا تـكــرم بـيـوتــي عـن الـزيف= هيضني اللي صار في وادي امـشار

تكرم بيوتك وتكرم لحيتك ياسعود وصح لسانك
قصيدة وافية من شاعر متمكن
وانتهز الفرصة الثمينة وارحب بك اجمل ترحيب وياهلا يابو عبدالله شرفنا تواجدك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسااااااااااااااااااااااااااااااانك ملايييييييييييييييييين
وهم يستاهلون من قدم يلقى وش قدم
وانت بيّض الله وجهك انا أشهد انك ماتغط النور
لك مودتي وإحترامي

	المشاركة الأصلية كتبت بواسطة عبدالله الفريدي

	تكرم بيوتك وتكرم لحيتك ياسعود وصح لسانك قصيدة وافية من شاعر متمكن وانتهز الفرصة الثمينة وارحب بك اجمل ترحيب وياهلا يابو عبدالله شرفنا تواجدك

هلابك ياابوزياد
شاعر قدير وصديق عزيز..
لاهنت على الترحيب والتعريف
دائماً وافي وسباق للعلم الغانم..

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك وبيض الله وجهك

وهم يستاهلون كل علم غانم هؤلاء الابطال

يعطيك ربي العافيه

لاتحرمنا من مشاركتك

دمت بود

	صح الله لسانك ولاهنت وسلم فكرك وبنانك دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك مليار على التعليق الرائع
الله يسلمك يالغالي

	المشاركة الأصلية كتبت بواسطة بدرالمزيني

	صح لسااااااااااااااااااااااااااااااانك ملايييييييييييييييييين وهم يستاهلون من قدم يلقى وش قدم وانت بيّض الله وجهك انا أشهد انك ماتغط النور لك مودتي وإحترامي

صح بدنك كثرهن..
لاشك انهم يستاهلون الأبطال
وانت ماعليك زودياالمزيني..
لاهنت على المرور والتعليق ..لك خالص تحياتي