الى عموم الشعار

سلام من شاعر يبا معه شاعر يظبط القاف = ويحقق المعنى بكل الطروق ويامسى الخير
وما اذمكم ياربعنا كلكم شعار عراف = لكن نبغى الشاعر اللي يشوق ويا مسى الخير

صح لسانك يالشاكر ابو سامي

أنا حاورتك قبل أيام
و مرتبط مع جبل طارق بطاروق
و الا كان ما أفوت هذا الطاروق الكايف

أنا بصفك لين يجي قبيلك

الليل يالشعار

تقبل تحياتي

اسمحلي اخي الشاكر بمجاراتك كأول مشاركه لي في المنتدى اتمنى ان اوفق واقدم ما ينال على استحسانكم

يامرحبا واللي يدل الدروب يسير ما خاف = ياخذ ويعطي ما تضيع الحقوق ويامسى الخير
يقوله اللي عالجمايل بدا في كل مشراف = نسمع رعود ولا نشوف البروق ويامسى الخير

	المشاركة الأصلية كتبت بواسطة محمد لفيان

	اسمحلي اخي الشاكر بمجاراتك كأول مشاركه لي في المنتدى اتمنى ان اوفق واقدم ما ينال على استحسانكم يامرحبا واللي يدل الدروب يسير ما خاف = ياخذ ويعطي ما تضيع الحقوق ويامسى الخير يقوله اللي عالجمايل بدا في كل مشراف = نسمع رعود ولا نشوف البروق ويامسى الخير

[align=center]سلمت ولا ندمت ياابو فهد وراعي الاوله وصح لسانك واستلم لاهنت :[/align]

دام البقاء ياللي ترحب ولك في القيل ميقاف = ياابو فهد راعي معاني وذوق ويامسى الخير
عز الله انك وقت في راس حيد وصدت الاهداف = وعسى غروب الشمس بعد شروق ويامسى الخير

صح لسانك واستلم

حنا نبا ناخذ من البير لو ماغير مغراف = حتى ولو جرعه تبل الحلوق ويا مسا الخير
انا ادري انك من رجال تجيب الحق بانصاف = وابشر نبا نجزيك منها وفوق ويامسا الخير

أسمع الرد يالشاكر ابو سامي :-
هلا بالشاعر الي مايخطي الاهداف == وللمعاني غروب وشروق ويامسى بالخير
انا حــر ابن الاحرار ولاني بخطاف == للمعاني وحــــافظ للحقوق ويامسى بالخير

	المشاركة الأصلية كتبت بواسطة محمد لفيان

	صح لسانك واستلم حنا نبا ناخذ من البير لو ماغير مغراف = حتى ولو جرعه تبل الحلوق ويا مسا الخير انا ادري انك من رجال تجيب الحق بانصاف = وابشر نبا نجزيك منها وفوق ويامسا الخير

سلمت واستلم لاهنت :

الخيل والبل الاصيلة تبا سايس وعساف = وان كان فات الفوت صعب اللحوق ويامسا الخير
وانته شبابي والشبابي بعز ومابه اخلاف = وابشر بخير وعندكم مايفوق ويامسا الخير

	المشاركة الأصلية كتبت بواسطة عاشق وطن

	أسمع الرد يالشاكر ابو سامي :- هلا بالشاعر الي مايخطي الاهداف == وللمعاني غروب وشروق ويامسى بالخير انا حــر ابن الاحرار ولاني بخطاف == للمعاني وحــــافظ للحقوق ويامسى بالخير

مرحبا بك اخوي عاشق وطن والقاف بيني وبين الشاعر المعروف
محمد بن لفيان ولا خلص القاف ابدع والله يحييك
والمقبلات بخير

استاذنك أخوي محمد لفيان عندي مشيوير ونلتقي بعد العشاء ان شاء الله
لتكملة القاف .,

صح لسانك

لاصار لك فالبنك ثروه وتحمل كرت صراف = ما ينقفل دونك ولا باب سوق ويا مسا الخير
ياكثر ما يحمل جملنا حمول ثقال وخفاف = منها يجف الدم وسط العروق ويا مسا الخير