محاورة بين الشاعرين صياف بن عواد الحربي والشاعر لاحق بن ابراهيم الزويهري رحمهم الله

لاحق :=
تحيرت ياصياف مدري وش ابطـــــاك =تحيرت ياصيـــاف وش ذا المغيبــــــه
انا ربي أعطاني كما ما الله اعطــــاك =ومن هو يجيه الخــير يعطي صحيبـــه
صياف :=
انا ما تحـير يابن الاجــواد لــــــولاك =وشهــوات الأنفس يالهذيـلي صعيبـــــه
إليـا أعطاك ربك عـز دينـك ودنيــاك =وطــالـــع بعينـك للديـــــــار القريبـــــه
لاحــــق :=
أنا عارف إنــك تبدي للخـير يمنــاك =وهـذي على الأجـــواد ماهــي غريبـــه
نزلت البحر والله من المـوت ناجاك =ولا زم تصــدق من عروض المصيبــه
صيــاف :=
أنا أشوف في جيبك ثلاثين مسـواك =وهــذي مع العــربـان قصـه عجيبـــــه
نزلـت البحــر قـدام دورات الأفــلاك =وجهـــزت للمخطــي سهــومٍ عطيبـــــه
لاحــق :=
أبعطي ذاك المسواك والحظ يبــراك =ومــــدت صحيــب لصاحبـــه ما تعيبــــه
أنا شفت مسراح وأنا شفت مضواك =ولا أدري ويـش شفت من ذا الكسيبــــه
صيــاف :=
عليــك الله اكــبر كلهــا ما تعــــداك =ولكن إنـك الليــله قـاضبــلك قضيبـــــــه
عدوك رماك برمح صابك ولاأخطاك =ولـكــن دور لــك طـبـيــب وطبـيـبــــــه

يعطيك العافيه على النقل الرائع

يعطيك العافيه ولاهنت

يعطيك العافيه على النقل الرائع

الله يعطيك العافيه يابن العم

مشكور يابن العم

بيض الله وجهك

يعطيك العافية ع النقل الرااااااائع
و صح لسان الشاعرين
و رحم الله صياف

مشكور يابن العم

بيض الله وجهك

مشكورين على المرور