انا حربي ولد حربي شبابي والسيـوف احـداد

خليف بن دواس=
انا بقريش انا بهذيل انـا بسليـم ابـن عبـاد = اخير الناس واهـل الديـره اللـي لاح بارقهـا
بنا فخر النبـوه والرسالـه واطـول الامجـــاد = منـار العالمــــــــــــيـن بدولـةٍ خضـرٍ بوارقـهـا
رجاءالله الحربي=
انا حربي ولد حربي شبابي والسيـوف احـداد = ليا قمنا نشب النـار فـي خنـذف ونحرقهـا
عسى مالله يكثر شكل ابو طارق مع الا جـواد = وجيه الخير مجتمعـه وابـو طـارق يفرقهـا
خليف بن دواس =
اويش الخير فيكم يالبقايـا مـن ثمـود وعـاد = بعد معطاكـم الله سـورة الطـارق بطارقهـا
على ظهر الجمل منا لها قيد ورسـن وشـداد = لهلهـا باقيـه ومسيلمـا الكـذاب سارقـهـا
رجاءالله الحربي=
واحد منا بميه من مطيـر عيـال بـن شـداد = وميه من شيـوخ مطيـر نغرقهـا ونشرقهـا
يقولون الرجال خليف راضع مع سعـد حـداد = ويتخفى وراء البيبـان ليـن يجيـه طارقهـا
خليف بن دواس=
لنا تاريخنا الهجـري ولـك تاريخـك الميـلاد = تحسب انا كما حوت البحـر تمسـح عواتقهـا
انا من علي صيحه يـارجالله واسلم المقداد = دخل في غرفة المياسه اللـي كـان عاشقهـا
رجاءالله الحربي=
لكم تاريخ في رعي الغنم والصـدر والميـراد = ولو قال المطيـري غيرهـا محـدٍ مصدقهـا
يارواد الاراضي حرب في سطـح القمـر رواد = ولا ياخليـف روح وطبـق المشلـح وعلقهـا
خليف بن دواس=
بسيف المجد نرحل من بـلاد ونستحـل ابـلاد = واخذنا من مغاربهـا واخذنـا مـن مشارقهـا
اممنا الجمع ونقود المعارك مـن وراء بغـداد = على ارضٍٍٍٍ بالحجاز ابمعجـزه نثبـت حقائقهـا
رجاءالله الحربي=
تقوله وانت رحت وجيت في ضبط البعير قـراد = تهز الـراس بيـن ايديـك وعيونـك تبحلقهـا
انا اعطيتك صابون قلوب واعطيتك صابون اكباد = والى هالحين ربعك تغـرف البحـر بملاعقهـا
خليف بن دواس=
ولد عباد طول الوقت واقف لك على المرصـاد = يعرف الارض وانته صرت فاسق من فواسقها
ولا ياعقلي اللي له على الماضي حنين افـواد = متـى بايامنـا ترجـع وراء وتعـود سبقهـا
رجاءالله الحربي=
تساوا فوق سطح الارض لا يجمد عليك اجمـاد = ومن شايل بجيبـه صـورة مطيـري يشققهـا

الله يـعـطـيـك الـعـافيـــــــــــة
بيض الله وجهك

الله يعطيك العافيه ورحم الله المحمدي رحمة واسعه شاعر داهيه الله يرحمه

شكراً لك وابيض وجه

شكراااااااا لك

انا حربي ولد حربي شبابي والسيـوف احـداد
ليا قمنا نشـب النـار فـي خنـذف ونحرقهـا


الله يغفر له ويرحمه


والله من الحميا برأسه

!!.بيض الله وجهك.!!

لاهنت على هذا النقل سلمت يمينك والله يرحم شاعرنا المحمدي رحمة واسعه
كان داهيه ورجل حميه لاابعد الحدود

لاهـــنــــت بــيـــض الله وجـــهــك وريـــتــك بــيض0000
000الــــــــــــــــفـــــــــــــــــوااااازي00& &&