ياوجدنا للي بهم عزه ودين

الاخوان الاعزاء اعضاء وزوار هذا الملتقى الطيب اهدي لكم هذه الكلمات المتواضعه راجيا ان لااكون ضيف ثقيل على الجميع والله يجملني ويجملكم بطيب القول والعمل لما يرضيه عنا وهي رباعيه على شكل شيلة الموال واليكم القصيده

ياوجدنا للي بهم عزه ودين=اهل الجزيله والثمينه والثمين
من حضر وإلا بدو ذربين اليمين=واللي يبرهن هرجته بفعالها
لاكن زمان اليوم يالله النجاه=كلٍ على الطيب يومي في عصاه
والخط ابو عنوان بان لمن قراه=هي تصفق اليمنا بدون شمالها
هبت من الغربي ذعاذيع الرياح=اللي تحول كل ممنوعٍ مباح
حنا بعصر العولمه والانفتاح = الشجره اللي مايظل ظلالها
وقمنا نقلد كل صعلوك اجنبي=والنفس نمشي في هواها اللي تبي
هلاكنا فالبعد عن نهج النبي=عزالها بعض البشر عزالها
اكالت القصعا قريب خيمت=بعض علامات القيامه تيمت
كان الرجال الفاضله ماقيمت =تراء البقيه ماتسرك حالها
يمكن بعد مده يسوقن الحريم =والوضع لاسالم ولاهو بالسليم
يالله تزينها وسترك ياكريم=ياعالمٍ بقصارها وطوالها
يعني يصير الامر بيدين المره=هذا التحرر كم من بيت دمره
والرجل ماب ايده من الامر شعره=فرس بدون عنان ياخيالها
ونشوف شيٍ يالنشاما مايقال =مير الامل بالله ثم بابو العيال
اللي مربيهم على سلم الرجال=تبي الرعيه واحدٍ يصحا لها
ذارب بلا شارب وراء بعض الشباب= لايحسبون اللي مسوينه صواب
قلنا شنب واحسب لكلمتنا حساب=الطايله مثل الرجال ارقالها
وان سادوا اللي مايعرفون الاصول=ان كان مالك واسطه مالك قبول
يعني تعلم للنطاله مع نطول=والكف تفداء السيف لوهو شالها
اللي حصل له منصبٍ دونه يذود=غير الغرابه مال احد عنده وجود
باع الامانه والعوايد و العهود=العنصريه ذا زعيم رجالها
بالواسطه يكثر من طار ورقا =للمنصب اللي به جنابه ماهقا
ومدور اللقمه يدور مالقا=يالقمةٍ كل البشر تشقا لها
ولاهو بكل الناس هذا طبعهم=ياكثر ناسٍ مثل زمزم نبعهم
اهل الوفاء يعم دايم نفعهم=صحيح نذخر للثقال اجمالها
واختامها يالله تحمى المسلمين =من شر من به شر وغواه اللعين
امين قولوها معي بالسامعين=جعل الهزايم للعداء تشتالها

كلمات/ مضحي بن جمران الحربي