قصيده وجهتها لشاعر رجاءالله

لـو خيرونـي بنقـره والولايـات =غيـر المدينـه ماقبلنـا مديـنـه
داراً غلاها داخـل القلـب مامـات =لامـا نمـوت وحبهـا حافضينـه
فيها ولدت وعشـة فيهـا سنـوات =لعيونـي اثنتيـن عنـدي وزينـه
من لامني فـي حبهـا للمصيبـات =لامات مايلقـى مـن يسـد دينـه
وان عاش بالدنيا بنكبة وحسـرات =تقفـي عنـه دنيـاه تالـي سنينـه
يادار من حبك عيونـي سهيـرات =وقلبي على شوفـك تزايـد حنينـه
ياما ليالي عشتهـا فيـك حلـوات =بين الرجال أهـل العلـوم الثمينـة
ربعاً لهم بمصادم الخيـل عـادات =سقم العدى يـوم السنيـن المشينـه
ستر العذارى ناطحيـن المغيـرات =رجالهـم بالجـود تنـدا يميـنـه
اليا عتلو فوق المهـار الأصيـلات =من لاذ قـدم نحورهـم جادعينـه
لهم زماناً فـات صولـه وجـولات =ستر العـذارى ضيفهـم مكرمينـه
ياليتني في دارهـم كـل الأوقـات =ويا ليت مسكان اسكنـو ساكنينـه
ومن بعد ماسجلة جزلات الابيـات =من هاجسـاً بالقلـب بيـح كنينـه
قم يانديبي فوق صنـع الخواجـات =يشوق راع الصنف حجـم المكينـه
اليا مشى يطوي بعيـد المسافـات =اسمه ثـلاث احـروف ياجاهلينـه
من شركته عليـه وارد ضمانـات =من صممـه لأعـل تسلـم يدينـه
عساه دايـم فـي ليالـي سعيـدات =لو كان ما ديـن الأجاويـد دينـه
ماني معه بالقبر داخل ليـا مـات =كلن عمل نفسه مـع محـا سبينـه
من حي خمسه من ضواح الحويلات =حرك عسى دربه يالاجـواد زينـه
مرسول مني في سـلام وتحيـات =لبو علـي مـن عندنـا مرسلينـه
نسل الرجال أهل الكرم والمـروات =حرز الذليـل وسلمهـم مدركينـه
مشكاي يامشكـاي زبـن الونيـات =افزع لواحد حـارب النـوم عينـه
عـاف المنـام ون بالليـل ونـات =وأنت كسيـراً بالخشـب جابرينـه
ماون قصده عايشـاً فـي مـذلات =مـن الفـراق ايـون ياعاذليـنـه
عاف الجبيل ومسكناً قرب سيهـات =والحال من مجلاس بالشرق شينـه
ماعاد ليـه فيـه يالقـرم رغبـات =فرقـاه عنـدي عيـد ياعاشقينـه
لكن ظروفي يارجـاءالله صعيبـات =تجري الرياح بغيـر رأي السفينـة

توفي قبل تصله القصيده الله يرحم ابو علي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	صح الله لسانك ولاهنت وسلم فكرك وبنانك دمت برعاية الله وحفظة

الاخ بن فرهود الله يجمل حالك وتقبل تحياتي

ياسلام ياسعد
عز الله انها ابيات مليانه ومعبره
والله يرحم رجاالله الحبلاني
فهو من شعراء قبيلة حرب ومن شعراء الخليج

صح لسانك
وفي انتظار جديدك

الاخ صقر المراقيب مشكور على المرور تقبل تحياتي